Sirkus Merzedes

Gilzinn er í kreppu.  Það stendur allt um það í Mogganum.  Aumingja maðurinn.  Hann skilur ekki hvers vegna hann vann ekki útsláttarkeppnina.  Og svo var hann "bara" fúll í fimm mínútur eftir að úrslitin voru ljós. 

Ég veit ekki með ykkur, en ég held að þessar fimm mínútur í fúllyndi séu þær lengstu sem um getur.  Kommon, maðurinn getur ekki sæst á ósigurinn.

Og svo er annað.

Í mínum bókum þurfa tónlistarmenn að kunna að spila á hljóðfæri til að kalla sig tónlistarmenn..

og hljómsveitir þurfa aktjúallí að geta spilað til að standa undir nafni.  Hvorugt á við hér.

Ég sting upp á að þeir kalli sig Sirkus Merzedes, eða Vonnabí Merzedes, því þetta hopp og hí á ekkert skylt við tónlistarfremjandi.

En stúlkan getur sungið.  Getur ekki einhver bjargað henni úr félagsskapnum?

Og þú langrækni drengstauli; get over it!

Annars bara góð.

Later.

Athugasemdir

[M, 11.5.2008 kl. 11:13]

Hann þarf endalaust að tjá sig um þetta og fær alltaf pláss í blöðunum fyrir rausið í sér.En það er alkunn sálfræðiaðferð að tala frá sér vandamálin

Gleðilegan mærðadag

[Dísa Dóra, 11.5.2008 kl. 11:16]

Hmmm eitthvað fannst mér samt fara lítið fyrir sönghæfileikum stúlkunnar á úrslitakvöldinu.  Þar var hún rammfölsk sennilega af stressi stúlkutetrið - og ekki er það nú gott í svona keppni.

[M, 11.5.2008 kl. 11:19]

ohhh mæðradag !!!

[Linda litla, 11.5.2008 kl. 11:30]

Til hamingju með daginn.

[Björg K. Sigurðardóttir, 11.5.2008 kl. 11:39]

Mogginn er eitthvað að poppa sig upp greinilega fyrst Gillz er aðalmálið hjá þeim í sunnudagsblaðinu. En að stúlkan geti sungið....það eru nýjar fréttir held ég

[Jenný Anna Baldursdóttir, 11.5.2008 kl. 11:40]

Ó, getur hún ekk sungið. Ég var að vera almennileg við stúlkuna.  Dauðvorkenni henni í félagsskapnum.

[Heiða B. Heiðars, 11.5.2008 kl. 11:51]

HÚN GETUR EKKI SUNGIÐ.... en djöfull er hún flott! Dræpi fyrir vöxtin hennar og ég er viss um að það eru einn eða tveir strákar á vappi á blogginu sem vildu vöxtinn hans Gilz

[Tiger, 11.5.2008 kl. 12:02]

Ég gruna nú að stúlkan hafi verið í upphafi ætluð sem "skraut" af þessum ofbökuðu barbíkjúbitum. Það væri allavega í anda þeirra. Sammála Heiðu með að hún er rosalega flott, falleg og allt það - en röddin hefur ekki verið að gera sig yfirleitt. Ég er sammála þér með að hún væri mun betur sett utan þessa félagsskapar..

Og jú, sannarlega væri það gott að vera með ákveðinn vaxtaræktarlíkama - en ofbakaður - tanaður í rúst og massaður í hel - nei takk það er of mikið af hinu góða. Gruna að mér myndi ekki líka það vel að vera 24/7 fyrir framan spegilinn að hnykla vöðvana.

En, knús á þig Jenný mín kæra og til hamingju með daginn - njóttu hans vel.

[Huld S. Ringsted, 11.5.2008 kl. 12:35]

Það skín út úr hverju orði drengins að hann er að farast hann er svo tapsár!

En til hamingju með daginn í dag og daginn í gær líka

[Þröstur Unnar, 11.5.2008 kl. 12:55]

Bull og kjaftæði er þetta eiginlega, hún er alveg þrælgóð söngkona. En það klúðraðist gjörsamlega þarna um kvöldið, hún heyrði t.d. ekkert í sjálfri sér syngja að varð að giska á hvar hún var stödd í laginu...

Er nokkuð viss um að hún yfirgefur þennan drengjakór fljótlega og þá kemur þetta hjá henni.

