Hamslausar sumarkveðjur

 Gleðilegt sumar ALLIR.  Enginn er undanþeginn einlægri ósk minni um gleðilegt hlýtt og fallegt sumar ykkur til handa.  Megi ævintýrin og hamingjan ofsækja ykkur fram á haust.

Ég er að pæla í trú.  Ég er að pæla í Guði.  Ég á mér nefnilega minn prívat guð og hann er ekki viðkvæmur fyrir dyntum mínum og óþolinmæði.  Hann sér ekkert athugavert við ótta minn á trúarnötteríi og öðrum ofstæki.  Sé guð sáttur þá er það í lagi, "take a chill pill good people".

Ég var að lesa fram á rauða nótt.  Bók Ingibjargar Haraldsdóttur, "Veruleiki draumanna".  Ég varð fúl þegar bókinn lauk, vildi lesa meira um þennan frábæra kventöffara sem fór í kvikmyndanám til Moskvu á sjötta áratugnum og bjó síðan á Kúbu.  Konan er snillingur, hún er rithöfundur af guðs náð og hélt mér fanginni frá fyrstu blaðsíðu til þeirrar síðustu.  Nú þarf ég að negla mig yfir ljóðin hennar.  Ráðlegg ykkur að lesa þessa bók.  Lesa, lesa, lesa.

En aftur að trúarpælingum.  Ég er í áreynslulausu sambandi við gussa.  Þegar ég leggst til svefn er ég oftast alveg dauðþreytt, en af því ég var alin upp við að fara með bænaromsu, þá finnst mér að ég þurfi að gera það alltaf.  Þetta er eins og að vera með brunatryggingu, maður borgar iðgjaldið, ef ske kynni.  Varnaglarnir skiljið þið.

En svo díla ég við minn æðri mátt.  Ég segi við hann þegar ég legst á koddann:

Guð, ég ætla að díla við þig.  Ég sleppi "vertu guð faðir", "faðirvorinu" "vertu yfir" og ég tek æðruleysisbænina.  Ég tek romsuna seinna.  Erum við sátt með það?  Ennþá hefur ekki komið mótmælamúkk að ofan.

Guð gefi mér æðruleysi

til að sætta mig við það sem ég fæ ekki breytt,

kjark til að breyta því sem ég get breytt

og vit til að greina þar á milli.

Í votta viðurvist hef ég lokið bænum dagsins.  Í kvöld er mér frjálst að sofna bænalaus og með saurugar hugsanir í höfðinu.

Later!

Eintóm hamingja ykkur til handa.

Újeeeeeeeeeeee

Athugasemdir

[Sigrún Jónsdóttir, 24.4.2008 kl. 11:51]

Gleðilegt sumar Jenný Anna og takk fyrir frábæra pistla.

[Jóhanna Magnúsar- og Völudóttir , 24.4.2008 kl. 12:00]

Gleðilegt sumar Jenný mín Ég er með æðruleysisbænina uppi á vegg í vinnunni hjá mér, ekki veitir af þegar ég díla við ungt fólk sem á við mismunandi erfiðleika að stríða og mig langar að hjálpa þeim öllum!  Hvað þá að díla við sjálfa mig!

[M, 24.4.2008 kl. 12:02]

Gleðilegt sumar ..... aftur

[Lára Hanna Einarsdóttir, 24.4.2008 kl. 12:05]

Gleðilegt sumar, Jenný og takk fyrir öll brosin og hlátursgusurnar - og allt hitt. 

[Edda Agnarsdóttir, 24.4.2008 kl. 12:17]

Góðan daginn gæska og gleðilegt sumar!

Ég þori ekki fyrir mitt litla líf að díla við Guð, ég bið að heilsa Gussa!

[Kristín Katla Árnadóttir, 24.4.2008 kl. 12:27]

Gleðilegt sumar og takk fyrir veturinn.

[Anna Ólafsdóttir (anno) (IP-tala skráð) 24.4.2008 kl. 12:45]

Það er komið sumar, sól í heiði skín, ... heyri ég sungið með flottri, dökkri, blúsaðri rödd í fjarska og svo æðruleysisbænin á eftir. Fullkomin blanda.

Gleðilegt sumar mín kærasta kæra - og mundu nú að koma reglulega yfir til mín í dag, smella á lagið góða í spilaranum, og syngja fyrir mig og alla hina bloggvinina.

Þú ert flott

[Guðrún B. (IP-tala skráð) 24.4.2008 kl. 12:53]

[Guðrún (IP-tala skráð) 24.4.2008 kl. 13:29]

Gleðilegt Sumar.......skemmtilegust í bloggheimum

[Tiger, 24.4.2008 kl. 14:23]

Ég óska þér sömuleiðis hamingju, ævintýra og fallegs sumars Jenný mín. Takk kærlega fyrir góðan bloggvetur og skemmtilega pistla. Ég ætlaði nú reyndar að láta haustið koma með mín ævintýri og hamingju, enda byrjar "sumarfríið" mitt ætíð 1. September. Vonandi munt þú eiga yndislega gott sumar. Sumarknús og kram til þín ljúfust!

[Birna Dis Vilbertsdóttir (IP-tala skráð) 24.4.2008 kl. 14:36]

Gleðilegt sumar.Guð er góður.

[María Guðmundsdóttir, 24.4.2008 kl. 15:00]

  Gledilegt sumar og takk fyrir frábæra pistla i vetur.

[Gísli Baldvinsson (IP-tala skráð) 24.4.2008 kl. 15:03]

Gleðilegt sumar héðan frá Akureyri, til allra.

[Sunna Dóra Möller, 24.4.2008 kl. 15:13]

Gleðilegt sumar !

Eigðu góðan sumardag, það sem eftir lifir !

pées....ég var í skrúðgöngu í Seljahverfi með skátum, lúðrasveit og alles...hvar varst þú !

[Eyrún Gísladóttir (IP-tala skráð) 24.4.2008 kl. 15:17]

Gleðilegt sumar jenný anna ég dílaði við við guð um árið ég stóð ekki vð minn hluta samkomulagsins hann hefur samt ekki sótt mig til saka fyrir það.
En annars líður mér vel að vita af guði eins og ég túlka hann.

[Guðríður Hrefna Haraldsdóttir, 24.4.2008 kl. 15:24]

Gleðilegt sumar, elskan mín. Vona að sumarið verði gjörsamlega æðislegt hjá þér!

[Hulla Dan, 24.4.2008 kl. 15:38]

Gleðilegt sumar á þig og takk fyrir æðisleg blogg.

Ég gæti trúað að þinn guð og minn guð séu eitthvað skyldir.

Hafðu það sem best.

Kveðjur frá dk (landi blóma og skítalyktar)

[Katrín Ósk Adamsdóttir, 24.4.2008 kl. 15:56]

Gleðilegt sumar Jenný mín og ég óska þér líka hamingju í massavís elskan  Frábær pistill hjá þér Jenný, og nú eftir þennan lestur er ég barasta að drukkna í gleði og hamingju

[Sólrún J (IP-tala skráð) 24.4.2008 kl. 16:09]

Gleðilegt sumar :)

[Linda Linnet Hilmarsdóttir, 24.4.2008 kl. 16:40]

Gleðilegt sumar elsku Jenný mín og takk takk fyrir vetruinn