Nýtt Byrgismál?

Þessa dagana er mér beinlínis óglatt yfir fréttunum sem eru að berast um kynferðislegt ofbeldi.

Í Austurríki er villidýrið Frizl til umfjöllunar, hvert sem maður snýr sér.  Í smáatriðum fær maður fregnir af hvernig hann bar sig að, við að nauðga dóttur sinni.  Guð veit hvað fleira hann hefur á samviskunni þetta óargadýr.  En ég minni á að hann er ekki einn.  Það er þægilegt að halla sér að þeirri hugmynd að þessi maður sé verri en flestir.  Auðvitað er það rétt, hann hefur haft óvenjulangt úthald og djöfullega útsjónarsemi ásamt því að búa í þjóðfélagi sem kássast ekki mikið upp á nágrannann, en misnotkun á börnum er að eiga sér stað út um allt.

Ég þakka almættinu fyrir umræðuna sem hefur skapast hér í þjóðfélaginu og gerir óþverrunum erfiðara um vik að fela gjörningana.

Og nú er nýtt Byrgismál í uppsiglingu. 

Presturinn á Selfossi er farinn í frí á meðan mál hans er rannsakað.

Tvær unglingsstúlkur úr kórstarfinu hafa kært og tvær aðrar munu vera á leiðinni að leggja fram kæru.

Um þetta hef ég sem fæst orð.

Mér er bara alveg svakalega óglatt.

Umkvörtun vegna sóknarprests barst kirkjunni

Athugasemdir

[Hrafnhildur Ýr Vilbertsdóttir, 4.5.2008 kl. 20:46]

Maður spyr sig hvað þurfi eiginlega til svo perrar heimsins láti af þessari ógeðslegu hegðun...hér á landi er umræðan tiltölulega opin en samt sem áður virðist ekkert draga úr misnotkun á börnum

[Kristín Katla Árnadóttir, 4.5.2008 kl. 21:04]

Mér flögrar við þessu öllu, ógeðslega máli  þvílíkur viðbjóður.

[Ía Jóhannsdóttir, 4.5.2008 kl. 21:08]

Dálítið uggvænlegt. Fæst orð bera minnstu ábyrgð ekki satt. 

[Gísli Baldvinsson (IP-tala skráð) 4.5.2008 kl. 21:36]

Engu svo sem við þetta að bæta en ég las að ferlið hefði verið svona:

Það var um mánaðarmótin mars apríl sem að foreldrar annarrar stúlkunnar höfðu samband við formann sóknanefndarinnar á staðnum vegna málsins. Stúlkan sem er sextán ára hefur verið virk í kórstarfi kirkjunnar. Sóknarnefndarformaðurinn vísaði foreldunum á Biskupstofu. Eftir að málið barst inn til Biskupsstofu fór ákveðið ferli í gang en til er sérstakt fagráð um meðferð kynferðisbrota innan Þjóðkirkjunnar og var málinu strax vísað þangað. Fulltrúi ráðsins fór á Selfoss til að kanna málið og að þeirri athugun lokinni vísaði Fagráðið málinu til Barnaverndarnefndar sem svo aftur hafði samband við lögregluna.

Mig undrar að ekki skuli  haft samband við barnaverndaryfirvöld fyrr. Mér sýnist það klárlega vera brot á þessum ákvæðum:

16. gr.Tilkynningarskylda almennings.

     Hverjum þeim sem hefur ástæðu til að ætla að barn búi við óviðunandi uppeldisaðstæður, verði fyrir áreitni eða ofbeldi eða stofni heilsu sinni og þroska í alvarlega hættu er skylt að tilkynna það barnaverndarnefnd.
     Annars er hverjum manni rétt að gera barnaverndarnefnd viðvart um hvert það tilvik sem telja má að hún eigi að láta sig varða.

17. gr.Tilkynningarskylda þeirra sem afskipti hafa af börnum.

     Hverjum þeim sem stöðu sinnar og starfa vegna hefur afskipti af málefnum barna og verður í starfi sínu var við að barn búi við óviðunandi uppeldisskilyrði, verði fyrir áreitni eða ofbeldi eða að barn stofni heilsu sinni og þroska í alvarlega hættu er skylt að gera barnaverndarnefnd viðvart.
     Sérstaklega er leikskólastjórum, leikskólakennurum, dagmæðrum, skólastjórum, kennurum, prestum, læknum, tannlæknum, ljósmæðrum, hjúkrunarfræðingum, sálfræðingum, félagsráðgjöfum, þroskaþjálfum og þeim sem hafa með höndum félagslega þjónustu eða ráðgjöf skylt að fylgjast með hegðun, uppeldi og aðbúnaði barna eftir því sem við verður komið og gera barnaverndarnefnd viðvart ef ætla má að aðstæður barns séu með þeim hætti sem lýst er í 1. mgr.
     Tilkynningarskylda samkvæmt þessari grein gengur framar ákvæðum laga eða siðareglna um þagnarskyldu viðkomandi starfsstétta.

Bara svona til fróðleiks.

[Ásthildur Cesil Þórðardóttir, 4.5.2008 kl. 21:50]

Jamm þessi umræða hefur lengi loðað við Séra Gunnar, en hann var prestur í Bolungarvík, svo í Fríkirkjunni og svo í Holti í Önundarfirði, áður en hann fór suður aftur.  

[Jóna Á. Gísladóttir, 4.5.2008 kl. 22:40]

ég ætlaði að koma hér inn og segja að ég myndi hafa sem fæst orð um þetta þar til rannsókn yrði lengra komin en.. hvað er Ásthildur að segja? Djöfullinn hafi það að maðurinn hafi verið sendur á milli prestkalla þegar eitthvað ''hneykslið'' er í uppsiglingu. Þannig vinnur kaþólska kirkjan þegar sambærleg mál koma upp.

