Dóttir mín - er dóttir mín

 

Nú þarf ég ekki að velkjast í vafa lengur.  Sara Hrund Einarsdóttir, yngsta stelpan mín, er mín.  Ekki að mig hafi ekki grunað það, var viðstödd þegar hún kom í heiminn og svona, en það er alltaf gott að fá staðfestingu á að maður eigi börnin sín, að svo miklu leiti sem maður getur talið sig eiga einhvern. 

Í gærkvöldi hringdi hún í mig kjökrandi.  Og henni var mikið niðri fyrir.

Mamma, ég get ekki búið hérna.! (Sara og Erik eiga íbúð á Leifsgötunni).

Ég: Ha, hvað kom fyrir??

Ég fann risa stóra þúsundfætlu á gólfinu og hún er viðbjóðsleg og ég veit að ættingjar hennar hljóta að vera hérna einhversstaðar.  Og Erik vill ekki flytja.  Búhú.

Ég: (sá fyrir mér þúsundfætlu á stærð við rottu) Þú ferð ekki að flytja Sara mín, út af einu skordýri.  Drapstu hana?

Sara: Nei en ég setti bolla yfir hana.  Hvað á ég að gera?  Mig klæjar allri.

Láttu Erik drepa kvikindið (ég er algjörlega samviskulaus þegar svona pöddur eiga í hlut).

Sara: (Enn kjökrandi).  Já en ég vorkenni henni svo.

I rest my case.

Athugasemdir

[Frumburðurinn (IP-tala skráð) 23.4.2008 kl. 15:56]

Þúsundfætlur eru verkfæri djöfulsins og ömurlegir sambúðaraðilar. Stend með systur minni í þessu máli. Ekki hægt að búa við þessar aðstæður.

Operation "Flytjum Svíana" er að hefjast.

[Jenný Anna Baldursdóttir, 23.4.2008 kl. 16:15]

Frumi: Getum við ekki tekið okkur hippana með í dæmið.  Ég nenni ekki að búa hérna á átakasvæðinu á Holtinu?  Og það er rétt, margfætlur eru óásættanlegt vandamál.

Búkolla mín: Takk fyrir.

[Frumburðurinn (IP-tala skráð) 23.4.2008 kl. 16:21]

Legg til að allir sem tengjast mér blóðböndum flytjist á menningarsvæði 1A. Allt annað er óásættanlegt.

[Ragnhildur Sverrisdóttir, 23.4.2008 kl. 16:22]

Getur maður átt von á að þú og þín familía teppið helstu umferðaræðar á næstu dögum, á trylltum flótta undan skordýrum? Hafið þið fengið leyfi frá lögreglunni til að aka hægt um götur borgarinnar??

[Tiger, 23.4.2008 kl. 16:31]

Ég sit hérna skellihlægjandi bara ... Hahaha! Flott á því hún dóttir þín, að vorkenna svona kvikindi er bara ávísun á fallegt hjartalag. En það er svo satt - svona kvikindi eru óásættanlegir nágrannar og ábúendur, það á að Delete þessum skepnum á staðnum án dóms og laga...

[Ásthildur Cesil Þórðardóttir, 23.4.2008 kl. 17:36]

Mikið skil ég hana vel.  Það er minnsta málið að setja hana á pappír og henda henni út fyrir, þar sem hún getur haldið áfram að vera til.

[Helga Magnúsdóttir, 23.4.2008 kl. 17:53]

Þetta skil ég í botn. Var einu sinni ein heima þegar kónguló birtist á stofugólfinu hjá mér. Henti yfir hana vídeóspólu og sat svo og starði á spóluna og beið eftir að kóngulóin lyfti henni þangað til maðurinn minn kom heima og gekk frá þessu fyrir mig, lesist drap kóngulóna. Eins gott að hann var ekki á sjónum því þá hefði ég þurft að sitja í stólnum og horfa á spóluna svo dögum skipti.

[Heiður Þórunn Sverrisdóttir, 23.4.2008 kl. 18:14]

skil vel að henni sé ýlla við að búa með þetta skríðandi um...ég vorkendi aumingja dóttir þinni en sprakk úr hlátri í restina....góð að vana...

