Músík í myndum

Það er langt síðan að ég hef eytt svo löngum tíma í sjónvarpsgláp og það á íslenskum þáttum.  Fyrst var það evróvisjón undirbúningurinn á RÚV, með Palla í brúnni.  Algjör eftiröpun reyndar frá sænsku þáttunum sem Eiki var í, í fyrra og undanfarin ár, en það kemur ekki að sök.

Sko, ef lögin hugnast mér ekki, þá mjúta ég sjónvarpið og hlusta svo með athygli á panelinn.

Ég hef nefnilega afskaplega litla ánægju af lögunum en settöppið í kringum þáttinn er svona félagslegt fyrirbæri, þó maður sitji bara með sjálfum sér heima í stofu.  Allir sameinast í heitri bæn.  Látum Ísland vinna.

Svo horfði ég á hátíðina í Háskólabíó, hlustendaverðlaun FM957.  Gaman að því.  Páll Óskar rakaði til sín verðlaununum.  Á þau örugglega skilið en ég er ekki með smekk fyrir þeirri tónlist heldur.

Mér fannst hins vegar gaman að hlusta á Ný-danska og Gus-Gus.

Restin var til uppfyllingar fyrir mig.

Af hverju glápir maður á sjónvarp?

Ég veit það ekki, en stundum er það bara gaman.  Ekki öðruvísi.´

Vindurinn gnauðar eins og að hausti.  Hér beinlínis hriktir í öllu.

Ég held að ég fari tímanlega í rúmið.

Góða nótt rúslurnar mínar.

Athugasemdir

[Jens Guð, 4.5.2008 kl. 00:09]

  Þetta FM957 dæmi og Evrovision þáttur Páls Óskars fór framhjá mér.  Áhugi minn fyrir þessum fyrirbærum er 0%.  Þess í stað hlustaði ég á nýjustu plötu "industrial metal" hljómsveitarinnar Ministry,  sem að vísu er ekki alveg nógu góð.

[Jóna Á. Gísladóttir, 4.5.2008 kl. 00:30]

Góða nótt krúslan mín. Takk fyrir spjallið í dag.

[Lilja Guðrún Þorvaldsdóttir, 4.5.2008 kl. 00:37]

Sá ekkert sjónvarp í kvöld, hefði alveg viljað sjá Ný Dönsk, og Gus Gus. Bara af því að það er svo langt síðan ég sá til þeirra listamanna síðast.

[Jónína Dúadóttir, 4.5.2008 kl. 06:56]

Góðan daginn mín kæra

[Ía Jóhannsdóttir, 4.5.2008 kl. 09:01]

Er búin að gefa sjónvarpinu mínu sumarfrí frá og með deginum í dag þar til annað verður ákveðið.   Sunnudagskveðja héðan úr sveitasælunni.

[Ásgerður Jóna Flosadóttir, 4.5.2008 kl. 09:40]

Sælar, sá ekkert sjónvarp í gærkveldi, var í Borgarleikhúsinu að sjá sýningu með Ladda, yndisleg og frábær sýning.

[Jóhanna Magnúsar- og Völudóttir , 4.5.2008 kl. 09:47]

Ég horfði með báðum augunum á Jack Nicholson í ,,About Schmidt" í gær og svo smá á Svalbarða með öðru. 

Maður horfir á sjónvarp af því maður byrjar að leggjast/setjast í sófann og getur ekki staðið upp úr honum aftur.. og/eða  hefur ekki ,,mátt" til að ýta á ,,off" á fjarstýringunni.

[Jenný Anna Baldursdóttir, 4.5.2008 kl. 09:52]

Jóhanna: Hehe, þessi greining þín er nokkuð nærri lagi.

Ásgerður: Er hún ennþá á fjölunum?  Vá hvað hún er búin að ganga lengi.  Ekki skrýtið samt.

Ía: Flott.

Jónína: Góðan daginn sjálf mín kæra.

LG: Gus-Gus voru óheyrilega flottir.

Jónsí mín: Sömuleiðis rúslan mín og svo verðum við að fara að hittast. 

Jens: Þú varst reyndar ekki að missa af miklu.