Að vekja upp dauða

 

Ég er að þvo og ég er geðvond.  Órjúfanleg heild, þ.e. skapferlið og verkefnið.  Ég rembist við að ná sátt við alla hluti sem snúa að mér, en þetta andskotans sullumbull sem þvottur er, reynist mér erfiður ljár í þúfu.

Og þá er alveg yndislegt að fá pirringstækifæri úr Mogganum.  Sá sömu umfjöllun á visi.is í gær, en þá var mér sama, sléttbölvað sama.

Magni í krísu.  Hann er fetandi í fótspor eins og motherfucker.  Skjús my language. Skil krísuna 100%.

Af hverju er sífellt verið að vekja fólk upp frá dauðum?

Þá meina ég, af hverju er alltaf verið að hala inn peninga á að gera hluti sem aðrir hafa gert betur?

Ég veit að ég er óþolandi en þessi tribjút öllsömul eru algjörlega ekki fólki bjóðandi. 

Tinusjóvið, Queensjóvið, Bítlasjóvið og listinn er óendanlega langur.

Með allri virðingu fyrir þessu fólki sem dustar rykið af sjálfu sér, hendist upp á svið og tekur Bítla, Jagger, Mercury, Turner og allt hvað það heitir, er aumkunarvert í tilraunum sínum til að endurskapa það sem verður ekki toppað. A.m.k. ekki á hinu íslenska Broadway, þar sem skemmtiatriðin eru svipuð að gæðum og matseðillinn.  Útúrleiðinlegur og flatur.

Elskurnar mínar, þetta er einfaldlega ekki í ykkar deild.

Og ég leyfi mér að láta það fara í taugarnar á mér.  Alveg án þess að skammast mín.

Samt hafði ég gaman af Magna í Rockstar.  En það var þá.

Annars er ég ekki á leið neitt nema í þvottahúsið.  En ég er með skoðun og það er dásamlegt að geta sett hana fram á minni bloggsíðu.

Fólk sem hefur ekkert að syngja (frumlegt og sjálfsprottið) á að þegja.

Og hana helvítis nú.

Veit að allur hópurinn sem mætir á þessi fyrirkomulög er ósammála mér.  Só????

Farin að setja í þurrkara.

Arg í boðinu.

Magni syngur lög Freddy og Mick

Athugasemdir

[Ragnheiður , 10.4.2008 kl. 10:35]

Ég bendi á ágætan pistil Sverris Stormskers um "líkræningja og grafarspræna"

Las hann í gær og er óeðlilega mikið sammála honum.

[Hrönn Sigurðardóttir, 10.4.2008 kl. 10:38]

Ég hló nú bara að þessari frétt um Magna í krísu - en ég var heldur ekki að þvo

[Jenný Anna Baldursdóttir, 10.4.2008 kl. 10:38]

Æi ég er með hálfgerðan móral yfir að vera svona erfið, en mér finnst þetta alveg inn í hjarta.  Amk. það sem ég hef séð af þessum uppsetningum.  Auðvitað getur þetta heppnast, en það er eins og það verði að blóðmjólka allt.  Einu sinni byrjað þeir geta ekki hætt.

Hehe

[Birna Dis Vilbertsdóttir (IP-tala skráð) 10.4.2008 kl. 10:39]

 hláturskast dagsins komið hehehehehehe.Magni í krísu er auðvitað ekkifrétt hehehehehehehe.Góðan þvottaðdag

[Jenný Anna Baldursdóttir, 10.4.2008 kl. 10:40]

Það er hægt að hlægja að öllu Hrönnsla, ég veit það en stundum þarf maður að fá að urlast upp, t.d. á meðan maður þvær krúttið mitt.

[J. Einar Valur Bjarnason Maack , 10.4.2008 kl. 11:49]

Ég er sammála, þessi ófrumlegheit ætla að ganga af öllu dauðu.

Hvernig væri að veita þeim sem eru að gera nýja tónlist jafn mikla athygli...?

Nei. Þessar nánauðganir eru greinilega málið. 

