Lyktandi minningar

Vorið kemur með grásleppunni og rauðmaganum sem karlarnir selja við Ægisíðuna.

Það er eins víst og það kemur nýr dagur á morgun.

Ég man eftir að hafa verið í fylgd með fullorðnum við kaup á umræddum fiski og ég skildi aldrei af hverju grásleppan var svona "bitótt" þar sem hún hékk og beinlínis blakti í vorvindunum, sem voru auðvitað skítkaldir.

Það var hryllileg lykt af grásleppunni og rauðmaginn var ekki mikið skárri.  Mikið sem ég hata sjávarfang af ýmsu tagi.

Spikfeitar fiskiflugur héldu heilu ráðstefnurnar á grásleppunni og ég gat ekki skilið hvernig nokkur maður gat látið þennan óþverra ofan í sig.

Mig langaði hins vegar mikið til að smakka fasana og lynghænu.

Þetta stílbrot í matarsmekk gerði vart við sig þegar ég var smábarn og dreymdi um að smakka konunglegar steikur og villta sveppi á meðan öll vesturbæjarelítan át ýlduna úr fjörunni.

Ég hef verið af konunglegum ættum í fyrra lífi.

Í raun þarf ekki fyrra líf til, ég er konungborin.  Í alvöru sko, langa, langa afi minn var danskur konungur sem flekaði þessa ömmu mína.  Hann var reyndar mesti sukkari allra konunga í Danmörku og fannst að lokum dauður í ræsi í miðborg Kaupmannahafnar eftir næturslark.

Þeir segja að alkahólismi gangi í erfðir

..líka sá konunglegi.

Hm..

Hér við hirðina erum vér á leið til rekkju,

en fyrst kíki ég á bloggið.

Vorið kemur svo sannarlega með grásleppunni.

Allir edrú að lúlla.

Æmsóexætid!

Úje

Græjað á grásleppuna

Athugasemdir

[Edda Agnarsdóttir, 10.3.2008 kl. 23:15]

Hm, konungleg , hef ekki heyrt þetta áður með þig, en man eftir einum hér á landi sem er systursonur Margrétar Þórhildar!

[Jónína Dúadóttir, 10.3.2008 kl. 23:21]

Góða nótt, yðar konunglega hátign

[Brynja skordal, 10.3.2008 kl. 23:30]

Ég hneigi mig því ég er kurteis við Kóngafólk góða nótt

[Ragnheiður , 10.3.2008 kl. 23:32]

Iss mitt kóngaslekti er flottara, írskur kóngur sko og fannst ekki í ræsi -hann hefur hinsvegar örugglega verið rekinn í gegn fyrir uppivöðslusemi og almennt vesen. Það virðist líka ganga í erfðir.

Þú er flottust, vinkona mín og mér þykir vænt um þig...

Bið að heilsa sjúkling

[Huld S. Ringsted, 10.3.2008 kl. 23:46]

Það lá við að ég fyndi lyktina við lestur færslunnar     Góða nótt yðar konunglega hátign (hneigikall)

[Steingrímur Helgason, 11.3.2008 kl. 00:00]

Mmmmm, ég fékk nokkra Rauðmaga að gjöf um daginn & einhverjir skarkolar slæddus með.

Nammerí.

[Linda litla, 11.3.2008 kl. 00:01]

Góða nótt yðar hátign og sofið þér vel.

[Hrafnhildur Ýr Vilbertsdóttir, 11.3.2008 kl. 00:02]

Ha ha ha ha....þú drepur mig kona....ég meina yðar hátign

plís skrifa bók svo ég hafi eitthvað að skemmta mér yfir næstu árin enda ört hrörnandi kona.

[Ásthildur Cesil Þórðardóttir, 11.3.2008 kl. 00:04]

Á maður þá að ávarpa þig Yðar hátign framvegis Jenný mín ?

