Ég er með einfaldan smekk

Þetta hefur verið undarlegur og æsandi dagur.  Blóðþrýstingur upp úr öllu valdi og spennufíkillinn ég lá yfir sjónvarpinu, báðum stöðvum, og æsti mig upp í fár í lögguóeirðunum.

En ég nenni ekki að tuða um það meira.  Ég styð bílstjórana.

En þegar ég horfi á fréttir er ég með einfaldan smekk.

Ég vil láta flytja mér þær á ómengaðan hátt, eins fljótt og hægt er að koma því við.

Mig varðar ekkert um hvað fréttamönnum/konum finnst um málefnin sem þau fjalla um.

Þeir eiga að halda persónulegum skoðun fyrir utan fréttirnar.  Og svo væri sniðugt að vera ekki í rimmu og þræl upp á móti þeim sem er í vitalinu.

Stöð 2, plís, geta a grip.

ARG.

 

Mótmælaaðgerðir á YouTube

Athugasemdir

[Bárður Örn Bárðarson, 23.4.2008 kl. 18:51]

Sammála þeir halda að þetta sé Ameríska rannsókanrblaðamennskan.

[Jenný Anna Baldursdóttir, 23.4.2008 kl. 18:53]

Það gekk alveg fram af mér á tímabili.  Þegar Sturla var spurður hvort hann a) notaði ekki vegina, b) ætti ekki börn í skóla, c) færi aldrei til læknis.

Það má svo benda á þá einföldu staðreynda að framlag til vegamála er lélegur brandari.

[Huld S. Ringsted, 23.4.2008 kl. 19:04]

Það fauk frekar hressilega í mig þegar ég heyrði hvað rann upp úr ónefndri sjónvarpskonu, fréttamenn eiga að vera hlutlausir en þarna var hún klárlega að verja ríkisapparatið!

[Signý, 23.4.2008 kl. 19:11]

Svanhildur Hólm hefur aldrei getað verið hlutlaus... hún er algjörlega óþolandi fréttamaður.

[Hildigunnur Rúnarsdóttir, 23.4.2008 kl. 19:12]

ég held ekki endilega hikstalaust með bílstjórum en mikið djö... er ég á móti svona lögregluaðgerðum!

[Ásdís Sigurðardóttir, 23.4.2008 kl. 19:30]

GLEÐILEGT SUMAR OG KÆRAR ÞAKKIR FYRIR FRÁBÆRAN VETUR

[Baldvin Mar Smárason, 23.4.2008 kl. 19:53]

Svandís Hólm er mun hlutlausari en fréttakonan Lóa Pind.

[Jónína Dúadóttir, 23.4.2008 kl. 19:59]

Svaka læti !  En, gleðilegt sumar og þakka þér fyrir þrælskemmtilegan vetur Jenný Anna

[Svala Jónsdóttir, 23.4.2008 kl. 20:15]

Hvað fannst ykkur þá um Jóhönnu í Kastljósinu? Var hún eitthvað betri?

Annars finnst mér að atriði dagsins sé klárlega löggan sem gargaði "Gas, gas, gas," á meðan að sprautaði á alla sem hann náði til.

[Hugarfluga, 23.4.2008 kl. 20:26]

Jóhanna í Kastljósinu kom nú bara asskoti vel út úr viðtalinu m.v. Sturlu. Hann er bara of reiður og nojaður til að geta verið í forsvari í svona máli.

[Tiger, 23.4.2008 kl. 20:32]

Verst af öllu þykir mér þegar ég horfi á fréttafluttning sem varðar einhver háalvarleg málefni - og fréttafólk brosir fram og til baka á meðan það er að fjalla um málefnið. Ég er annars á sama máli Jenný, ég myndi vilja sleppa við ákveðin ofðaflaum um álit fréttafólks en fá bara fréttina beint og ómengaða í æð.

[Jenný Anna Baldursdóttir, 23.4.2008 kl. 20:51]

Tiger: Sammála.

Fluva: Ég er sammála þér með Kastljósið áðan.  Ég hreinlega slökkti, vegna flaumsins og reiðinnar í Sturla.  En kannski verður maður að taka tillit til álagsins sem hann hlýtur að vera búnn að vera undir, s.l. vikur.

