Bónus á raðfullnægingum

 

Ég var í töluverðum vandræðum þegar ég ákvað að blogga.  Ég las um að vatn í miklu magni væri beinlínis hættulegt og ég las líka um að fiskur gerði börn greindari.  Svo las ég þessa viðtengdu frétt um að heilinn tengir áhættu í fjármálum við kynlíf. 

Ég hef skoðun á öllu ofangreindu og það sem meira er, mér finnast þessar skoðanir beinlínis eiga nauðsynlegt erindi við íslenska þjóð, jafnvel heiminn allan..  Ég minni ykkur enn og aftur, af gefnu tilefni, á hversu hógvær ég er.

Fyrst að vatninu.  Ég var að koma úr göngutúr.  Gekk um átakasvæði næturinnar og niður í Mjódd.  Þetta er liður í nýjum lífsstíl mín og húsbands.  Sólin skein, fuglar sungu, hundar hlupu um allt og við mættum ekki einu einasta fórnarlambi ofbeldis, sem hlýtur að teljast til tíðinda.  Eftir þessa súrefnisgjöf, þar sem við fórum m.a. í Eymundsson í Mjóddinni, hvar ég verslaði "Minngabók" Sigurðar Pálssonar og "Sá sem blikkar er hræddur við dauðann", ákváðum við að misnota ekki dýrmætt súrefni alheimsins og tókum leigubíl heim.  Ég var þyrst og ég drakk sódavatn, vegna þess að vatnsandinn kom yfir mig.  Já, vatn í hófi er gott.  Ég hef alltaf vitað að þessir þrír lítrar sem verið er að segja manni að drekka er ekki eðlilegt magn.  Helvítis græðgi og ekkert annað.  Hófsemd.  Það er málið.  Meira er ekki endilega betra.

En að fiskinum.  Ég er afskaplega greind kona. Ég hef meira að segja pappír upp á það.  Ég er samt léleg í reikningi og þar kemur fiskurinn (eða skortur á honum) sterkur inn.  Ég er klígjugjörn með afbirgðum og það sem kemur úr hafinu er slepjulegt.  Ég borða því sjaldan fisk, nema steiktan.  Þess vegna óar mig einfaldlega við hverslags súperheila ég gæti verið með, hefði ég úðað í mig fiski í samlede verker.  Vó, hvað ég er fegin að ég lét það eiga sig.  Annars væri ég algjört eðjót.  Hreinlega ofviti.  Fyrirgefið en ekki segja að ég sé sjálfhælin.  Ég hafði ekkert með það að grea hversu klár ég varð.  Takið málið upp við foreldra mína. (Mér er orðið óglatt hérna).  Lalalala.

Og að áhættu í fjármálum sem heilinn tengir við kynlíf.  Ég gef mér að Hannes Smárason, Bjarni Ármannsson og Bónusfeðgar (og allir hinir millarnir) séu annaðhvort með gífurlega kynorku, eða þá hreinlega kynsveltir heima hjá sér.  Vonandi súa þeir mér ekki fyrir að draga þessa ályktun eftir lestur fréttarinnar, en þeir eru í heaví sexi 24/7 þessir gæjar.  Þetta hlýtur að vera líf upp á stöðugar raðfullnægingar.

Er farin að kaupa Lottómiða (úúúúúú).

See you in the lounge.

Úje

Heilinn tengir áhættu í fjármálum við kynlíf

Athugasemdir

[Ásdís Sigurðardóttir, 5.4.2008 kl. 14:08]

Snilldar pistill eins og við var að búast hjá þér Einstein, nei meina Jenný, fegin er ég að þú borðaðir aldrei fisk, hefðir annars verið of gáfuð fyrir okkur bloggarana og ekki nennta að vera í samböndum á svona lágu plani       

[Jenný Anna Baldursdóttir, 5.4.2008 kl. 14:08]

Ásdís: Segðu.  Hehe

[Gísli Baldvinsson (IP-tala skráð) 5.4.2008 kl. 14:17]

Rað...hvað?  Ég þekki bara raðgreiðslur?  Er þetta konumál?

[Ásthildur Cesil Þórðardóttir, 5.4.2008 kl. 14:19]

HahahaVissi að þú værir ofurkonan

[Jóna Á. Gísladóttir, 5.4.2008 kl. 14:20]

hehe eins gott að fiskurinn rataði ofan í þér heimskara fólk.

