Allir saman nú!

 Ég vil leggja mitt lóð á vogarskálarnar.

Lára Hanna sem skrifar afspyrnu fróðlega og vandaða pistla leggur til  að við tökum nú öll höndum saman, sláum Íslandsmetið sem sett var í nóvember sl., og reynum að stöðva fyrirhugaða eyðileggingu á dásamlegri náttúruperlu með því að reisa þar jarðgufuvirkjun - á Ölkelduhálsi.

Ég ráðlegg öllum að fara inn á síðuna hennar og lesa frekar.

Stöndum saman og þrýstum á yfirvöld. 

Allir saman nú.

 

Athugasemdir

[Jóhanna Magnúsar- og Völudóttir , 4.5.2008 kl. 13:37]

Ég er með! .. Er soldið mikið græn, þó ég styðji kallinn í sínu frjálslyndisbrölti - .. hehe..

[Eva Benjamínsdóttir, 4.5.2008 kl. 16:05]

Við styðum málefnið að sjálfsögðu,

Jenný kann að linka likalika lá, er alveg að ná þessu, gestir núna, gaman

[Jenný Anna Baldursdóttir, 4.5.2008 kl. 17:22]

Takk stelpur!

Gylfi: Er verðmæti lands, að þínu mati, metið út frá heimsóknartíðni?  Þannig lít ég ekki á það.  Á þá ekki bara að setja dósaverksmiðju á Vatnajökul eða ámóta, ég meina að það er ekki örtröðin þangað.

Varðandi þetta frumvarp, þá kem ég af fjöllum  en settu inn fyrirspurn á vg.is og þá verðurðu örugglega leiddur í allan sannleika.  Algjör óþarfi að vera með milliliði.  Enda ég enginn talsmaður VG, bara almennur kjósandi.

[Lára Hanna Einarsdóttir, 4.5.2008 kl. 19:39]

Gylfi...  mikill fjöldi fólks hefur lagt leið sína á þetta svæði, löngu áður en farið var að tala um að virkja það. Þar á meðal hafa ferðaþjónustufyrirtæki verið með bæði göngu- og hestaferðir um svæðið og þær ferðir leggjast af ef virkjað verður. Hver vill ganga um með hávaðann í blásandi borholum í eyrunum og þurfa að taka á sig króka fram hjá borpöllum sem spúa yfir það brennisteinsvetni?

Kynntu þér málið áður en þú talar svona, minn kæri. Og ef þú vilt að unnið sé í sem mestu samlyndi við náttúruna máttu vita, að jarðhitavirkjanir geta aldrei verið í sátt við náttúruna, svo einfalt er það.

Málflutningurinn um að land verði aldrei merkilegra en eftirspurnin eftir því er brjóstumkennanlegur. Sá hópur fólks sem svona talar metur náttúruna í gígawattstundum sem er ansi aumt. Ósnortin náttúra, sama hve margir eða fáir fara um hana, er mikill auður sem fer síþverrandi í veröldinni og er margfalt verðmætari en sú litla orka sem kreista má úr nokkrum hverum hér og fossum þar.

Lestu pistlana mína - hvern og einn einasta - svo skulum við tala saman.

[Neddi, 4.5.2008 kl. 20:14]

Er það ekki frekar mikil þversögn að tala um að mannvirkin á Kárahnjúkum laði að fólk sem að sér þá fegurð svæðisins þegar að mesta fegurðin er komin undir vatn eða orðin vatnslaus eins og í tilfelli gljúfranna?