Fimm þúsund kvikindi

Á maður að hlægja eða gráta?

Jón Gnarr er ekki par hress með húmorslausu kaþólikkana sem ætla að segja upp áskriftinni að Símanum, vegna margendurtekinna guðlasta hans.

Úpps.  Ekki djóka með Jesú, ekki pabba hans, fósturpabba (eða má fokka í Jósep?), mömmu hans eða öðrum ættingjum og vinum.

Ég er að mörgu leyti sammála Jóni um að kaþólsku leikmennirnir viti ekkert hvað trúaðir geri. Almennt gengur fólk um með sína barnatrú í hjartanu og ég held að smá grín um guðdóminn kryddi tilveruna og sé í raun bráðnauðsynlegt.

Ég er smá trúuð (uss), ekki fer þetta fyrir brjóstið á mér, en það er kannski ekki að marka, ér er forstokkuð í mínum einkatrúarbrögðum.

Hins vegar þá er það auðvitað mál ef fimm þúsund kvikindi segja upp áskrift af Símanum og þá er ég að tala um krónur og aura gott fólk.  Ekki biblískar afleiðingar.

Ef rétt reynist þá er ég hrædd um að Síminn endurtaki ekki leikinn með Jóni Gnarr.

Ergó: Vont fyrir Jón Gnarr og fyrir Símann sem missir stöðugt viðskiptavinina yfir til annarra fyrirtækja.

En miðað við verðskrá Símans og flótta okkar almennings frá fyrirtækinu, þá er eiginlega spurning hvort einhver verður eftir þegar fimm þúsund fara.

Ómægodd! Gaman að sjá hvort einhver hefur húmor fyrir því.

Lalalalala, góðan daginn, ég er í stuði. 

Farin að biðja morgunbænir. 

Lengi tekist á við húmorsleysi

Athugasemdir

[Jóna Á. Gísladóttir, 6.6.2008 kl. 09:17]

ég er bit. Verð bara að segja það. En fyrst og fremst vorkenni ég fólki sem er lokað fyrir þeirri staðreynd að Guð skapaði okkur (flest) með húmorsgenin innbyggð og ætlast til þess að við notum þau. Eða allavega minn Guð. Hann er nebblega svo assgoti skemmtilegur, jákvæður og réttlátur og þess utan hefur hann húmor fyrir sjálfum sér og sinni fjölskyldu.

Annars útnefni ég þig krútt dagsins fyrir krúttlegu athugasemdina mín megin. Same to you honey.

[Jenný Anna Baldursdóttir, 6.6.2008 kl. 09:29]

Ég er í áfalli Jónsí mín, afhverju ertu komin með þessa fölu mynd?  Hún er alveg fín, en hún sést varla.  Loveu!

Búkolla: Já eða Jesúsamía.

[Helga Guðrún Eiríksdóttir, 6.6.2008 kl. 09:39]

Góða helgi frá Englandi í Jesú nafni og í boði Morgunblaðsins!

[Jenný Anna Baldursdóttir, 6.6.2008 kl. 09:42]

HG:

[Helga Guðrún Eiríksdóttir, 6.6.2008 kl. 10:05]

[Svanur Gísli Þorkelsson, 6.6.2008 kl. 10:09]

Ég er ekki viss um að rannsóknarrétturinn sjálfur geti fundið í auglýsingunni eitthvað guðlast. Það mætti bara spyrja hann. Hann er enn til og er enn að berjast við trúvillur þótt hann hafi breytt um nafn.

[Jenný Anna Baldursdóttir, 6.6.2008 kl. 10:15]

Svanur: Takk fyrir link.

HG.  Right back at you

[Hulla Dan, 6.6.2008 kl. 10:20]

Besta auglýsing á eftir hinni með Júdas...
Elska Jesús Jón.

[Heiður Þórunn Sverrisdóttir, 6.6.2008 kl. 10:32]

Þetta er frábær auglýsing og Jón er frábær í henni ....og Hilmir Snær er líka góður segi jesús hvað þeir eru góðir þarna.

[Matthildur Ágústa Helgadóttir Jónudóttir, 6.6.2008 kl. 10:42]

Mér þótti þetta einfaldlega sniðug auglýsing, ég er í viðskiptum við Símann og er ekki á förum þaðan.  Ég verð kannski síðasti kúnninn þeirra

[Hrönn Sigurðardóttir, 6.6.2008 kl. 11:14]

Ég velti því fyrir mér hvort fólk sem segir upp í áskrift í hópum, sé frekar að segja upp vegna hækkunar á gjaldskrá en fóðri það með auglýsingunni! Það er einhvern veginn alltaf eins og fólk geti aldrei gert neitt á réttum forsendum...........

Ég velti því líka fyrir mér hvort þetta sé almennt fólk sem keyrir um á toyota - en eins og allir vita þá krossfesti toyota fólkið jesú

Meikar ekki sens? Lestu þá aftur - ég er svo djúp að þú hefur líklega ekki fattað það við fyrsta lestur

Toyota er mest selda bílategundin. Fólk er hópsálir - nema kannski ég - Fólk kaupir toyota af því að múgurinn kaupir toyota!

Múgurinn krossfesti Jesú.......... 

[Lára Hanna Einarsdóttir, 6.6.2008 kl. 11:21]

Ég er alsaklaus, Hrönn djúpúðga. Hef aldrei átt Toju!

Góður punktur hjá Jónu - húmorgenin eru jú hluti af pakkanum.

Þegar málið kom upp með Múhameðsmyndirnar státuðu Kristnir sig af umburðarlyndi gagnvart gríni. Annað kemur nú í ljós.

[Brjánn Guðjónsson, 6.6.2008 kl. 11:24]

ótrúleg hystería.

fyrir mér er fyrst og fremst tíðarandi þess tíma birtur í spéspegli, en það er víst lítið að gera við öllu því fólki sem einhvernveginn tekst sífellt að taka öllum sköpuðum hlutum sem persónulegum árásum á sig.

[Laufey B Waage, 6.6.2008 kl. 14:26]

Hef aldrei skilið hvað Jón Gnarr er að villast meðal kaþólikka. Hann er að mínu mati miklu Kristnari en þeir. Húmorsleysi bókstafstrúarmanna hefur mér aldrei þótt í stíl við þann yndisleik sem Jesú boðaði.

[Svanur Gísli Þorkelsson, 6.6.2008 kl. 14:37]

Laufey; ég held að kaþólikkar verði seint flokkaðir undir bókstafstrúarmenn, alla vega miðað við suma mótmælendatrúflokkanna, ef það er það sem þú ert þá að meina. Það sem enn hefur ekki verið bent á er hvað það er sem fer fyrir brjóstið á þessum 5000, burtséð hvort þeir hafa húmor eða ekki.

[Jenný Anna Baldursdóttir, 6.6.2008 kl. 17:24]

Já Anna, kannski að hún sé pönnukaka og þetta allt saman tómur misskilningur.  Hm....?

[kiza, 7.6.2008 kl. 13:34]

Þetta er örugglega bara partur af markaðssetningunni hjá Símanum, til að fá fleiri til að horfa á auglýsinguna og hugsanlega kaup 3G síma ;)

Prakkarar þessir markaðsfræðingar upp til hópa...

-Jóna.