Tvímælalaust undarlegur

Hér er mikið fjör. 

Jenný Una hefur stikað hér um íbúðina með tusku og þurrkað af (er þetta genískt, ég trúi því ekki?).  Taktar mömmu hennar við húsverkin eru sjáanleg í barninu.

Á meðan spjallar hún og þessa dagana er hún stödd í þeim ævintýraheimi sem þriggja ára barn býr í.  Hér verða til heilu sagnabálkarnir sem hún réttir að ömmunni, og ekki allir jafn fallegir.

Það er mikið um týnda krakka sem hafa verið óþekk og undarleg og "hlaupt" burtu frá mömmu og pabba út í buskann. 

Og í "dýrahöllinni" sem er hérna á Íslandi á bak við skóginn, eru dýrin stundum að hræða fólk en þau eru undarleg en samt góð.

Svo leitaði hún ákveðin að dúkkunum sínum sem hún þurfti aðððeins að baða, því þær voru óhreinar og mjög undarlegar.

Og ekki má gleyma kettinum Núll (skírður á staðnum um leið og höfundur skáldaði upp söguna) sem er alltaf svangur og mjög undarlegur.

Nú bíð ég eftir sögu um Ömmu Rúrí (skáldsagnapersóna barns) sem gengur um "í nóttinni" og er mjög undarleg. "Alleg satt amma".

Það er óhætt að fullyrða að orðið undarlegur er orð dagsins, vikunnar og mánaðarins.

Ja.. nema að barn komi með annað og nýtt orð.

Vondandi ekki draugalegur því mér er hætt að standa á sama. 

Allt svo annarlegt eitthvað.

Krúttk.... þið vitið hvað.

Það fer að bresta á með því.

 

Athugasemdir

[Þröstur Unnar, 8.3.2008 kl. 16:44]

Láttu bara vaða í krúttkastið. Yndislegt er orðið hjá minni þessa dagana, um bækur, dúkkur, fólk, herbergi, föt....bara allt.

[Birna Dis Vilbertsdóttir (IP-tala skráð) 8.3.2008 kl. 16:54]

[Jenný Anna Baldursdóttir, 8.3.2008 kl. 17:06]

Hallgerður: Þetta er svo skemmtilegt.  En þessi mynd er ofar mínum skilningi við þessa færslu. 

Þröstur: Dúllur.

[Sigrún Jónsdóttir, 8.3.2008 kl. 17:08]

Þau eru svo æðisleg, þessar "fullorðinslegu" elskur, þegar bætist við orðaforðann.  Og ekki er það verra hvað þú segir skemmtilega frá.

Til hamingju með daginn!!

[Ásdís Sigurðardóttir, 8.3.2008 kl. 17:20]

Það er svo "undarlegt" með unga menn, í ungum stúlkum þeir......  Yndislega frábær hún Jenný Una, knús á ykkur nöfnurnar.

[Jóna Á. Gísladóttir, 8.3.2008 kl. 18:50]

Mér þykir lítið undarlegt þó barni verði undarleg-heitin töm bæði í orði og á borði, tilheyrandi svo undarlegu fólki

[Hugarfluga, 8.3.2008 kl. 19:14]

Hún er nottla bara sérstök þessi litla dúlla! Og varðandi fyrsta kommentið ... þá er það vægast sagt undarlegt.

[Ásthildur Cesil Þórðardóttir, 8.3.2008 kl. 19:55]

Ekkert smákrúttleg færsla.  Það eru mörg gullkornin sem falla hér á þessu heimili líka þessa dagana.

[Katrín Ósk Adamsdóttir, 8.3.2008 kl. 20:04]

Hún Jenný Una er greinilega frábær skotta

[Tiger, 8.3.2008 kl. 20:08]

  Nýyrðasmíði eða nýuppgötvuð orð barna eru ætíð hreinustu gullmolar, Jenný Una er greinilega ekki frábrugðin þeirri staðreynd. Muna að skrifa niður bestu gullmolana og gefa henni í fermingagjöf - þegar þar að kemur. Knús á þig Jenný.

[Aðalheiður Haraldsdóttir, 8.3.2008 kl. 22:34]

Jú maður kannast við svona þegar börnin uppgötva eitthvað orð og nota í sífellu.  Bara YNDISLEGT og ekkert UNDARLEGT við það.  Og talandi um nýyrðasmíð barna, rifjaðist upp fyrir mér frábært orð sem stelpan mín bjó til þegar hún sá saltstangir í fyrsta sinn - ,,Má ég fá svona....svona....svona prikakex?"

[Lilja Guðrún Þorvaldsdóttir, 8.3.2008 kl. 23:57]

Skemmtilegur pistill, það er svo gaman þegar börnin eru að finna út hvað orðin þýða, með því að máta þau, við setningar hér og þar, og kanna viðbrögð manns, við hverja setningu. Hegðun undarlegu, dýranna,  krakkanna og fólksins í sögunum hennar er alveg dásamleg.  Skemmtilega hugsandi barn hún nafna þín.   Til hamingju með hana.

[Linda Linnet Hilmarsdóttir, 9.3.2008 kl. 00:05]

Innlitskvitt og kveðjur

[Brynja skordal, 9.3.2008 kl. 01:30]

Börn eru bara yndisleg Góða nótt

[Helga skjol, 9.3.2008 kl. 09:24]

Börn eru yndisleg og það er svo gaman að heyra það sem veltur uppúr þeim

[Kristín Katla Árnadóttir, 9.3.2008 kl. 13:19]

Þú átt dásamlegt barnabarn Jenný mín

[Steingerður Steinarsdóttir, 9.3.2008 kl. 13:53]

Börn á þessum aldri eru hreinlega dásamleg. Ég öfunda þig af gullmolanum.

[Anna Ólafsdóttir (anno) (IP-tala skráð) 9.3.2008 kl. 14:05]

Krúttkast - er léttvægt orð yfir ástandið sem maður fer í þegar lýsingar á Jenný Unu Eriksdóttur birtast á þessari síðu. Hún er nú meiri gullmolinn þetta barnabarn þitt, reyndar öll barnabörnin þín. Ég á þessa uppgötvun eftir, er ekki orðin amma, ennþá svo ung.

[Jenný Anna Baldursdóttir, 9.3.2008 kl. 14:18]

Dúa: ROFL

Allir: Takk fyrir skemmtileg innlegg og kveðjur.