[Anna Ólafsdóttir Björnsson, 11.3.2008 kl. 00:25]

Talandi um grásleppuna og rauðmagann (svona af því ég á líka minningar frá Ægisíðunni) þá hef ég aldrei pælt í þessu með fisknöfnin nema hvað sonur minn bað mig að kaupa rauðsprettu (ekki rauðsleppu reyndar) ... svolítið litrík þessi nöfn. - Mmmm fasani, fæ varla betri mat, nokkurs staðar, nokkurn tíma.

[Jóna Á. Gísladóttir, 11.3.2008 kl. 00:27]

Yðar háverðugheita hátign... hehe  Mitt bláa blóð kemur frá Melrakkasléttunni... eða þannig

[Guðrún Emilía Guðnadóttir, 11.3.2008 kl. 07:23]

Jenný mín eðalborna, fasanar og lynghænur, ja segir það ekki svolítið?       
Ég var líka ein af þeim sem fór með pabba og afa að kaupa allskonar fisk á ægissíðunni, Rauðmagi með kartöflum og ediki, og vel sigin grásleppa, Herramanns-matur.
Guð hvað það er langt síðan.
Hallgerður þú borðar ekki ljótan mat, en hvað með skötusel, steinbít
besti fiskur sem ég fæ.
                                           Knús Kveðjur Milla.

[Ía Jóhannsdóttir, 11.3.2008 kl. 07:31]

Þetta hefur verið uppgrip hjá körlunum á Ægissíðunni hér í den.  Sé ekki betur en flest allir hér að ofan muni eftir slepjugumsinu sem sett var í dagblöð og borið í hús.  Ég telst líka til þeirra sem fór með föður mínum að kaupa rauðmaga.  Grásleppa kom aldrei til greina því móðir mín var skild Haraldi Hárfagra og hann át ekki Grásleppu.

Góð kveðja inn í daginn.

[Hrönn Sigurðardóttir, 11.3.2008 kl. 08:24]

Góðan daginn

[Jenný Anna Baldursdóttir, 11.3.2008 kl. 08:26]

Ía: Við eðalbornu borðum auðvitað ekki hvað sem er.  Ég skil mömmu þína.  Það er svo erfitt að vera perla á skítahaug.

Milla: Það eru bara allir skemmtilegustu bloggvinir mínir úr Vesturbænum.  Við rottum okkur saman og deilum reynslu, styrk og von.  Við eru best.

Hallgerður: Einhver sagði mér, fyrir ekki svo löngu síðan, að enn væru grássleppukarlarnir að dunda sér við Ægissíðuna.  Veit það ekki, það er svo mikið rok þarna við sjóinn að ég fer þangað ekki ótilneydd.

Anna: Þú skilur auðvitað hvað ég meina.  Og við erum sennilega báðar með blátt blóð nöfnurnar.  Enda frábærar

Ásthildur: Ég bíð þér auðvitað dús.

Krumma: Það er bók í pípunum.  Þú munt að sjálfsögðu fá áritað eintak.  Ekki spurning

Jóna: Melrakkasléttu?  Hm... tengi ekki við það.  En mig grunaði að það væri í þér eitthvað blátt.  Þú ert svo tígulleg.

Steingrímur: Gat verið

Allir hinir: Ég svaf eins og engill og vonandi þið líka.  Takk fyrir kveðjurnar

[Birna Dis Vilbertsdóttir (IP-tala skráð) 11.3.2008 kl. 09:13]

Lang-langa-amma mín fór til kongsins í Köben í denn.Hún var send heim fljótt.Það datt á hana þýskur prins í kongsins og lítil prinsessa afleiðing þess.Sú prinsessa komst á spjöld sögunnar fyrir að vera alþyðleg og góð við fátæka.Hehehehehehehehe

[Helga Magnúsdóttir, 11.3.2008 kl. 10:32]

Hjú, hvað ég skil þig með þetta illa lyktandi sjávarfang. Sigin grásleppa þótti mikill herramannsmatur heima hjá mér og ég flúði að heiman þegar hún var elduð, mér fannst lyktin svo vond. Ekki get ég hreykt mér af bláu blóði og ekki einu sinni af því að vera úr Vesturbænum. Er ættuð frá Súðavík og alin upp í Vogahverfinu.