Imelda kjéddlingin - snæddu hjarta!

Í morgun hef ég verið svakalega bissí.  Ég hef verið á æfingu.  Sko ein, hérna heima hjá mér. 

Á morgun er stóri dagurinn hjá Jökli Bjarka, elsku ömmustráknum, en hann fermist á morgun.  Það er kirkja, veisla og svo fundur hjá mér á morgun.  Nóg að gera.

Þegar svona stórir dagar renna upp, verður maður að tjalda til sínu besta skarti.

Ég keypti mér ógó flotta háhælaða í London í janúar.  Jösses hvað þeir eru flottir.  Þeir sem eru reglulegir lesendur á síðunni minni vita að ég er með skóblæti.  Get ekki átt of marga.  Alleg satt.

Þessir skór eru sem sagt ástæða þess að í morgun hef ég verið á æfingu.

Þetta var einhvernvegin svona:

Svartur náttsloppur, svartar náttbuxur (togaðar og teygðar með öflugu hnéfari) og silfurlitaðir háhælaðir með háum tréhæl.  Vó hvað ég var ekki að slá í gegn, nema til fótanna. 

En hér gekk ég að verkum mínum (lalalalala) í góðu bara, og plammaði um allt, í öllum mínum erindagjörðum.  Skórnir eru ekki að svíkja.  Þeir eru frábærir í útliti sem og, að notagildi.

Amman mun slá í gegn á morgun, það er á hreinu.

Í péessi vil ég koma því á framfæri að það er synd og skömm að geta ekki gengið um á flottum skóm á þessu landi, alltaf.  Ekki að ég hafi látið það stoppa mig í gegnum tíðina, sko veðurfarið.  Man t.d. eftir mér á Háaleitisbrautinni á háum hælum í voðaveðri, þar sem skaflarnir náðu mér upp í júnóvott.  En ég lét ekki deigan síga og dinglaði mér tíguleg í gegnum hindranirnar án þess að hrasa eða missa kúlið.

Ég er töffari dauðans og Imelda farðu og legðu þig!

Úje

Athugasemdir

[Laufey Ólafsdóttir, 15.3.2008 kl. 15:41]

Má ég vera fyrst til að heimta myndir af konunni í skónum með fermingarbarninu á morgun ...möst að skórnir sjáist.

...og til hamingju kæra fjölskylda með Jökulinn á morgun!!! Gangi ykkur vel og eigiði góðan dag.

[Birna Dis Vilbertsdóttir (IP-tala skráð) 15.3.2008 kl. 16:55]

Ég á geggjaða hælaskó sem gera mig 180 cm að hæð.Ég er annars 167.Svolítið skringilegt göngulagið á þeim skóm en þegar ég var í glösum(pilluglösum og sollís) var þetta ekkert mál.Eða kanski tók ég bara  ekki eftir göngulaginu hehehehehehe.Ferðu í kjól til kirkju eða í spariskóm og náttfötum ?heheheheheheheh

[Ólína Kjerúlf Þorvarðardóttir, 15.3.2008 kl. 16:59]

   

Annars man ég þá tíð þegar ég átti háhælaða inniskó, hvað þá annað. Skúraði á þeim hvað þá annað. Skil ekki hvað var að mér.

[Berglind Inga, 15.3.2008 kl. 19:16]

Gott að þú tókst tíma í æfingar, það er ekki hægt að amman gangi eins og rækja í fermingunni!  Én ég tek undir með fyrsta ræðumanni, við viljum mynd af skónum

[Lilja Guðrún Þorvaldsdóttir, 15.3.2008 kl. 20:55]

Þú verður flottasta amma í heimi, engin spurning. Til hamingju með ömmustrákinn þinn og bara öll ömmubörnin þau eru hvert öðru fallegra.  Og ég efast ekki um að þau verði stolt af fallegu og flottu ömmunni á háuhælunum á morgun.  Góða helgi.

[Anna Ólafsdóttir Björnsson, 15.3.2008 kl. 21:32]

Til hamingju með ömmubarnið.

[Huld S. Ringsted, 15.3.2008 kl. 21:56]

Til hamingju með ömmubarnið á morgun

[Anna Ólafsdóttir (anno) (IP-tala skráð) 15.3.2008 kl. 23:06]

Þú verður flottust í þessari fermingu - næst á eftir fermingarbarninu

Knús til ykkar

[Vallý (IP-tala skráð) 15.3.2008 kl. 23:33]

Vá töff skór

Þú verður flott gella á  morgun til hamingju.

Með ömmuprinsinn .

[Ólöf Guðrún Ásbjörnsdóttir, 16.3.2008 kl. 01:18]

Þú verðu megabeib það er öruggt.

Njótið dagsins og innilega til hamingju

[Jóna Á. Gísladóttir, 16.3.2008 kl. 09:58]

hehe vona að Imelda hafi tekið góðan lúr og æfingin skili sér í dag

[Ásthildur Cesil Þórðardóttir, 16.3.2008 kl. 11:21]