Dekk á sterum - Úje

 

Tókuð þið eftir því að heimsóknarteljarinn datt út í dag?  Bara hvarf sí svona?  Hm.. enginn á vaktinni á Mogganum fyrr en rétt áðan. 

Ég er búin að vera bissí í allan dag eftir að ég kom heim úr gönguferðinni.  Var eins og dekk á sterum, þreif og pússaði, skúraði og skrúbbaði og hér glansar allt eins og á Þorláksmessu. 

Ég var eitthvað mússímússí í dag eftir að hafa talað tvisvar sinnum við Maysuna í London.  Ég talaði líka við Oliver.  Hann er orðinn algjörlega breskur þessi elska, og svo mikið krútt.  Tveim tímum eftir að við töluðum saman, hringdi Maysan aftur.  Hún var á klósettinu í IKEA (hvað er það með mína fjölskyldu og þessa blágulu búð?  Hvað er það með mig og Svíþjóð svona yfirleitt?).  Þau voru að kaupa rúm handa Oliver og mín þurfti að bíða eftir að komast á klóið og hringdi og kjaftaði við mömmu sína meðan hún beið.  Krútt og ég sakna svo stelpunnar minnar og fjölskyldu.

Og ég gekk fram af mér og hló að Spaugstofunni.  Alltaf þegar ég er búin að afskrifa þessa karla, þegar þeir hafa verið algjörlega misheppnaðir aftur og aftur, þá taka þeir sig til og eru brilljant.  Ég ráðlegg fólki að horfa á þá hér.  Annars hlýtur að vera gaman að vera í Spaugstofunni þessa dagana.  Tilefnin til gríns eru í búntum og kippum.

Nú er ég að lesa aðra bókina sem ég keypti í dag.  Ég læðist um og hvísla, það er svo fínt hjá mér.

Ég er bara góð, eruð þið góð?

Það ætla ég rétt að vona.

Sjáumst á loftinu.

Úje.

Athugasemdir

[Huld S. Ringsted, 5.4.2008 kl. 22:47]

Ég læðist líka um eftir skúr,skrúbb,bón og púss, þori varla að blogga því tölvan er svo hrein! Svo ég er góð

Æðisleg myndin af Oliver

[Ragnheiður , 5.4.2008 kl. 22:52]

Ég er voða góð, er svo þreytt að ég get ekki annað

[Ólafur B. Jónsson (IP-tala skráð) 5.4.2008 kl. 22:58]

Það er yndislegt að geta sagt það sem manni fynnst.

[Jóna Á. Gísladóttir, 5.4.2008 kl. 23:03]

Ég er óþekk. skrapp yfir til Önnu frænku og reykti mig til óbóta. Verður Maysa ekki glöð þegar hún les um klósettferðir sínar á netinu

Ji minn hvað Oliver er eitthvað menningarlega sinnaður á þessari mynd. Virkilega að pæla í tónlistinni. Upptökustjóra og hver sá um útsetningar og þess háttar. Ógisssssslega fallegur þetta barn.

[Hugarfluga, 5.4.2008 kl. 23:05]

Awwww Oliver er gordjöss. Sjá þessi augu, kinnar og varir! *andvarp* Gúnatt, darling.

[Anna Ólafsdóttir (anno) (IP-tala skráð) 5.4.2008 kl. 23:29]

Oliver er engill - þvílík fegurð  

[Ásdís Sigurðardóttir, 6.4.2008 kl. 00:38]

Oliver er bjútífúl.  Annars er ég góð, fékk æðislegan mat í kvöld með húsbandinu og ástfangin sem aldrei fyrr.  Sofðu vel yndið mitt.

[Linda Linnet Hilmarsdóttir, 6.4.2008 kl. 01:49]

Hann er bara fallegur ömmustrákurinn þinnég er sammála þér að  spaugstofan var frábær í kvöld,horfi yfirleitt aldrei á hana,en var að flakka á milli stöðva og sem betur fer staldraði ég við og horfði á þá félaga og skemmti mér þræl velannars knús knús og kveðjur til þín elsku Jenný mín og góða nóttina, mín kæra,þú ert bara dásamleg elsku Jenný mín og gaman að fá þann heiður að fylgjast með þér og kynnast svona einstakri konu,eins og þú ert elsku vina mín,takk takk elskan mín

[Hólmdís Hjartardóttir, 6.4.2008 kl. 02:52]

Lækkum matarverð...kíktu á bloggið mitt

[Kristín M. Jóhannsdóttir, 6.4.2008 kl. 03:11]

Ég er búin að vera löt við að horfa á Spaugsstofuna undanfarið en ég verð að taka þig á orðinu svo ég ætla að horfa á hana núna.

[Tiger, 6.4.2008 kl. 10:29]

Usss... þú ert heppin Jenný mín. Þessi pjakkur er líkt og sá litli - endalaust mikið "knúsogkelerídæmi!"..  fallegur drengur!

Hún er ljúf sú stóra, Maysan, og greinilega alin upp í ást og alúð sem og hlýju. Það eru ekkert allir sem eru í góðu sambandið við sína eldri en gott samband sýnir gott uppeldi! Auðvitað þurfti ég að missa af Spaugstofunni í gær, en ég mun horfa á hana á netinu seinna í dag. Knúserí á þig ljúfust!