ég verð að svara Gísla. Jú ekki spurning.. konumál

[Linda litla, 5.4.2008 kl. 14:58]

umm... ég elska fisk. EN held að ég sé ekkert x-tra gáfuð, en ég er amk ekki heimsk.

[Gísli Baldvinsson (IP-tala skráð) 5.4.2008 kl. 15:21]

Einu sinni auglýsti Sigurbjörn í versl. Vísi í Morgunblaðinu sérmalað kaffi. -Vísiskaffi gerir alla glaða- Dag einn breytti setjarinn l-inu í r. Það var mikil sala þann daginn.  Fiskurinn gerir alla glaða.

[Katala (IP-tala skráð) 5.4.2008 kl. 16:17]

Í ljósi þess að Japanir eru frægastir allra þjóða fyrir fiskát, þá verður maður í ljósi þessarar fréttar að ákveða hvort maður ætlar að þjást af greindarskorti eða kynlífsskorti.  .

http://www.visir.is/article/20080322/FRETTIR02/80322025&SearchID=73313758143649

Kveðja,

[Jóhanna Magnúsar- og Völudóttir , 5.4.2008 kl. 17:18]

Ótrúlegur þessi heili, alltaf eitthvað nýtt að koma í ljós! ...

[María Guðmundsdóttir, 5.4.2008 kl. 17:21]

Held ég hafi ekki bordad nógan fisk fordumopinbera thad hér og nú...ætli thad sé of seint ad úda í sig eftir thrítugt??? en rad thetta eda rad hitt...er bara eitthvad oná braud er thakkí????

[Guðrún B. (IP-tala skráð) 5.4.2008 kl. 17:43]

Ég borðaði mikinn fisk sem barn, og geri enn, samt er ég geðveikt vitlaus á köflum.  Skil þetta bara ekki, ( klóríhaus)  Ætli ég sé þá að borða réttann fisk ?

Þetta með vatnið,  er ekki vatn annars í kaffi ??  Ég held það allavega.

Kynlífið.. jú jú ég stunda ekki golf, þannig að ég hlít að vera actif á því sviðinu, held ég allavega..

Afhverju ertu með svona erfiðar pælingar í dag ??  Ég er komin með rugluna hérna.

Held að ég fari og taki fjárhagslega áhættu.   Ætla að kaupa mér vatn.

SMJÚTS ljúfust.

[Linda Linnet Hilmarsdóttir, 5.4.2008 kl. 18:31]

Æðislegur pistillþú ert dásamleg elsku Jenný mín,takk takk og bestu kveðjur yfir til þín

[Steingrímur Helgason, 5.4.2008 kl. 21:25]

Alltaf haft efasemdir um ágæti vatns & gullfiskaminni boðar ekki mikla greind þannig að fiskát er ungvin ávísun á bættar gáfur, en hvað veit ég nú svosem ?

Ég er enda bara sem hver annar þorskur á þurru...

[Ía Jóhannsdóttir, 5.4.2008 kl. 21:43]

Jesus Kristur María og Josep að lesa svona færslu þegar maður kemur heim úr gala-kvöldparý er bara til að æra óstöðugan.  Í fyrsta lagi, gott að þetta var sodavatn það drekk ég líka, frábært að þú étur ekki fisk nema nauðbeigð og steiktan, welcome to the group! 

 En halló keyptir þú ekki kverið hans Sigga í seinustu viku hehehehe er næstum því viss um að þú gerðir það svo nú áttu  tvær bækur og önnur fer til Jónu strax á morgun í bílskúrsöluna. 

Kveðja inn í koldimma nóttina    

[Guðrún (IP-tala skráð) 5.4.2008 kl. 22:27]

 Þú ert frábær......!

[Ævar Rafn Kjartansson, 6.4.2008 kl. 02:11]

steikt. Bara steikt.

[Tiger, 6.4.2008 kl. 10:24]

Eins og endra nær, endalaust skemmtileg færsla hjá þér Jenný. Þú segir ætíð svo skemmtilega frá að maður getur ekki annað en setið hérna fyrir framan tölvuna - núna með lítinn kút sofandi við hliðina á mér - og skellihlegið af því sem þú skrifar - eða hvernig þú skrifar um hlutina. Dásamlegt bara! Já, ég er ekki mikið að elta kannanir eða ráðleggingar meistaranna - drekk bara vatn þegar ég er þyrstur, kannski líter til tveir á dag og borða fisk tvisvar til þrisvar í viku. Ég er mjög hrifinn af fisk og finnst endalaust gaman að matreiða hann á ýmsa vegu. Knús í þig Jenný mín..