Viljinn sem vatnar

Nú á að bæta við fjórum plássum í Gistiskýlinu, sem er fyrir heimilislaust fólk.  Skýlið þar sem fólkið er rekið út á götu á morgnanna.

Gott að það sé bætt við rýmum.  En það er ekki nóg.

Getur borgin ekki farið að hunskast til að koma heimilisgámunum í gagnið?  Þeir standa tilbúnir og það tekur mánuði að finna staðsetningu fyrir viðkomandi húsnæði.

Það er viljann sem vantar, það er greinilegt.

Það getur ekki verið svona mikið mál að koma þessu af stað, ég trúi því ekki.

Er borin gjörsamlega lömuð með þennan nýja meirihluta?

Allir í ve... nei, nei, þið megið jafna ykkur frá síðustu áhendingu.

Gistiplássum fjölgað í Gistiskýlinu

Athugasemdir

[Linda litla, 9.4.2008 kl. 19:53]

Frábært að það er eitthvað verið að gera, það verður að gera eitthvað. Það eru 111 manns heimilislausir á Íslandi og það er alveg hræðilegt að vita til þess. Hefði nú ekki verið nær að nota einkavélarpeningana td fyrir þetta fólk. Ég er ennþá að ergja mig á þessari einkavél.

[Gunnar Gunnarsson, 9.4.2008 kl. 19:55]

Já þetta er til skammar .Vonandi að menn bretti upp ermarnar og lagi til í þessum málum. 

[Huld S. Ringsted, 9.4.2008 kl. 19:57]

Það er í sjálfu sér frábært að það sé verið að bæta við rýmum en mætti samt gera miklu meira og miklu betra, sammála Lindu litlu.............ég er ennþá pirruð út af einkavélabruðlinu!!!

Ég hendi mér í vegg þar sem ég hef ekkert gert það í dag

[Ragnheiður , 9.4.2008 kl. 19:59]

Þetta er alveg svakalegt, ég var einmitt að skrifa um þetta fyrr í dag.

[Sigrún Jónsdóttir, 9.4.2008 kl. 20:25]

Ég hélt að þetta væru færanlegir "gámar", sem á að setja niður hér og þar.  Ætli þetta þurfi ekki grendarkynningu og að fara fyrir skipulagsyfirvöld o.s.frv. í hvert skipti, áður en staðsetning er

ákveðin.

[Rebbý, 9.4.2008 kl. 20:30]

heyr heyr

[Þröstur Unnar, 9.4.2008 kl. 20:58]

Kasta mér ekki vegg út af 200 þús. kr einkavél.

En hitt er til skammar fyrir okkur.

[Lilja Guðrún Þorvaldsdóttir, 9.4.2008 kl. 21:06]

Var ekki 100 daga meirihlutinn búin að fá svona einmenningshús til landsins og finna stað fyrir þau allavega til að byrja með.  Man eftir Björk Vilhelms ganga um með fréttamanni Sjónvarps og sýna honum húsin og staðinn.  Það er kannski ekki stíll þessa meirihluta að hirða upp vinnu frá fyrrverandi meirihluta. En samt maður skilur ekki afhverju þessi hús eru ekki löngu komin í gagnið.

[Birna Dis Vilbertsdóttir (IP-tala skráð) 9.4.2008 kl. 21:21]

Velferðarsvið Reykjavíkur er búið að vera í bulli og rugli í mörg ár og virðist vera eins sama hver er við völd því miður.Þekki það því miður allt of vel.Heil 4 pláss  og ætlast einhver til að fá hrós fyrir þau?Ég vona ekki

[Jenný Anna Baldursdóttir, 9.4.2008 kl. 22:01]

Lilja Guðrún: Það eru þau hús sem ég er að tala um.  Búin að vera tilbúin síðan um jól.

[Ásthildur Cesil Þórðardóttir, 9.4.2008 kl. 23:02]

Sammála það er skömm að því að ríkasta þjóð heims, skuli búa svona að fólki sem á hvergi höfði sínu að halla.

[Guðríður Hrefna Haraldsdóttir, 9.4.2008 kl. 23:28]

Það verður fínt að fá þessi hús fyrir heimilislausa, loksins þegar þau koma. Get samt ekki varist því að hugsa að þar sé verið að vinna í afleiðingum ... ekki orsök! Vogur er án efa frábær en nægir ekki! Farin að kasta mér í vegg, eða í bað.

[Brynja skordal, 10.4.2008 kl. 00:54]

Góða nótt mín kæra

[Óskar Arnórsson, 10.4.2008 kl. 05:35]

Ég bý í fjölbýlishúsi og það kemur stundum fólk og sefur þar...sem ekki hefur í nein hús að venda..

Nú á að setja upp myndavélar svo hægt sé að henda heimilslausum út á götu..þvílíkt þjóðfélag!!!

[Lilja Guðrún Þorvaldsdóttir, 10.4.2008 kl. 14:52]

Tilbúinn síðan um jól!  Jenný, þú segir fréttir!  Skyldi hann Óli F. vita af þessu? Eða er það Villi staðgengill núna?

Óskar: Afhverju býðurðu þeim ekki inn til þín, útigangsfólkinu, í stað þess að hneykslaðst á nágrönnum þínum sem vilja ekki skjóta skjólshúsi yfir heimilslausa á göngum og í þvottahúsum húsa sinna.  Ekki verða settar upp myndavélar inni hjá þér.

[Jenný Anna Baldursdóttir, 10.4.2008 kl. 15:09]

Ég sá umfjöllun um þessi húsnæðisúrræði og myndar af þeim reyndar, um jólaleytið en þá var talað við Björk Vilhelms (eða í byrjun janúar var það svo ég sé nákvæm).  Ég held nú það.

Ég held að það skipti engu hvort Villi eða Ólafur viti af þessu, það vantar framkvæmdagenið í báða.

[Lilja Guðrún Þorvaldsdóttir, 10.4.2008 kl. 22:23]

Það er satt Jenný.  Þeir eru eins og Gög og Gokke!