Bækur og boltar

Ég sat úti á svölum í dag og las og las og las.  Það gerði ég sko eftir að hafa sumarþrifið svalirnar, garðhúsgögnin og grillið.  Ok, ég ryksugaði grillið aðeins. 

Ég skúraði líka og bar eitt og annað ofan í geymslu en ég ætla ekki að fara nánar út í það plebbarnir ykkar.

Ég er að lesa  skáldævisögu Guðbergs Bergssonar sem er komin út í kilju.  Hún kom upphaflega út í tveimur bindum en er sem sagt kominn í eina bók núna.

Það er ekki til fallegri orðatónlist en sú sem Guðbergur Bergsson skapar.  Í nútímanum auðvitað.  Ég fer í hrifningarvímu og langar að stökkva út á næsta horn upp á eplakassa og deila með mér upplifuninni.  Ég veit, ég er tilfinningavöndull og ógeðslega hrifnæm og væmin.  Ég segi ykkur það krakkar mínir að ef þið kunnið að lesa og hafið ekki lesið þessar bækur, gerið það núna.  Kiljur eru svo hentugar í bústaðinn, á ströndina, í bílinn (ef þið eru ekki að keyra, bara svo mér verði ekki súað hérna) og á kaffihúsið.

Og meðfram Guðbergi (eða framhjá honum, eftir því hvernig á það er litið) er ég að glugga í nýútkomið ritsafn með ljóðum Þórarins Eldjárns.  Þar fer enn einn snillingur orðsins.  Ég á flestar bækurnar hans en það er frábært að fá þær í einni bók.  Þórarinn er með mestum húmoristum og ljóðasnillingum á Íslandi fyrr og síðar, leyfi ég mér að segja.

Það er ekki leiðinlegt lífið í bókaveröldinni börnin góð.

Hvað mynduð þið gera ef þið hefðuð mig ekki til að forlesa fyrir ykkur?  Ha???

Þið þyrftuð að glápa á Kiljuna öllum stundum og pæla í gegnum hvurn doðrantinn á fætur öðrum, mörgum hundleiðinlegum.  Jájá.

Farin að dýfa mér í bók.

Sko, þið sem eruð að bíða eftir boltanum sem nefndur er í fyrirsögninni - hann er ekki til umfjöllunar hér, mér fannst þetta bara svo krúttleg fyrirsögn.

Þorrí.

Athugasemdir

[Sigrún Jónsdóttir, 14.5.2008 kl. 22:59]

Þínar setningar hljóma nú stundum (oft, m.a.s.) sem fegursta tónlist í mínum eyrum frú Jenný.

[Ásdís Sigurðardóttir, 14.5.2008 kl. 23:02]

Þú ert nú bara prakkari og megakrútt elskið mitt.  Alltaf gaman að lesa bloggin þín.  Gott að hafa einhvern sem forles fyrir mann, nú langar mig að kíkja á Straujárnið

[Ásdís Sigurðardóttir, 14.5.2008 kl. 23:03]

Vááááá ég er búin að skrifa tvær færslur og allt dettur út.  Ætlaði bara að segja að þú er mega krútt og snillingur.  Gott að hafa svona forlesara og núna langar mig að kíkja á meistara straujárn (eldjárn)  hafðu það gott dúllið mitt.

[Ásdís Sigurðardóttir, 14.5.2008 kl. 23:04]

Nú á ég ekki til aukatekið orð, týnda færslan fundin, jæja svona er þetta stundum GN

[Linda Linnet Hilmarsdóttir, 14.5.2008 kl. 23:06]

Innlitskvitt og bestu kveðjur

[Laufey B Waage, 14.5.2008 kl. 23:18]

Já sjálfsævisögurnar hans Guðbergs eru með því besta sem ég hef lesið, ég tek svo sannarlega undir það. Og vel skrifaðar bækur eru hreinn unaður. - Eitt af því sem gefur lífinu lit.

[Ásthildur Cesil Þórðardóttir, 14.5.2008 kl. 23:23]

[Jóna Á. Gísladóttir, 15.5.2008 kl. 00:08]

OMG hvað ég verð bara að taka þín orð fyrir þessu. Allavega þar til ég verð fullorðin og nógu þroskuð til að lesa svona fagurbókmenntir. En þú ert megakrútt og mátt alveg koma og þrífa garðinn hjá mér.

[Hrönn Sigurðardóttir, 15.5.2008 kl. 00:11]

Mátt líka alveg koma og lesa upphátt fyrir mig!!

Bara ekki Guðberg

[Guðrún B. (IP-tala skráð) 15.5.2008 kl. 00:43]

HA !!  Ertu að stofna bókalestrarklúbb ??

En ég les aldrei ... nema blogg.  Og þó

[Hrafnhildur Ýr Vilbertsdóttir, 15.5.2008 kl. 01:43]

Takk fyrir þessa bókafærslu, er komin í smá frí og veit fátt skemmtilegra en að lesa góðar bækur

[Jónína Dúadóttir, 15.5.2008 kl. 07:28]

Búið að segja allt sem ég hefði sagt, svo ég býð bara góðan dag

[Jenný Anna Baldursdóttir, 15.5.2008 kl. 08:38]

Sigrún: Takk kærlega.

Ásdís: Þú náðir þessu.

Laufey: Við erum sammála.

Jóna: Ljúktu við Saffraneldhúsið (ef þú ert ekki þegar búin að því) og ég lána þér eina frábæra í viðbót).

Hrönn: Hvaða fordómar eru þetta gagnvart Guðbergi? 

Guðrún: Þú verður að halda við íslenskunni þarna í Færeyjum.  Lesa upphátt svo þú farir ekki að tala með hroym.

Krumma: Það er heill hellingur af kiljum búnar að koma út frá áramótum.  Verðið er gott og það er frábært úrval góðra bóka á markaði.

Hallgerður: Láttu karlinn lesa fyrir þig.

[halkatla, 15.5.2008 kl. 09:10]

ég vil ekki hugsa til þess hvernig ástandið væri ef þú læsir ekki og létir okkur vita

[Jenný Anna Baldursdóttir, 15.5.2008 kl. 09:12]

AK: Þú getur hætt að lesa um samsæriskenningar og farið að lesa almennilegar bókmenntir brjálæðingurinn þinn