Rýkur - rúllar - eða rennur

Einu sinni, fyrir ekki svo löngu síðan, tíu árum eða rúmlega það, hefði mér fundist flott að vinna við rauðvínsframleiðslu. Í smakkeríinu. Hikk.

Eftir að ég fór svo í pillurnar, þ.e. svefn- og róandi, lét ég mig í alvöru dreyma um að verða lyfjatæknir.  Mér fannst það praktískt og það fór sæluhrollur niður bakið á mér við tilhugsunina um að vera inn um milljónir af þríhyrningsmerktum lyfjum.  Ég held að ég trúi því sem mér var sagt á Vogi, að ég sé fyrst og fremst pilllukerling.

Hugsið ykkur að vera svo firrtur að finnast pillur í öllum stærðum og gerðum, það mest spennandi í heiminum.  Þvílíkt líf. 

En ég fór aldrei í lyfjatækninámið, sem betur fer fyrir apótek þessa lands, enda var það aldrei nema hugsunin ein.  Var svo illa haldin af alkahólisma að ég fór ekki langt, svona yfir höfuð. 

Nú dreymir mig aðeins um eitt og það er að vera edrú.  Þar kemur lykilinn að öllu hinu sem er eftirsóknarvert í lífinu.

Það er ekki flóknara en það.

En ég var að pæla í því hversu aumkunarvert það hefði verið, hefði ég haldið áfram á breiða veginum og á endanum hefði þurft að fylgja mér á barinn, sko apóteksbarinn. En eins og maðurinn sagði, það er sama hvort það rýkur, rúllar eða rennur, allt er nónó, af því sumir eru búnir með kvótann

Ómægodd.

Ég hendi mér í vegg.  Allsgáð og í flottum fíling.

Æloflæf.

Úje og snúrumst.

Á launum við sumblið

Athugasemdir

[Þröstur Unnar, 26.4.2008 kl. 12:42]

Til hamingju með kvótaleysið, og habbðu góðan dag.

Jebb, líklega er lykillinn einhverstaðar langt inni í hausnum á okkur.

Og varlega í veggjakastið.

[Huld S. Ringsted, 26.4.2008 kl. 12:46]

Það er langt síðan ég kláraði kvótann og líður bara skrambi vel með það sakna einskis.

Ég ætla ekki að henda mér í vegg núna....................er eitthvað slöpp

[Birna Dis Vilbertsdóttir (IP-tala skráð) 26.4.2008 kl. 14:13]

Ég er sjálfmenntuð í lyfjafræði.En rek mig á það að ný lyf eru komin á markað og ég þýki gamaldags.Heyri það á sögum annarra.Hendi mér útí bíl.Er að fara í Krónuna að kaupa kaffi og sojamjólk.Sojalatte er drykkur dagsins.

[Linda Linnet Hilmarsdóttir, 26.4.2008 kl. 14:22]

[Sunna Dóra Möller, 26.4.2008 kl. 14:32]

Ég hendi mér bara í göngutúr, ætla að taka með mér piparúða, maður veit aldrei nema maður mæti vörubílstjórum !

Mér finnst þú svo heiðarleg og frábær ! Laugardagskveðjur !

[Helga skjol, 26.4.2008 kl. 15:56]

Hahahaha þú ert alger snilld kona

[María Guðmundsdóttir, 26.4.2008 kl. 16:14]

Thú klikkar ekki frekar en fyrri daginn. Hendi mér i matinn  Góda helgi

[Eva Benjamínsdóttir, 26.4.2008 kl. 16:33]

Þú segir svo vel og afslappað frá Jenný mín, hendi mér í göngu, til hamingju með lífið

[Tiger, 26.4.2008 kl. 17:15]

Ég er nú mest glaður yfir því að þú skildir ekki gerast apótekari og lyfjafræðingur - enda hefði ég orðið alveg brjál... ef ég hefði komið í apótek eftir töflum - og apótekarinn neitaði að selja mér töflurnar sínar!

Það er ætíð gaman að fá að starfa við það sem heillar mann, þannig séð. Það eru alls ekki allir sem geta státað af því að vera í starfi sem felur í sér allt það sem manni hugnast í lífinu. Sannarlega er lykill hamingjunnar fólginn í því sem þú stendur fyrir núna í dag, kraftmikil og elskandi baráttukona sem stendur sig með miklum sóma á batavegi hins þyrsta. Þú ert sómi þeirra sem þurfa að berjast við hverja mínútu lífsins við harðan og of æsandi húsbónda. Lot of luv over to you kæra Jenný og eigðu yndislega helgi!

[Eyrún Gísladóttir, 26.4.2008 kl. 23:06]

Veistu að mamma mín var pillukerling eins og þú orðar það hún er edrú í dag og ég held að henni hafi sjaldan liðið betur og gamla mamman mín er komin aftur jeijj.