[Jóhanna Magnúsar- og Völudóttir , 23.4.2008 kl. 18:14]

 Kjút!

[Sunna Dóra Möller, 23.4.2008 kl. 18:19]

Mér finnst þetta alveg óborganlegt! Ég þekki þetta svo vel, læt aðra sjá um morðin á áttfætlum og fleirifætlum vegna þess að ég get ekki gert það sjálf. samt er ég lömuð úr hræðslu við þessi kvikindi og vil ekki sjá þau nálægt mér....!

Stundum er lífið svo flókið !

[Linda Linnet Hilmarsdóttir, 23.4.2008 kl. 18:20]

Alltaf gott að leita til mömmu,mamma reddar sko ölluknús knús og kveðjur

[Sara Einarsdóttir (IP-tala skráð) 23.4.2008 kl. 18:25]

Hæ hæ. Erik var svo ekkert á því að drepa hana. Hann vildi leyfa henni að lifa, svo ég tók málið í mínar hendur (hætti að vorkenna henni) sótti mér hárlakk og úðaði inn í glasið. Hahaha hún reyndi að finna útgönguleið en hún var innilokuð. Hálfri mínútu síðar voru allar fætur hættar að hreyfast og hún dauð. Ættingjarnir fluttu í hús nr. 26. Ég er ánægð og bíð aðeins með að sannfæra Erik um að flytja.Love Sara

[Bárður Örn Bárðarson, 23.4.2008 kl. 18:37]

Andlát þúsundfætlu hefur átt sér stað á Leifsgötunni. Ótrúlegt hvað margir hafa látið lífið í þessari götu. Þyrði aldrei að búa þar.

[Jenný Anna Baldursdóttir, 23.4.2008 kl. 18:50]

Bárður: Þetta er í sama húsi og júnóvott. 

Sara: Þú ert dúlla

[Eva Benjamínsdóttir, 23.4.2008 kl. 19:15]

Mér hefur aldrei verið vel við pöddur sem eru ekki til neins. Það væri gaman að vita hvaða hlutverk margfætlurnar hafa. Ég hef mig alla við og bjarga bjöllum og jarnsmiðum út heimsæki þær mig. Vona samt að Saran þín sofi rótt þrátt fyrir skrekkinn.

[Any (IP-tala skráð) 24.4.2008 kl. 01:33]

Við hvað starfar þú mín kæra???.  Ertu atvinnubloggari???  Mjög auðvelt að sitja aðallega heima og setja út á mennog málefni og vera aðalega í því að dæma þá sem eru að reyna að vinna vinnuna sína!Koma með lausnir á málefnunum hefði ég haldið að væri  nauðsynlegt áður en þú krítiserir allt oa allt....hef lesið bloggið þitt nokkuð lengi ,,,aldrei séð neitt jákvætt nema um Barnabörnin þín.Þér fynnst flott að vera orðljó(ust)

[Linda María (IP-tala skráð) 24.4.2008 kl. 08:12]

Á mínum bæ er farið með brotleg skordýr út í garð - helst þangað sem vindurinn stendur af húsinu. Það eykur líkurnar á því að þau sjái villu síns vegar og álpist í hina áttina.

Ég fæ mig ekki til að drepa nokkurt kvikindi eftir að ég heyrði af endurholdgunarkenningunni og lagaði hana að eigin kvíða og krónísku samviskubita. Það væri hræðilegt að verða af mikilvægum skilaboðum úr eftirlífinu með því að smyrja sendiboðann ofan í flísarnar í forstofunni!

Ég syng fyrir geitunga á meðan ég veiði þá í glas og ber út af sömu alvöru og fulltrúi fógeta.

En skv. þinni eigin lýsingu, ættir þú að fá einhvern annan til að taka lagið - svo þú misstir nú ekki af mikilvægum skilaboðum að handan... 

[Edda Agnarsdóttir, 24.4.2008 kl. 12:37]

Yndislegt