Pungdýrkun

Ég vaknaði úrill í morgun.  Já, stundum verður maður að vera úrillur.  Það á jafn mikið rétt á sér eins og að vakna í stöðugu partískapi.

Ég nenni annars ekki að tala mikið, fyrsta klukkutímann eftir að ég vakna.  Þarf að taka inn stemmingu dagsins og ná úr mér svefndoðanum. 

En í morgun rak á fjörur mínar "frétt" sem ég undir eðlilegum kringumstæðum hefði ekki látið pirra mig.  En í úrillunni gat ég ekki stillt mig um að urlast upp og kasta mér í gólf!

Gilzenegger, sem er með húmor sem hæfir hlandkoppi, verður að gera sig gildandi á einhvern máta, og efri hluti líkamans er greinilega ekki að standa undir væntingum.

Þá færir maður sig niður eftir boddíinu.  Og maður staðnæmist við hreðjarnar og lætur taka við sig viðtal, ma. um umhirðu þeirra.

"Það er fátt sem kemur hörðnuðum Íslendingi á óvart þegar Egill „Gillzenegger“ Egilsson er annarsvegar, enda hispurslaus með eindæmum.

Þó eru líkur á að einhverjar húsmæður í vesturbænum súpi hveljur á næstunni, því í viðtali í nýjasta tölublaði Monitors, viðurkennir Egill að hann raki á sér hreðjarnar daglega, en þó sé stundum „fínt að breyta til og fara í brasilískt vax af og til“. "

Nú er ég ekki húsmóðir í vesturbænum og ég sýp engar hveljur enda ýmsu vön.

En getur fólk ekki fengið raðfullnægingar af gleði yfir kynfærum og saurgati annars staðar en í fjölmiðlum?

En samt hef ég ákveðinn skilning á málinu.

A man´s gotta do what a mans´s gotta do.

Kikkmítoðebón.

Daglegur rakstur

Athugasemdir

[Björn (IP-tala skráð) 8.4.2008 kl. 09:49]

Sammála, eins og talað úr mínu hárlausa hjarta!

[Guðrún B. (IP-tala skráð) 8.4.2008 kl. 09:50]

Sorry á meðan ég fer og æli.

Komin aftur .. þarf að æla aftur.   Hvað í andskotanum kemur okkur það við hvað Gilzhneggur gerir við sitt prívat líffæri.  Er þetta ekki einum of mikil athyglissýki i þessum dreng.  Hann má nú alveg fara að setjast í helgann stein.

Ojbara segi ég bara.  

[Linda litla, 8.4.2008 kl. 10:00]

HA HA HA HA HA

Eitthvað verður aumingjaa drengurinn að gera til ð komast í fjölmiðlana, þarna fékk hann hugmynd og einmitt hugmynd til að hneyksla þessar í vesturbænum. Hann er með alveg ofboðsllega athyglisþörf.

Ætli við í Breiðholtinu séum ekki bara öllu vanar

[Ingibjörg Gunnarsdóttir, 8.4.2008 kl. 10:05]

Þetta fer að verða jafn fyndið og forsíðan á Séð og Heyrt um árið:  Gaui litli (43) snéri á sér ökklann!

[Huld S. Ringsted, 8.4.2008 kl. 10:34]

Sumum líður ekki vel nema vera í sviðsljósinu og þessi drengur er greinilega með athyglissýki á háu stigi. Mín vegna má hann raka hreðjarnar oft á dag en mig bara langar ekkert sérstaklega til að vita það

Vonandi rjátlar úrillan af þér Jenný mín

[Helga Magnúsdóttir, 8.4.2008 kl. 10:58]

Gillzenegger er svona íslensk Paris Hilton. Gerir allt til að ná athygli.

[Laufey B Waage, 8.4.2008 kl. 11:04]

Vér húsmæður í vesturbænum súpum nú öngvar hveljur yfir svona titlingaskít, enda ekki fæddar í gær. En heldur viljum vér nú hafa okkar menn með allan þann hárvöxt sem þeir voru skapaðir með, - svona neðan höku, - höfuðhárin má nú snyrta. Hef aldrei skilið þetta vax- og rakstursrugl við kynfærin, - hvorki hjá körlum né konum.

[Birna Dis Vilbertsdóttir (IP-tala skráð) 8.4.2008 kl. 11:10]

 húmor sem hæfir hlandkoppi er snilldar setning hehehehehe.Gott að þú varst bara úrill og erill ekki í nánd.Góðan og blessaðan dagin

[María Guðmundsdóttir, 8.4.2008 kl. 11:33]

gud minn gódur,ég fæ bara ræpu.madurinn er athyglissjúkur

[M, 8.4.2008 kl. 11:36]

Svo var nú gaman að fylgjast með vini hans Celsíus 4 vakna á morgnana í Kastljósinu. Vaknar allt öðru vísi en ég.

[Jenný Anna Baldursdóttir, 8.4.2008 kl. 11:53]

Ceres 4 M, Ceres 4, við verðum að hafa þetta rétt.  Híhí.

Annars er ég í kasti hérna.  Þið eruð svo skemmtileg og vonda skapið er löngu flogið út í veður og vind.

Nú er bara að njóta lífsins, þrátt fyrir að kynfærin á Gilzenegger séu komin í umræðuna

[Steinn Hafliðason, 8.4.2008 kl. 11:57]

Það má segja að þú komir skoðunum þínum á framfæri í þessu máli af stakri snilld. Takk fyrir pistilinn, það er engin hætta á að ég verði úrillur það sem eftir lifir dags

[M, 8.4.2008 kl. 12:05]

Ceres, Celsíus dont give a ..... heheheh