Ég tek fegurðardrottninguna á málið

Það er mánudagur og ég er blúsuð.

Það má. 

Ég sakna Olivers og Maysu minnar, ég hef ekki séð þau síðan í janúarlok.

Á morgun fara Oliver og Maya með ömmu-Brynju, afa-Tóta og fleira fólki til Marbella á Spáni.

Robbinn verður að vinna hér með einhvern atburð á meðan. 

Mig langar svo að knúsa litla krúttmolann minn en að líkindum sé ég þau ekki fyrr en í ágúst.  Svona getur þetta verið snúið þegar fólk býr "alla" leið úti í Londres.

Þá verður mamman þrítug og ég ætla rétt að vona að hún haldi upp á herlegheitin hérna heima.

En ég get þó verið glöð yfir því að amma-Brynja er flott á myndavélinni og er dugleg við að hlaða inn myndum fyrir Granny-J.

Það er þó lán í óláni.

Ég sem bloggaði um daginn um að mánudagar væru góðir dagar.  En ég vaknaði svona sorgmædd í morgun en það þýðir ekki að vola og skæla.

Farin að æ...

Segi svona.

Ég held að ég brosi bara í gegnum tárin og taki fegurðardrottninguna á daginn.

Later.

Athugasemdir

[Steingerður Steinarsdóttir, 9.6.2008 kl. 11:06]

Mikið skil ég þig. Enn hef ég ekki fengið að reyna þá ánægju að vera amma en hlakka óskaplega til þegar af því verður.

[Birna Dis Vilbertsdóttir (IP-tala skráð) 9.6.2008 kl. 11:08]

Ég tek fegurðardrottninguna líka á daginn .Er farinn að hjóla í sund

[Jóhanna Magnúsar- og Völudóttir , 9.6.2008 kl. 11:29]

.. Oh, hvað ég skil þig, vont að vera fjarri svona krúslum. Myndi eflaust leggjast á flugbrautina eða eitthvað álíka dramatískt ef hún dóttir mín ætlaði að flytja aftur með eina barnabarnið til Danmerkur.

[Tína, 9.6.2008 kl. 11:51]

Elskandi hjarta er sönnust viska.  Ég sendi þér hlýjar hugsanir Jenný mín.

Njóttu dagsins dúllan mín.