Hver liggur á bæn og spilar einhver Bingó?

 

Ég er í víðtæku rusli.

Ég má ekki spila Bingó 24/7 á ákveðnum tíma um páskana og væntanlega ekki leggja kapal heldur.

Ég efast meira segja um að það megi gera það í Dymbilvikunni.  Allt bannað.

Ég man eftir að hafa smyglað mér inn í Glaumbæ í páskavikunni í denn og þá voru stólarnir uppi á borðum og lokað kl. 23,30.  Það mátti ekki dansa.  Það mátti liggja á barnum en alls ekki dansa.  Það hefur örugglega verið bannað að spila Bingó en það var í lagi, það voru ekki Bingóspilandi ungmenni þá frekar en nú.

Spilar einhver Bingó núförtíden?

Ætli að það sé reiknað með því að meirihluti fólks liggi hýsterískur á bæn, heima hjá sér yfir páskana?

Úff hvað þetta er mikil tímaskekkju reglugerð.

Ólafur F getur sett þetta sem forgangsverkefni, að laga þessar hallærislegu reglur um opnunartíma skemmtistaða yfir "hátíðarnar".

Ekki það að ég sé á leið á djammið.

Ónei, verð heima að lesa.

Mér er bara uppsigað við svona skinheilagheit.

Afsakið á meðan ég garga.

Má ekki láta fólkið sem fær greidd laun fyrir að biðja, sjá alfarið um það og halda þjóðfélaginu í eðlilegum rythma á meðan þessi ósköp ganga yfir?

Annars góð,

Later

 

Bingó bannað á ákveðnum tímum

Athugasemdir

[Ásthildur Cesil Þórðardóttir, 5.3.2008 kl. 15:09]

Þetta er alveg með ólíkindum.  Sem betur fer hafa verið rýmri reglur hér en víða annarsstaðar út af Skíðavikunni.  En ég ætla örugglega að leggja kabal, ætli megi ráða krossgátur ?

[Elín (IP-tala skráð) 5.3.2008 kl. 15:25]

amma mín spilar bingó!

[Lilja Guðrún Þorvaldsdóttir, 5.3.2008 kl. 15:33]

Þetta er skrýtin frétt leiksýningar, hafa sko alltaf verið bannaðar,  í kringum páska, nema á Skírdag og  Annan dag páska, og verður að ljúka fyrir kl: 11 á Skírdag, svo allir séu komnir heim fyrir miðnætti.  Þessvegna tók Eyvindur Erlendsson hinn mæti listamaður upp á því að flytja Passíusálmana á Föstudeginum langa, svona til að stytta sér  og öðrum daginn, í Hallgrímskirkju.  Og nú eru Passíusálmarnir lesnir hér og þar í kirkjum landsins af öllum þeim sem vilja og langar að lesa upphátt fyrir sjálfan sig og aðra.  Og  það er mjög  skemmtilegt og mikil stemmning, að taka þátt,  í svona dagskrá, hvort heldur sem er, að lesa eða hlusta, því Hallgrímur Pétursson var ekkert smá skáld.  En svo máttu líka "skrabbla" það getur enginn bannað þér það.

[DoctorE (IP-tala skráð) 5.3.2008 kl. 15:39]

Helstu baráttumál þjóðkirkju eru: Hommar, vinaleið & bingó.

[Kristín Katla Árnadóttir, 5.3.2008 kl. 16:12]

Ætli maður gapi ekki á sjóvarpið eða glugga í bók.

[Anna Ólafsdóttir Björnsson, 5.3.2008 kl. 16:57]

Held að hún dóttir mín toppi allt með athöfnum sínum um komandi páska. Í fyrra þurfti hún að mæta í tíma á föstudaginn langa (hún er að læra læknisfræði í Ungverjalandi) svo ég spurði hana í sakleysi mínu hvort hún þyrfti ekki að mæta í tíma á föstudaginn langa núna þetta árið. Hún svaraði: ,,Það er enn betra, við eigum að kryfja!"

[Huld S. Ringsted, 5.3.2008 kl. 16:59]

Og ég sem ætlaði að spila Bingó, heima sko, það hlýtur að vera bannað líka?? Næst banna þeir lestur, svo um að gera að lesa nógu mikið þessa páskana!

[Helga Magnúsdóttir, 5.3.2008 kl. 17:45]

Þetta hefur nú skánað mikið, man sko þegar föstudagurinn langi stóð einum of vel undir nafni. Við fjölskyldan ætlum að  flýja skinhelgina og vera í London um páskana eins og í fyrra, það var sko fínt.

[Lára Hanna Einarsdóttir, 5.3.2008 kl. 18:15]

Þessi skinhelgi er leifar af því þegar lúterskunni var troðið upp á Íslendinga árið 1550 og allt sem veitti fólki gleði var bannað, til dæmis að dansa og syngja.

