Köllum skóflu, skóflu

Ég var að lesa Moggann.  Ég byrjaði á því nánast um leið og ég opnaði augun.  Það er fyrirbyggjandi aðgerð hjá mér að tékka á blöðunum um helgar, taka út stöðuna á vígvellinum í Reykjavík, mannfall og áverka, svo ég sé fyrirfram aðvöruð.

Þá sá ég að maður hafi hlotið stungusár í Austurborginni!!!  Halló, Austurborginni, þetta gerðist hér í Breiðholtinu.

Fyrir mér sem innfæddum Vesturbæing þá er Austurborgin eða bærinn, hverfið fyrir ofan Hlemm.  Á mínum sokkabands voru í gangi bullandi fordómar gegn þessum bæjarhluta.  Einfaldlega vegna þess að þar ægði saman fólki úr öllum áttum, þar var byggt og byggt og þar voru krakkar algjörir bölvaðir villingar.  Það var til klíka sem hét Austurbæjarklíkan og hékk á Austurbar.  Sá "bar" var sjoppa í Austurbæjarbíó.  Krakkarnir í þessum bæjarhluta voru bölvuð hrekkjusvín.  Strákarnir voru samt ógissla sætir.

Nú er einhver pólitísk rétthugsun að þjá Moggann, ef ég skil þetta rétt.  Nú skal varast að bendla Breiðholtið við allt ofbeldið sem þar er framið.  Er ekki í lagi heima hjá fólki?  Ég bý í Seljahverfinu og hér er allt rólegt, fuglasöngurinn alveg að drepa mig bara, en þetta er stórt hverfi.

Af hverju má ekki segja eins og er.  Það var enn einn ofbeldisgjörningurinn framin í Breiðholti í nótt?  Hvernig væri að kalla skóflu, skóflu?  Ég vil vita hvað gerist hvar, þó ekki væri nema til að taka á mig sveig fram hjá vettvangi glæpsins.  Sama hvar er í borginni.  En auðvitað geri ég mér grein fyrir að þá færi ég ekki langt.  Reykjavík er að verða eins og Harlem, svei mér þá, hvergi vært vegna ofbeldisseggja.

En kæra fólk.  Austurbær nær alveg niður í Fossvog, þegar haldið er upp Breiðholsbrautina þá erum við komin í Breiðholtið.  Já B-R-E-I-Ð-H-O-L-T-I-Ð.

Góðan laugardag.  Líka Austurbæingar.

Konan í hringiðunni talar frá átakasvæðinu.

Yfir og út.

Hlaut stungusár í átökum

Athugasemdir

[Jóna Á. Gísladóttir, 5.4.2008 kl. 10:41]

Geturðu ekki tekið teygjubyssuna á fuglakvikindin? Svo skaltu panta moggann með blindraletri, þá geturðu lesið hann án þess að opna augun

[Gunnar Gunnarsson, 5.4.2008 kl. 10:53]

.

[Birna Dis Vilbertsdóttir (IP-tala skráð) 5.4.2008 kl. 10:56]

yndisleg.

[Sigrún Jónsdóttir, 5.4.2008 kl. 11:01]

Ég var að hugsa þetta sama, þegar ég las fréttina.  Takk fyrir að skilgreina "austurbæinn".

Kv. frá húsmóður í AUSTURBÆ.

[Linda María (IP-tala skráð) 5.4.2008 kl. 12:20]

Mér verður sífellt hlýrra til þín!

[Ragnheiður , 5.4.2008 kl. 12:23]

Þú ert nú mesta krúttið en það er rétt hjá þér, þú færir ekki neitt. Meira að segja framið afbrot hér á mínu svæði, svæði hinna sauðmeinlausu ásamt Ólafi og Dorrit, hér var stolið vespu !

Ég er auðvitað búin að setja húsið á sölu, get nú ekki búið innan um svona krimma

[Ásdís Sigurðardóttir, 5.4.2008 kl. 12:37]

Ég tók eftir því að "erill" vinur þinn var ekki nefndur á nafn í morgunfréttum, heldurðu að hann hafi haft vit á því að fara inn á Vog? ég er sátt við þessa skilgreiningu þína á austur - vestur.  Eigðu ljúfan dag mín kæra

[María Guðmundsdóttir, 5.4.2008 kl. 12:40]

 heyr heyr..skófla er alltaf skófla...nema skófla sé.. 

[Baldur Ragnarsson (IP-tala skráð) 5.4.2008 kl. 13:53]

Þetta var ekki í Breiðholtinu, heldur í Kópavoginum (sjá Textavarpið, síðu 104 í dag). Það ku vera gott að búa í Kópavogi... Heykvísl er heykvísl, skófla er skófla.

[Jenný Anna Baldursdóttir, 5.4.2008 kl. 14:06]

Baldur: Dem, dem, dem, var það Kópavogur?  Enn meira hneyksli því Kópavogur verður ADREI Austurbær í Reykjavík.  Eða er það?  Heykvísl er sko ábygglega heikvísl.  Hehe.

Ásdís: Erill er farinn í meðferð.  Í spennitreyju en í meðferð.  Við getum ekki verið of kröfuhörð hérna.

Ragga: Nú er að setjast að í Engey.  Þar er ofbeldisfrítt umhverfi, amk. ennþá

María: Satt segirðu vúman.

Linda: Hehe, ég venst.  Slowly but surely.

Sigrún mín: Ekkert að þakka.

Jóna: Söngur bördía í hverfinu er yndislegur, í hófi, eins og altl annað.  Dirrindí.

Love you godd people.

[Bimbó (IP-tala skráð) 5.4.2008 kl. 16:45]

Alltaf þegar ég finn þörf hjá mér að berja fólk eða brjótast inn,,Þá læt ég það aldrei bitna á nágrönnum mínum,,Þeir þekkja fljótt því sem ég stel,og svo eiga þeir auðveldara með að launa líku líkt..Það kæri ég mig ekkert um..Því fer ég niður í miðbæ,, Ég kann því illa að kenna mér um það sem gerist hér í breiðholtinu,með ofangreindum níðskrifum,,Hins vegar er ljóst að einhver gerði eitthvað sem einhverjum mislíkar,og gott eitt að viðkomandi tjái sig þar um við rétta aðila,,Þá þarf hinn sami að hafa gott vald á rússnesku og pólsku,,

[Sigurbjörg Sigurðardóttir, 5.4.2008 kl. 19:31]

Og ég sem bý í neðra Breiðholtinu,jisus er ég í hættu???

[Tiger, 6.4.2008 kl. 10:19]

Æi já, ég er svo sammála þér Jenný. Hvort sem glæpur er framinn í Grafarvog, Garðabæ, miðbænum eða í Breiðholti - þá á að segja rétt og satt frá því í fréttum. En, það er jú kannski rétt - kannski eru fréttamenn eða yfirvaldið hrætt við að klína of miklu á ákveðna staði, hvort sem það er breiðholtið eða Kópavogurinn... Knús á þig ljúfan!