Upp á vatn og brauð?

 

Stundum er ég að hugsa um hversu góðu vanur maður er orðinn.  Eins og t.d. það að geta farið að versla án tillits til hvaða dagur er.  Ég man nefnilega eftir háheilögum dögum þar sem ekkert var opið.  Mikið skelfing fannst mér það leiðinlegt.  Ég hugsaði; mig gæti vantað eitthvað og hvað á ég þá að gera?

Vegna anna út af skírnarveislunni hans Hrafns Óla, sem haldinn var í gær, fór lítið fyrir innkaupatilburðum undirritaðrar.  Ég mátti ekki vera að því að pæla mikið í matseðli þrátt fyrir komandi hátíð.  Hvítasunnan er ekki bigg díl fyrir mér, enn einn frídagurinn bara.  Eina hátíðin sem ég missi kúlið yfir eru jólin.

Og í morgun rann það upp fyrir mér að það er ekkert til í kotinu.

Ok, ekkert er kannski dálítið ýkt, en ekkert bitastætt er í ískáp að finna  Það er ekki til kjöt, ekki grænmeti og því um líkt.  Ég varð samstundis pirruð þegar ég sá að Hagkaup var lokað og Bónus gefur ekkert upp á sinni heimasíðu um opnunartíma.  Ekki Krónan og ekki Nóatún.

Allt í einu bara VARÐ ég að kaupa eitt og annað.  Mér leið eins og ég væri í vist upp á vatn og brauð hér uppi í Gólan.

Og svo uppgötvaði ég að þetta er auðvitað fáránlegt sjónarmið.  Það er ágætt að búðir skulu vera lokaðar af og til.  Verra finnst mér með kaffihúsin.  Það er ekki vitund Cosmopolitan að hafa þau lokuð á frídögum.

Er ekki 10/11 eða hvað þær nú heita, opnar alltaf? 

Eða kannski ég sleppi bara öllum verslunarhugmyndum og baki pönnukökur eða eitthvað.

Hm... ég held það bara svei mér þá.

Gleðilega Hvítasunnu.

Athugasemdir

[Huld S. Ringsted, 11.5.2008 kl. 15:19]

Eru ekki þessar klukkubúðir alltaf opnar, starfsfólk þar virðist aldrei þurfa að fá frí.

Góðan pönnukökubakstur, ég ætla að freista þess að eitthvað kaffihús sé opið en kíkja fyrst á sýninguna hjá Hrafnhildi. (krummasnill)

[Halla Rut , 11.5.2008 kl. 15:22]

Það er svo hlægilega stutt síðan að þetta var svona.....

Fólkið fær frí. Vinnuskipulagið er bara öðruvísi og auka fólk kemur inn.  

[Jens Guð, 11.5.2008 kl. 17:17]

  Svo eru bensínsjoppurnar alltaf opnar - með eða án olíuverðssamráðs.

[María Guðmundsdóttir, 11.5.2008 kl. 17:49]

pønnsur...slurp slurp...tala nú ekki um med sultu og rjóma vona ad thid hafid notid vel. Gledilega hvitasunnu

[Helga Magnúsdóttir, 11.5.2008 kl. 18:37]

Ég man eftir því þegar lokað var frá 6 á föstudögum og þangað til á mánudögum. Allar hátíðir voru glataðar og rjómi og egg voru hömstruð. Mig hryllir við þessum minningum.

[Ía Jóhannsdóttir, 11.5.2008 kl. 21:28]

Æj, æj, ef það væri ekki svona langt á milli okkar mundi ég bara bjóða ykkur hjónum hingað í grill en þið eigið það bara inni hjá okkur Þóri

[Jónína Dúadóttir, 11.5.2008 kl. 21:55]

[Ásdís Sigurðardóttir, 11.5.2008 kl. 22:13]

Allt meira og minna opið í dag, var það ekki annars?? enginn þarf að svelta núorðið þótt búðir séu lokaðar.  Þetta var nú meira gaman í den þegar fólk keypti inn með forsjálni.  Góða nótt 

[Jóna Á. Gísladóttir, 11.5.2008 kl. 23:07]

Það datt skyndilega í hausinn á mér í dag að elda lasagne í kvöldmatinn. Mig vantaði kjötið í herlegheitin ásamt fleiru. + egg í vöfflurnar sem ég ætla að baka á morgun. Á nebblega von á skemmtilegum gestum á morgun. 10-11 er málið skal ég segja þér. Á morgun verður sennilega allt opið aftur.

Ég er samt á því að búðir eigi barasta að vera lokaðar á svona dögum. Ef það væri lokað og allir meðvitaðir, þá myndi fólk líka gera ráðstafanir fyrir lokunardagar. Ég er sammála, við erum orðin of ''góðu'' vön.

[Eyrín Gísladóttir (IP-tala skráð) 12.5.2008 kl. 00:34]

Gleðilega hvítasunnu og verði þér að góðu af pönnukökunum

[Ugla (IP-tala skráð) 12.5.2008 kl. 00:39]

Mig langar að bæta við þetta Jóna mín, það voru stundum fjóriri dagar sem maður þurfti að hugsa fyrir. Í raun, var það ekkert erfitt ef maður var búinn að ákveða uppskriftina áður en maður fór að versla!!

1. dagur  lambalæri +meðlæti

2.dagur Pasta með Lambakjöti (afgangi)

[Guðríður Hrefna Haraldsdóttir, 12.5.2008 kl. 01:08]

Hér á Skaganum held ég að ekkert hafi verið opið nema bensínstöðvar. Bara allt í lagi.

Knús í bæinn! 

[Linda litla, 12.5.2008 kl. 01:30]

Ef að ég er ein heima (barnlaus) þá eru hátíðadagar ekki til hjá mér. Sonur minn fór í fermingarveislu í dag með föðurfjölskyldunni og fór svo í sveitina að heimsækja systir sína eftir ferminguna og kemur ekki heim fyrr en á morgun. Hvítasunnumáltíðin mín var "krabbasúpa úr dós" hún var fín. Og á morgun annan í Hvítasunnu, þá ætla ég að fá mér samloku með sardínum í tómatsósu. namminamm, það þýðir ekkert að bjóða syni mínum upp á þetta, þannig að ég er að njóta þess

Annars fór ég í bæinn í dag og á kaffihús, það var a.m.k. opið á Prikinu á Laugarveginum, ég held að veitingastaðir og kaffihús séu alveg hætt að virða hátíðardaga.... það er eins og það sé alltaf opið á einhverjum stað á svona dögum.

Hafðu það gott Jenný mín. Vonandi fóru pönnukökurnar vel í ykkur.