60% elska ákveðinn mann í Borg Firringarinnar

Borgarstjórinn í Reykjavík er krútt. 

Ég er hætt að fokkast í honum, nema að hann fari að haga sér eitthvað rosalega skynsamlega.

En..

Tæplega 60% borgarbúa er á móti flutningi á flugvellinum í Vatnsmýrinni.

En Ólafur F. veit að þessi 60% voru eiginlega ekki að svara því beint.

Nei, nei, nei, þeir voru undir rós að svara því að þeir styddu Ólaf.

Þessi skoðanakönnun í gær þar sem Ólafur F. er studdur upp á liðlega 2% er þar með fokin út af borðinu. 

Um 60% Reykvíkinga styðja nefnilega borgarstjórann í Reykjavík.

Jájá, það má lengi lesa svo rétt verði.

Úje

 

Borgarstjórinn fagnar niðurstöðu skoðanakönnunar

Athugasemdir

[Þorsteinn Mar Gunnlaugsson, 26.5.2008 kl. 14:58]

Nákvæmlega. Ótrúlegt hvernig hægt honum tekst að lesa úr þessu stuðning við sig persónulega og sín baráttumál. Þetta hefur ábyggilega ekkert að gera með að margir borgarbúar eru hreinlega orðnir vanir því að hafa flugvöllinn þarna og vilja ekkert sjá breytingu á því, óháð því hvaða stjórnmálaflokkur er við völdin hverju sinni. Neibb, þetta er hrein og klár stuðningsyfirlýsing við Ólaf. Þar með verð ég víst að heimta flugvöllinn burt og það strax!

[Jóna Á. Gísladóttir, 26.5.2008 kl. 15:00]

þarna er mér nokk sama um fylgi við krúttið eða ekki. Ég vil allavega ekki sjá þennan flugvöll hreyfast. Allavega ekki á Hólmsheiði, það er á hreinu.

[Edda Agnarsdóttir, 26.5.2008 kl. 15:24]

Nú, eru þá flugvöllurinn og Ólafur orðin eitt? Ætlar Ólafur að búa í flugvél í framtíðinni? Ég segi svona - en flugvöllurinn á að fara, hann getur bara verið á Miðnesheiðinni og svo verður Metró á milli eða hraðlest!

[Steinn Hafliðason, 26.5.2008 kl. 15:56]

Legg til að flugvöllurinn verði skírður Ólafsvöllur og kjörtímabilið í borginni Ólafsvallabardagi

[Ragnhildur Sverrisdóttir, 26.5.2008 kl. 15:56]

Í viðtali er þetta haft eftir borgarstjóranum (OG Ólafi, líklega):

“Kannski mættu fleiri en borgarstjóri - og ekki þá síst fólkið í borginni - taka upp hanskann fyrir mín sjónarmið. Því að með því að reka þennan harða áróður gegn borgarstjóra þá er verið að reka fleyg í þessa skoðun svo margra Reykvíkinga.”

Fleiri en borgarstjóri taka upp sjónarmið Ólafs?  Er Ólafur ekki borgarstjóri? Og borgarstjórinn Ólafur???

[Himmalingur, 26.5.2008 kl. 16:18]

Halló! Ólafur halló jörð kallar á Ólaf: Halló!!!!

[Lilja Guðrún Þorvaldsdóttir, 26.5.2008 kl. 16:20]

Ólafur Eff, er fastur fyrir einsog flugvöllurinn, og nú er Ólafur Eff.  orðinn eilífur, einsog flugvöllurinn.-  Því ef flugvöllurinn fer, þá fer ég, gæti Ólafur Eff hafa sagt, við borgarlýðinn, og þar með, var það ákveðið, að hafa flugvöllinn áfram, svo Ólafur Eff yrði áfram. -

Enginn annar borgarstjóri mundi setja sjálfan sig framar öllum hagsmunum borgarinnar sem hann stjórnar, nema Ólafur Eff.  - Ólafur Eilífi mun hann heita hér eftir.

[Tiger, 26.5.2008 kl. 19:49]

Æi, karlgreyið á bara að taka hatt sinn og skó - og labba út í sólsetrið. Það eru auðvitað engin 60% til sem styðja karlinn, eða er karlinn flugvöllurinn?

[Jenný Anna Baldursdóttir, 26.5.2008 kl. 21:41]

Guðlaugur: Góður.

Tiger: Hann og flugvöllurinn eru eitt.

LG: Flott nafn á karlinn.

Ragnhildur: Ég er í kasti.

Jóna: Af hverju má flugvöllurinn ekki fara úr miðborginni.  Það er ekki eins og allir séu fótgangandi.  Auðvitað á hann að vera í Keflavík.

ÞMG: Sama hér burt með helvítið.