Ég man vel eins og Helga þegar föstudagurinn langi var leiðinlegasti og lengsti dagur ársins. Og heima hjá mér mátti ekki einu sinni taka í spil - hvorki á aðfangadagskvöld né föstudaginn langa - að minnsta kosti ekki á meðan amma bjó hjá okkur.

Ég man líka eftir þegar öllu var skellt í lás klukkan 23:30 á skírdag og við tóku langir dagar - en ég gat alltaf gleymt mér í bókum. Það mátti þó lesa.

Enn eimir eftir af þessari stjórnsemi kirkjunnar en margt hefur breyst og á eftir að breytast ennþá meira.

[Jenný Anna Baldursdóttir, 5.3.2008 kl. 18:21]

Ég man líka svo eftir þessum ömurlegu og löngu dögum sem skírdagur og einkum föstudagurinn langi var.  Þeir ætluðu aldrei að líða og auðvitað las maður sér til óbóta.  En hann leið ekki fyrr fyrir það.

Auðvitað er þetta breytt, en ég skil ekki að það skuli þurfa svona reglugerðir til að stjórna hegðun fólks og útstáelsi, þessa daga fremur en aðra.  Meiri forsjárhyggjan.

[Sunna Dóra Möller, 5.3.2008 kl. 20:48]

Ég elska helgidagafrið......sem kann kannski ekki að koma á óvart hahahahahhaha.....geng um með sorgarvip á föstudaginn langa, klædd svörtu með blæju með blikandi tár á auga ! Á sjálfan páskadagsmorgun færist bros yfir varir og upprisugleðin tekur við og þá fer ég í regbogans liti og fagna fjölbreytileika sköpunarinnar  !

Annars finnst mér Bingó leiðinlegt þannig að mín vegna má það vera bannað allan ársins hring, ég myndi ekki sakna þess neitt feitt !

[Birna Dis Vilbertsdóttir (IP-tala skráð) 5.3.2008 kl. 20:50]

Hehehehehe.Skil ekki af hverju þarf að loka "öllu"en ég ætla að bara njóta páskana og borða Nóa.

[Guðríður Hrefna Haraldsdóttir, 5.3.2008 kl. 21:55]

Það tilheyrði bara hérna í gamla daga að láta sér leiðast á föstudaginn langa, eins og það væri skylda. Undanfarin ár hefur þetta verið dásamlegur frídagur, góður matur, lestur og slíkt, en sjitt að maður skuli ekki geta spilað bingó ...

[Hrafnhildur Ýr Vilbertsdóttir, 5.3.2008 kl. 22:07]

Nei hér vantar alla bingó menningu. Í Englandinu er hún svo svæsin að til eru samtök bingó fíkla....Hæ ég heiti Krumma og er bingó fíkill...sé það einhvernvegin ekki gerast. Annars elska ég páskana..ekkert tilstand bara bókalestur og góður matur með stöku göngutúr...get varla beðið.

[Haraldur Bjarnason, 5.3.2008 kl. 22:09]

Ætli það megi spila póker? - Kannski bjargar Birkir Jón þessu! 

[Heiða Þórðar, 5.3.2008 kl. 23:27]

Kjaftæði...þú mátt sko allt sem þú vilt. Góðar kveðjur til þín min kæra.

[Tiger, 5.3.2008 kl. 23:49]

  Amen. Nei, á mínu heimili liggur engin á bæn, þó Guðhrætt sé allt heimilisfólkið. En ef á að fara að banna hitt og þetta á opinberum stöðum þá mun fólk bara flykkjast undir niður og stunda sín spil, bingo og lestur þar ...

 Ég hélt einmitt að það væri verið að rýmka þessar lokunarreglur, boð og bönn. Hélt að nú væri opið á jólum og nýársdag og fleiri tyllidögum mun lengur en var hér áður. Sannarlega skref í ranga átt. Allavega getur maður gert það sem manni sýnist á eigin heimili, held ég.

[Eyrún Gísladóttir, 6.3.2008 kl. 00:12]

sjitt má ég virkilega ekki spila bingó  nei hingað og ekki lengra hehehe.

[Brynja skordal, 6.3.2008 kl. 00:29]

Já það er vandlifað sko iss ætla sko að spila alskonar spil og kannski Bingó líka alla páskana við fjölsk í sumarbústað um páskana

[Jóna Kolbrún Garðarsdóttir, 6.3.2008 kl. 01:35]

Ætli ég verði ekki bara að vinna um páskana, það er ekki hægt að hafa allt lokað, vegna túristanna og þeirra sem vilja skreppa á barinn, þó það sé bara til að fá sér kaffisopa og vínarbrauð með því.