Djöfullinn!

[Jenný Anna Baldursdóttir, 4.5.2008 kl. 22:53]

Ég segi ekki meira en ég hef þegar sagt.

Svo vonar maður bara að farið verði í málin.

Takk Gísli, ég kann þessi lög svo að segja utanað en það er gott fyrir fólk að lesa sem ekki veit.

Það eru ekki margir sem vita um tilkynningaskylduna sem á við um almenna borgara, þ.e. að öllum sem vita um illa meðferð á börnum eiga að láta vita.

Ásthildur: Ef þetta er ekki bara slúður um manninn af hverju hefur þá ekkert verið gert? 

[Birna Dis Vilbertsdóttir (IP-tala skráð) 4.5.2008 kl. 23:17]

Ég fatta ekki að ef ORÐRÓMUR er í gangi um kynferðismál prests,kennara,ráðgjafa eða annars sem hefur "skjólstæðinga"af hverju í ósköpunum er ekki gengið strax í að rannsaka málið?Það er EKKERT sem réttlætir kynferðisbrot við höfum ÖLL tilkynningarskyldu að gegna LÍKA EF ÞAÐ ER AÐEINS GRUNUR.Óþolandi ógeðslegt.

[Birna Dis Vilbertsdóttir (IP-tala skráð) 4.5.2008 kl. 23:19]

Svona mál eru ógeðsleg.Mér lá svo mikið á að koma kommennti inn að restin gleymdist.

[Lilja Guðrún Þorvaldsdóttir, 5.5.2008 kl. 00:24]

Ég spyr bara eins og asni, ef þessi umræða er komin í gang, um séra Gunnar, þegar hann er fyrir vestan,  hversvegna í ósköpunum var þetta ekki rannsakað þá?  -  Um leið get ég svarað mér sjálf, vegnaþess að þáverandi biskup var Ólafur Skúlason.

[Jenný Anna Baldursdóttir, 5.5.2008 kl. 00:32]

LG: Rétt ályktað, var að fatta það um leið og þú skrifaðir það. 

[any (IP-tala skráð) 5.5.2008 kl. 01:20]

Að sjálfsögðu er þetta rétt athugað hjá Lilju. En hvað er það sem gerist oft þegar einhver grunur um glæpi sem þennann gerast úti á landi. Jú þessi er tengdur þessum og hinn hinum og allir eiga hagsmuni að gæta, enginn vill missa stöðu sína næ mannorð og svonmál eru þöguð í hel.  N.B. yfirleitt eru framámenn í bæjarfél.starfandi í barnarverndarnefnd svo að hæg eru heimatökin. Ég segi eins og fl. Döfull og aftur djöfull!!! ef þett reynist rétt.

[Hildigunnur Rúnarsdóttir, 5.5.2008 kl. 11:11]

Lilja, hvað kemur málinu við hver er biskup? Svona orðróm á ekkert bara að rannsaka innan kirkjunnar. Rugl að láta hana um það.

Reyndar vona ég innilega að þetta reynist ekki rétt (eða þá lítilvægt) ég er búin að þekkja sr. Gunnar síðan ég var smástelpa og varð aldrei vör við nokkuð svona hjá honum (sem sannar auðvitað ekki neitt).

[Guðrún (IP-tala skráð) 5.5.2008 kl. 11:37]

Hildigunnur. Hvað er lítilvæg kynferðisleg áreitni?

Er ekki málið að prestar eiga að láta ungar stúlkur í friði? Allt annað er kynferðisleg áreitni?

[Hildigunnur Rúnarsdóttir, 5.5.2008 kl. 15:04]

Auðvitað er stigsmunur þarna á, þó ekkert sé réttlætanlegt. Finnst þér sama hvort er nauðgun eða óþægilega mikil nánd eða knús sem ekki var beðið um? (ég er NB alls ekki að segja að hið síðara sé réttlætanlegt, en þó mun skárra og tja, lítilvægt í samanburði við það sem verst getur verið)

Allavega ætla ég ekki (öfugt við ansi hreint marga hér á Moggabloggi) að dæma áður en rannsókn er lokið og dómur fallinn (fari málið í dóm).

[Guðrún (IP-tala skráð) 5.5.2008 kl. 16:05]

Auðvitað er munur þarna á en ekkert af þessu er lítilvægt.

Kynferðisleg áreitni er auðvitað bara það, kynferðisleg áreitni.

Og hún er aldrei lítilvæg eða smávægileg.

[Jenný Anna Baldursdóttir, 5.5.2008 kl. 16:19]

Gunnar segist vera hlýr maður og faðma og kyssa fólk.  Ók, svo langt sem það nær.

En verður ekki að treysta prestum og öðrum í svipaðri stöðu að vera meðvitaðir og virða mörkin, ég held það.

Ég er ekki að dæma Gunnar, enda málið á frumstigi.

Hann segist sjálfur hafa faðmað og mögulega kysst þessar stúlku.

Fólk verður einfaldlega að hemja "hlýju" sína í þessum aðstæðum sem hann er í.  Maður hlýtur að gera kröfu um slíkt frá prestum, kennurum og öðrum áktórítesfígúrum.

[Hildigunnur Rúnarsdóttir, 5.5.2008 kl. 23:57]

Algerlega.

Um leið og viðkomandi sóknarbarni er farið að þykja svonalagað óþægilegt er maður kominn yfir mörkin. Jenný, ég var alls ekki að segja að þú værir að dæma, enda er þín grein ekkert á við sumar sem eru tengdar við þessa frétt!

[Jenný Anna Baldursdóttir, 6.5.2008 kl. 00:06]

Takk fyrir það Hildigunnur, það er betra að stíga varlega til jarðar.