Krúttfærsla

Búin að skúra, taka til á lóðinni, þrífa bílana á bílastæðinu og er núna að pústa aðeins.

Ég er vinsæll nágranni, eða væri það ef hlutirnir væru ekki stórlega ýktir.

Á eftir ætlum við að sækja nöfnu mín á leikskólann af því mamman er veik í bakinu.  Sara mín varð fyrir vinnuslysi fyrir nokkrum árum, slasaðist illa í baki og nú er hún komin með brjósklos.  Hún þurfti að fara á læknavaktina í fyrrakvöld vegna verkja en stelpan sú er ekki mjög kvartgjörn.  Og nú er bakið nánast læst.  Þess vegna förum við og náum í Jennsluna, af því pabbinn er að kenna.

Og eitthvað hefur Jenný Una heyrt mömmu sína kvarta yfir bakverkjum því í morgun þegar mamma hennar vakti hana brosti hún sínu blíðasta og sagði:

"Mamma, ég líður aeins bretur í bakinu".

Mamman: Ha, í bakinu?

Jenný: Já ég varaði slæm í bakinu í gær, ég leikti mér svo mikið.

Segið að börn séu ekki eins og svampar á umhverfið. 

Farin í bili.

Bloggfrömuðurinn.

Mamman:

og "baksjúklingurinn" Jenný Una:

Stundum þarf maður mikið að hugsa.

Ælofitt!

Úje

 

Athugasemdir

[Tiger, 9.4.2008 kl. 13:37]

Alveg yndislegar stúlkur sem þú átt þarna Jenný mín. Sú stóra er mikill kvenkostur að sjá og ef hún líkist móður sinni eitthvað þá er húsbandið hennar mikið lukkulegur. Jenný litla er algert krúttdæmi, svo mikið lifandi ljós að það hálfa myndi lýsa upp heiminn. Stórt knús á þig Jenný mín - og vonandi lagast bak þinnar eldri þarna sem fyrst. Svo mikið rétt og satt að börnin eru algerir svampar á það sem gerist í kringum þau.. bara dásamlegt! Eigðu góðan dag elskulegust.

[Birna Dis Vilbertsdóttir (IP-tala skráð) 9.4.2008 kl. 21:23]

Það er erfitt að vera veikur í baki og það svona ungur hehehehehe

[Jóna Á. Gísladóttir, 10.4.2008 kl. 09:03]