Eilífar asskotans málamiðlanir

Ég er að drepast úr leti en er samt búin að afreka það að fara og passa yngsta barnabarnið mitt smá stund á meðan mamman skrapp aðeins.

Við sátum úti í sólinni ég og dúllan hann Hrafn Óli.  Hann var með basebollhúfu öfuga á höfðinu, og amman urlaðist í krúttkasti.  Mynd seinna.

En um daginn skrifaði ég eitthvað um að maður ætti aldrei að segja aldrei, enda hef ég margoft þurft að éta ofan í mig, mínar eigin yfirlýsingar.

Ég er reyndar ekki enn farin til Ameríku, en það er ekki vegna þess að ég var einu sinni svo mikill kommi, að ég vildi ekki fara þangað, því enn er ég nokkurskonar kommi en vill gjarnan fara til NY og New Orleans.  Út af músíkinni sko.  Hólímólí.  Ég hef bara ekki efni á að skreppa.  Þverbrotin yfirlýsing, í huganum gerir mig seka um málamiðlun við sjálfa mig.  Frusssssssssss.

En ég er dedd á því enn að kjósa ekki íhaldið, bara svo ég komi því á framfæri einu sinni enn.  No way Hosé.

En þegar ég las visi.is áðan brá mér í brún.  Það eru fleiri en ég sem éta ofan í sig alls kyns heitstrengingar.

Kolla Bergþórs (titluð stjörnublaðamaður á visi.is) er á leiðinni yfir á Moggann með Ólafi Steph.  Hún sem ætlaði aldrei þangað.  Þetta sannar bara það sem ég er að halda fram, sí og æ, lífið er ein andskotans málamiðlun.  Nema hvað.

Mér finnst Kolbrún skemmtilega skrýtin, sérviskunnar kona og aldrei fyrirsjáanleg.  Aldrei hefði mér dottið í hug að hún myndi t.d. fíla  bókina um negrastrákana, en hún varði hana kjafti og klóm.  Ég fatta ekki það sjónarmið en ég ber virðingu fyrir kerlunni.

Mogginn má vera lala heppinn ef ekki bara mjög heppin með að fá Kollu yfir til sín.  Hún er tvímælalaust fengur fyrir blaðið.

En nú er ég farin að huga að útför flugunnar ógeðslegu, sem var drepin hérna áðan, þar sem hún lá ósjálfbjarga á stofugólfinu, af manni sem ég þekki frekar náið.

Megi guð vera kvikindinu náðugur og ég vona að hún mæti mér ekki í einhverju karmadrama þegar ég er öll.

Síjúgúddpípúl.

Athugasemdir

[Kristín Katla Árnadóttir, 28.4.2008 kl. 15:44]

Ég er líka er alltaf að segja aldrei en samt geri ég það enda kölkuð.

[Sigrún Jónsdóttir, 28.4.2008 kl. 15:50]

Sammála þér með Kolbrúnu, hún rótar í manni.  Getur fengið mann með sér og þvert á móti.  Annað kvort er ég klofinn persóna eða hún.

[Birna Dis Vilbertsdóttir (IP-tala skráð) 28.4.2008 kl. 16:30]

Kolbrún er flott.Hvar var Humlan jörðuð?

[Hrönn Sigurðardóttir, 28.4.2008 kl. 17:16]

Kolbrún er flott! Það vill svo undarlega til að ég er yfirleitt sammála henni....

....man eftir einhverju viðtali við hana þar sem hún var að tala um strætóferðir og að hún gæti ekki lengur notað strætó til að fara í vinnuna á Fréttablaðið og hvað hún hló að því að strætóbílstjórinn hafði sagt við hana að hún yrði bara að fá sér vinnu á mogganum!

Hann hefur verið skyggn!!

Kem til með að sakna hennar úr Fréttablaðinu. Kolla og kúltúrinn! Uppáhalds.....  sé aldrei moggann.

[Jóhanna Magnúsar- og Völudóttir , 28.4.2008 kl. 17:33]

Mér finnst Kolbrún frábær, kannski vegna þess að hún er svo ófeimin við að vera með eigin skoðanir held ég. Kemur þeim líka skemmtilega á framfæri.

Blessuð sé minning flugunnar  bzzzzzzzzzzzzzzzzzz

[Huld S. Ringsted, 28.4.2008 kl. 17:59]

Kolbrún er flott, verst að missa hana á moggann þar sem ég kaupi hann ekki!

Þetta með karma, ég er búin að drepa svo margar flugur um ævina að ég verð örugglega fyrir árás þegar ég færi mig um heima

[Sunna Dóra Möller, 28.4.2008 kl. 19:03]

Bzzzzzzzz.......!

Mér finnst Kolbrún algjör töffari og les eiginlega alla pistlana hennar og annað sem hún skrifar, er stundum merkilega mikið sammála henni !

[Kristín Katla Árnadóttir, 28.4.2008 kl. 19:28]

Svo finnst mér Kolbrún frábær.

[Linda litla, 28.4.2008 kl. 19:42]

Aldrei að segja aldrei.

Blessuð sé minning flugunnar. Amen. Megi hún hvíla í friði.

[Hugarfluga, 28.4.2008 kl. 19:50]

Þessi fluga er í fullu fjöri og fílar Kollu í ræmur. Man eftir henni síðan ég var smástelpa og mér finnst hún ekki hafa breyst neitt síðan. Rekst á hana hverja einustu helgi sem ég er í túristaleiknum mínum í miðbænum og mér finnst það tilheyra.  Mynd ... krútt ... baseballcap ... núna!!

[Jóna Á. Gísladóttir, 28.4.2008 kl. 19:53]

Kona með skoðanir. Ekki spurning. Kolbrún alltso. Þú líka dúllan mín. Það verður ekki af þér tekið.

Aldrei að segja aldrei.. lífsmottóið mitt.

Ég sé fyrir mér feita ferlíkið á gólfinu heima hjá þér (fluguna sko). Er samt ekki örugglega búið að fjarlægja það.

[Helga Magnúsdóttir, 28.4.2008 kl. 20:24]

Maður er allt sitt líf að horfast í augu við það sem maður ætlaði aldrei að gera. Einu svoleiðis loforðin sem ég hef staðið við er að fara aldrei í ráðhúsið og aldrei í Perluna. Nú hótar sonur minn því að gifta sig í ráðhúsinu og halda veisluna í Perlunni!

[M, 28.4.2008 kl. 20:41]

Blessuð sé minning hennar +

[Laufey Ólafsdóttir, 28.4.2008 kl. 21:43]

Allar mínar skoðanir eru svo bragðgóðar að ég ét þær oní mig any time

Bið fyrir kveðju til aðstandenda flugunnar.