Happy mothers-day u all.

[Marta B Helgadóttir, 11.5.2008 kl. 14:03]

Til hamingju með mæðradaginn Jenný mín.

[Berglind Inga, 11.5.2008 kl. 14:15]

Hahaha barbikjúbitar   En stúlkan datt afar sjaldan inn á laglínuna þarna á úrslitakvöldinu svo ég mundi ekki segja að hún væri þrælgóð söngkona Þröstur Unnar. Það er alveg sama hvað þú heyrir lítið í þér, þú átt að geta slysast til að hitta á laglínuna sem þú heyrir.

[Bryndís Júlíusdóttir (IP-tala skráð) 11.5.2008 kl. 14:28]

Sem betur fer er heimurinn ekki bara svartur eða hvítur.  Góður maður sagði einu sinni (ég er búin að gleyma nafninu á honum)  að  "þú þarft að vera dýrðlingur til að dæma og fordæma aðra".  Ég held að við eigum að vera umburðarlynd gagnvart því sem er öðruvísi en við þó það sé ekki alltaf auðvelt.  Við eigum að gefa öðrum pláss í heiminum.  Eins og t.d. að halda að Evróvision sé bara annað hvort svona eða hinsegin finnst mér alveg út úr kú.  Það er nauðsynlegt að geta séð hlutina utan frá en ekki miða allt út frá eigin nafla. 

[Guðrún (IP-tala skráð) 11.5.2008 kl. 14:37]

Bryndís. Þú ert í mikilli mótsögn við sjálfa þig. Komment þitt gengur út á að dæma ekki aðra, að horfa ekki á hlutina út frá eigin nafla en svo kemur þú með setninguna:

"Eins og t.d. að halda að Evróvision sé bara annað hvort svona eða hinsegin finnst mér alveg út úr kú."

Þarna ert þú sjálf að dæma og sjá hlutina út frá eigin nafla.

[Jenný Anna Baldursdóttir, 11.5.2008 kl. 15:01]

Fólk má vera öðruvísi.  En þeir sem eru í fjölmiðlum upp á gott og vont ganga væntanlega út frá því að það séu settar fram skoðanir almennings um málið.

Ójá börnin góð.

[Bryndis Júlíusdóttir (IP-tala skráð) 11.5.2008 kl. 18:05]

Nei Guðrún.  Ég byrja á því að segja þá skoðun  mína að heimurinn eigi ekki að vera annað hvort svartur eða hvítur.  Ég held síðan áfram og segi að það sama gildi í sambandi við Evróvision.  Ég hélt að þetta væri auðskilið.

[Guðrún (IP-tala skráð) 11.5.2008 kl. 18:13]

Pointið er náttúrulega samt það Bryndís að þú getur ekki bæði sagt að fólk eigi ekki að dæma aðra og tala ekki út frá eigin nafla en klykkja svo út með að þér finnist út úr kú einhver ákveðin skoðun á Evróvisíon.

Þarna ertu auðvitað að dæma þá sem eru á vissri skoðun um Eurovision.

[Svala Jónsdóttir, 11.5.2008 kl. 18:32]

Þrælgóð söngkona, já. Ég held að einhver þurfi að láta stilla tóneyrað, ha ha. En svaka kroppur og glæsileg, það vantar ekki. 

Mér finnst Egill reyndar pínulítið krúttlegur og held að það leynist lítill og ljúfur mömmustrákur á bak við elgtanað og helköttað yfirborðið. Til hamingju með daginn Jenný og allar mæður (og mömmustrákar).

[Anna Ólafsdóttir (anno) (IP-tala skráð) 12.5.2008 kl. 00:05]

Örlítið bloggbannsbrot hér. Ég stelst nefnilega til að lesa eina og eina færslu hjá útvöldum þó að ég sé ekki að blogga sjálf þessa dagana.  

Mér finnst þessar fjórar síður (já pældíðí, FJÓRAR síður) sem Mogginn notaði undir þetta viðtal ein mesta sóun á sunnudagsmoggaplássi sem hægt er að hugsa sér. Sorrý - örugglega móðga ég einhvern núna - en svona á bara ekki að fara með gott blað!

[Jenný Anna Baldursdóttir, 12.5.2008 kl. 01:40]

Anna: Ég sakna þín.