[Linda litla, 10.4.2008 kl. 12:05]

HA HA HA það er alltaf verið að vekja upp tónlistarmenn frá dauðum... Mér fannst reyndar Freddy Mercury hreinn snillingur, en það er alveg sama hver tekur lögin hans, þau verða aldrei eins flott og hjá Freddy sjálfum mér finnst tónlistarmenn yfirleitt eyðileggja lögin hans.

[Jenný Anna Baldursdóttir, 10.4.2008 kl. 12:23]

Ég sá pistilinn hans Sverris í 24 stundum og ég er alls ekki á því að hann sé um sama, þ.e. ég skil vel að tónlistarmenn (sem flestir þekktu Villa Vill minnist hans).  Kannski svipað þema, en  aöl kæri ég mig ekki um samanburðinn.

[Tiger, 10.4.2008 kl. 12:50]

Ég hef séð nokkur svona "show" og ég segi það - ég hef séð og heyrt efnilegt fólk taka lög t.d. eftir bítlana, freddy og jagger - miklu betur en ædolin sjálf! Það væri örugglega erfitt að toppa Tínu Turner - enda virkilega spes týpa þar á ferð - en hin ædolin finnst mér lítið spennandi og margir geta á gullfallegan hátt toppað það lið í "comeback" showum..

Mér finnst virkilega gaman af svona sýningum og fer á þær þegar ég kemst, bæði hérna heima og erlendis. Bróðir minn tengist svona sýningu erlendis og er einn af aðalsöngvurum í einni slíkri svo ég er kannski ekki alveg hlutlaus. Hef mikinn áhuga á þessu og mikla trú á hæfileikaríku fólki sem sannarlega getur toppað sjálfar hetjurnar.. Knús á þig Jenný mín og eigðu yndislegan dag ljúfust!

[Linda María (IP-tala skráð) 10.4.2008 kl. 16:39]

Þetta með matseðilinn hitti mig beint í bragðlaukana!

Það leið röskur áratugur á milli þess sem ég tók sýni úr honum - í seinna skiptið fór ég einvörðungu vegna þess að miðarnir fylgdu uppþvottavélinni sem ég keypti í ELKO fyrir u.þ.b. fjórum árum.

 Ekki man ég hvað var í aðalrétt en bragðlaust frómasið loddi við gómana eins og maski - alveg eins og síðast.

Það þarf meira en ókeypis málsverð til að laða mig og mína á svæðið.

Jenný, ef við þættumst vera Elvis eða Abba, þá yrðum við lagðar inn! 

En uppþvottavélin er afbragð! 

[Jenný Anna Baldursdóttir, 10.4.2008 kl. 17:44]

Linda María (Presley? Hehe).  Góð.  Er í kasti hérna.  Ég veit ekki hvort við kæmust upp með að vera Abba eða Presley.  Eigum við að láta reyna á það?

[Jóna Á. Gísladóttir, 10.4.2008 kl. 18:02]

Ég held að tónleikarnir með Villa Vill séu þeir einu sem ég hef séð í þessari katagoríu, svo ég er ekki dómbær. því þú veist hvað mér fannst um þá . Var að lesa færslu hjá Stormsker hinum kjarnyrta. Önnur eins bullkomment hef ég sjaldan séð (hjá sumum. Talandi um lélegan flutning). ja hérna hér.

[Jenný Anna Baldursdóttir, 10.4.2008 kl. 18:05]

Mér finnst Stormsker, hvað á ég að segja, bitur?  Það er kurteisislega að orði komið.

Mér finnst allt annað mál með Villa Vill og fleiri svoleiðis uppákomur.  Það eru þessi sem ég fjalla um í greininni, svona "magnskemmtun" út að borða (oj), fyllerí, og mídíóker skemmtun. 

Knús

[Lilja G. Bolladóttir, 12.4.2008 kl. 02:18]

Ég er svo gjörsamlega sammála þér! Held ekki að þau séu að flytja lög þessa frábæra tónlistarfólks til að heiðra það, heldur til að ná sér í aur í kassann, minna á sig þegar athyglin á þeim minnkar og myndunum í Séð og Heyrt fækkar. Það fer enginn í skóna hennar Tinu, hans Jagger og hvað þá Freddy!! ..... enginn.