Svala: Eins og ég sagði þá meikaði ég ekki þetta viðtal vegna æsingsins í Sturla og er því ekki dómbær á það.  Skelfilegt gasatriðið.

Jónína: Gleðilegt sumar sömuleiðis.

Baldvin: Hún heitir Svanhildur konan, og það var reyndar ekki bara hún sem missti sig í pirring.

Hildigunnur: Ég væri sömu skoðunar um lögregluna án tillits til málstaðar bílstjóranna.

[Guðrún B. (IP-tala skráð) 23.4.2008 kl. 20:53]

Ég er svo sammála þér systir.

Alla leið vúman, alla leið.

[Anna Ólafsdóttir (anno) (IP-tala skráð) 23.4.2008 kl. 20:55]

ég er búin að vera að horfa á þessar fréttir í dag og mér finnst fréttamenn hafa dálítið verið að missa sig hér og þar. Mér fannst aðgerðirnar of harkalegar og verst fannst mér að það virtist eins og löggustrákarnir fíluðu sig í botn. Langaði til að prófa græjurnar, hafa svona alvöru æfingu. Það finnst mér ekki vita á gott. Það hefur eitthvað gleymst í náminu þeirra sýnist mér.

[Hrólfur (IP-tala skráð) 23.4.2008 kl. 21:07]

Heyrðirðu þá Láru Ómars, þeir spiluðu hana á útvarpi sögu í dag í Miðjunni

"Við getum fengið einhvern til að kasta eggjum á eftir meðan við erum live"

Hvað segirðu um það?

[Sunna Dóra Möller, 23.4.2008 kl. 21:32]

Þetta er búinn að vera meiri dagurinn, ég er alveg úrvinda eftir að þurft að horfa á svona margar fréttir í einu ! Annars er ég líka hrifnust af hina hreina og ómengaða......en þannig á til dæmis að flytja orð drottins í þar til gerðum embættisstólum en það tekst misvel til eins og fréttamönnum tekst misvel til sem flytja fréttir !

Kannski langsóttur samanburður en .... mér datt ekkert sniðugra í hug !

Takk fyrir skemmtilegan bloggvetur og hlakka til að eiga með þér gott bloggsumar með köngulóm og randaflugum og öllu tilbehör !

[Katrín Snæhólm Baldursdóttir, 23.4.2008 kl. 22:02]

Sammála um Svanhildi fannst hún algerlega fara langt út fyrir efnið í viðtalinu og þessi aulaglott í allri alvörunni sem verið var að fjalla um...og já þetta var alger skandall þegar þessi setning lak óvart út frá fréttafólkinu..."Getum við fengið einhvern til að kasta eggi meðan við erum live...

Þetta þjóðfélag....Oh my oh my!!! 

[Ólína Kjerúlf Þorvarðardóttir, 23.4.2008 kl. 22:37]

Já, þetta var nú meiri uppákoman. Mér finnst allir hafa misst sig - löggan, bílstjórarnir,  fréttamennirnir, unglingarnir, ... það er einhver "Skadeglæde" í þessu öllu.

Setti inn færslu um þetta í dag - en þá var ég ekki búin að sjá kvöldfréttirnar. Ekki batnaði það þá.

[Linda Linnet Hilmarsdóttir, 23.4.2008 kl. 23:37]

Gleðilegt sumarið

[Lilja Guðrún Þorvaldsdóttir, 24.4.2008 kl. 01:19]

Þegar ég sá fréttirnar í hádeginu, fannst mér, eins og uppstillingin á, atburðarrásinni væri "hönnuð", og ég velti því fyrir mér, hver bæri mestan hag, af því, að sitthvað, mundi gerast, sem manni datt í hug þegar maður leit yfir uppstillingarnar beggja megin vígvallarins.  - Og, það fór eins og mig grunaði.  - Og í kvöldfréttum mátti sjá, hverjum þessi "hönnun atburðarrásar" kom best.  -  Nú fæst Utanríkisráðherra væntanlega, til að samþykkja, þráláta beiðni Björns Bjarna um 240 hermenn í varðliðasveit sína, úrþví búið er að sýna fram á að full þörf er á slíkum og þvílíkum her.