..og ég missti kúlið

 

Ég er svona happígólökkí kona, sem rúlla mér í gegnum lífið, yfirleitt í ágætis skapi.  Ég pirra mig þó stundum yfir smámunum, en það kryddar bara tilveruna.  Það er nefnilega nauðsynlegt að urlast upp öðru hverju.

En hvað veðrið áhrærir þá hef ég tekið skynsamlega afstöðu, þvert á þjóðarsálina.  Mér finnst veður leiðinlegt umræðuefni og ég gef dauðann og djöfulinn í að velta mér upp úr því.  Það er nefnilega ekki til neitt vonlausara á þessu landi þar sem veðrið er eitt stöðugt sýnishorn, að vera mikið með það á heilanum.  Sem umræðuefni er veður glatað, því það leiðir ekki til neinnar niðurstöðu.  Veður er bara, án tillits til skoðana og tilfinninga fórnarlambana.

En í morgun missti ég kúlið alveg gjörsamlega.  Hér er allt hvítt.  Og í gær hafði ég verið að draga fram sumarfílinginn og ég sá fyrir mér kjarr, fann næstum sólina verma hörundið og lyktin af blóðbergi hafði tekið yfir skynfærin.  Það er gott að geta látið sig dreyma.

Hálka og éljagangur, hálkublettir, ófærðir og allur sá pakki, á andskotinn hafi það ,ekki að vera hér samkvæmt almanaki.  A.m.k. mínu almanaki.  Burt með þetta hvíta duft með allar sínar aukaverkanir.  Ég vil fara í tjald og það í dag.  Ok,ok,ok, ekki tjald kannski en ég vil sjá jörðina, skollin hafi það.

Það eru ákveðin takmörk á mínum teygjanlega þolþröskuldi, innblásnum af æðruleysi.  Ég er búin að fá nóg.  Snjór, snjór, burt með þig.

Global warming hvað?

Cry me a river.

Hálka og éljagangur á Hellisheiði

Athugasemdir

[Marta B Helgadóttir, 13.4.2008 kl. 09:56]

Þú ert snilldarpenni kona

Góðan daginn

Nú er  bókaspjallið hafið á síðunni minni, ert þú ekki búin að lesa hana þessa? Endilega vertu með svona einusinni??

[Ásgerður Jóna Flosadóttir, 13.4.2008 kl. 10:11]

Sæl kæra Jenný, þú ert frábær penni, ég mæli með að þú skrifir bók.  Þú færir létt með það.

kkv.

[Jónína Dúadóttir, 13.4.2008 kl. 10:58]

Nú er ég bara algerlega sammála þér ! Annars er farið að sjá mikið í jörð hérna fyrir norðan

[Linda litla, 13.4.2008 kl. 11:03]

Ég er SVO sammála þér. Alltaf þegar ég hugsa, vorið er komið   Þá kemur þessi and.... (afsakið orðbragðið) snjór !!!

Ég bíð og bíð og bíð eftir alvöru vori og ekta sumri. Það hlýtur að fara að skella á. Það er spurning hvort að það sé eitthvað illa skrúfað fyrir snjókranann þarna uppi.

Eigðu góðan dag Jenný mín.

[Ásthildur Cesil Þórðardóttir, 13.4.2008 kl. 11:12]

Æ já þessi snjór má alveg fara að fara, má auðvitað vera aðeins lengur í blómabeðum og svoleiðis til að hlífa gróðri, en götur og torg eiga bara að vera þurr og hrein og hananú.

[Hugarfluga, 13.4.2008 kl. 11:15]

Guð gefi mér æðruleysi

til að sætta mig við það sem ég fæ ekki breytt,

kjark til að breyta því sem ég get breytt

og vit til að greina þar á milli. 

[Lára Hanna Einarsdóttir, 13.4.2008 kl. 11:19]

Ég var að huxa... enda sunnudagur. Fyrstu viðbrögð við snjónum voru undrun og ergelsi - þetta á ekki að gerast undir miðjan apríl!

En svo fór ég að rifja upp og uppgötvaði að þetta er ekkert óalgengt. Ég miða það við þá reglu að við eigum að taka nagladekkin undan bílunum 15. apríl - samkvæmt lögum.

Ég hef í mörg ár verið með atvinnubíl til að keyra um með erlenda ferðamenn og verð að vera tilbúin til að keyra nánast hvert á land sem er, hvenær sem er. Og ár eftir ár hef ég ekki getað skipt um dekk á réttum tíma, einmitt vegna snjókomu og hálku. En þetta er ekkert skemmtilegra þótt það sé ekkert óalgengt.

Er að hlusta með andakt á Jónu. 

[Guðríður Hrefna Haraldsdóttir, 13.4.2008 kl. 11:48]

Hmmm, var hvít jörð í morgun þarna hinum megin við hafið? Hér virkar gott veður (ekkert að marka) en það er ekki snjókorn á Skaganum. Akurru fáið þið snjó en ekki við? Hefði alveg viljað renna mér á skíðasleða niður brekkuna.

[Hildigunnur Rúnarsdóttir, 13.4.2008 kl. 11:51]

Og ég sem er að keyra austur fyrir fjall og búin að skipta yfir á sumardekkin :o Hefði ekki einu sinni þurft þess, þar sem við erum ekki á negldu heldur loftbólum.

(neinei, búin að fá lánaðan fínan fjórhjóladrifinn bíl á vetrardekkjum...)

[Eyrún Gísladóttir (IP-tala skráð) 13.4.2008 kl. 11:52]

Eina sem ég hef að segja er grgrgrgrgrgrgrgrg burt með hvíta draslið.

Hélt ég væri orðin einkvað geðveik þegar ég vaknaði og leit út í morgun.
prufaðu oft að loka augunum og opna þau aftur það virkaði ekki.

[Jóhanna Magnúsar- og Völudóttir , 13.4.2008 kl. 12:35]

Þetta veður er mjög ótaktískt og dónalegt ! ..  SEGJUM NEI VIÐ MEIRI SNJÓ!

[M, 13.4.2008 kl. 12:40]

En sjáið þið hvað verður bjart úti gott fólk. Fönnin fellur létt á stétt.

Lemjið mig bara.