Í dag held ég að ég sé að verða blind og því er ég niðurdregin og döpur

Það er eitthvað að gerast með sjónina mína, ég sver það.  Í öllum látunum í borgarmálunum finn ég ekki eina einustu frétt á mbl.is um málið og Villi, Snilli er ekki nefndur á nafn.  Þetta finnst mér benda til að sjón minni sé að förlast all svakalega (getur verið sykursýkin).   Þetta gerði mig beinlínis niðurdregna og dapra.  Ég verð að drífa mig til auglækni ekki seinna en strax og axla ábyrgð á minni sjón.  Ekkert annað að gera í stöðunni.

Í sorg minni og blindu þvældist ég inná visir.is og þá sá ég allt svo ljómandi vel.  Það fyrsta sem blasti við mér var þessi krúttlega frétt og upprifjun frá Villa Snilla, um það hvernig maður hegðar sér í pólitík.

"Vilhjálmur Þ. Vilhjálmsson oddviti Sjálfstæðismanna í borgarstjórn, skoraði á Þórólf Árnason fyrrverandi borgarstjóra að segja af sér á sínum tíma, vegna tengsla hans við verðsamráð olíufélaganna. Þá sagði Vilhjálmur alvarlegt ef stjórnmálamenn segðu ekki satt.

Karen Kjartansdóttir blaðamaður á Fréttablaðinu skrifar um framgöngu Vilhjálms í aðdraganda þess að Þórólfur Árnason, borgarstjóri Reykjavíkurlistans, sagði af sér embætti árið 2003.

Þórólfur lá undir ámælum vegna fyrra starfa sinna hjá Olíufélaginu, sem varð uppvíst að verðsamráði með hinum stóru olíufélögunum og það samráð bitnaði m.a. á Reykjavíkurborg. Vilhjálmur sagði um Þórólf í Fréttablaðinu hinn 30. júlí 2003: „Hann er ekki að segja satt og rétt frá og vísa ég til hans eigin gagna því til stuðnings."

Síðar segir Vilhjálmur: „Það er mjög alvarlegt mál þegar stjórnmálamenn segja ekki satt og rétt frá. Ég get einfaldlega sagt það að ef ég væri staðinn að svona löguðu þá myndi ég segja af mér. Hann verður hins vegar að gera þetta sjálfur upp við sína samvisku," segir Vilhjálmur.

Í ágústmánuði tjáir Vilhjálmur sig aftur í Fréttablaðinu um stöðu Þórólfs. Hinn 22. ágúst er haft eftir Vilhjálmi: „Þórólfur segir að hann hafi bara fengið tölur frá forstjóranum og ekki vitað hvað hann var að skrifa undir. Það er nú ekki merkilegt svar," segir Vilhjálmur. "

Sjálfur hefur hann borið fyrir sig í REI-málinu að hann hafi ekki alltaf haft öll gögn og upplýsingar við höndina þegar hann tók ákvarðanir. Frá því að Vilhjálmur mælti þessi orð um Þórólf í júlí og ágúst 2003, leið rúmt ár þar til Þórólfur sagði síðan af sér. Hann tilkynnti afsögn sína hinn 9. nóvember 2004 og lét af embætti hinn 30. nóvember. "

Málið er leyst.  Villi hefur talað.  Segi stjórnmálamenn ekki satt þá ber þeim að segja af sér.  Ég sé nú reyndar fyrir mér runurnar af pólitíkusum sem yrðu atvinnulausir en farið væri að grúska nánar í sannleiksbrunni þeirra en af því að Villi er að axla ábyrgð og vill fyrir hvern mun fá að sitja undir myndinni af Bjarna Ben, þá hjálpar þetta honum ekki mikið til að ná því takmarki í fjarlægri framtíð, þe þegar og ef hann á afturkvæmt í stjórnmálin..

Villi, þú hefur talað.  Hoppa af stalli.  Strax.  Þetta er orðin svo mikil fló á skinni að fólk getur ekki meir.

Farin að axla ábyrgð, á hverju?  Einherju bara. Nóg af ábyrgðum að axla ef maður er í því stuðinu.

Úje

P.s. Eitt ráð í lokin

Uss ekki tala.

 

Athugasemdir

[Garún, 12.2.2008 kl. 15:13]

Já ég las þetta líka og það fyrsta sem mér datt í hug var klisjan....passaðu þig hvern þú dæmir og hvernig, þú gætir lent í því sjálfur seinna....Svolítið svoleiðis sko

[Jónína Dúadóttir, 12.2.2008 kl. 15:15]

Sök bítur sekan

[Ásdís Sigurðardóttir, 12.2.2008 kl. 15:16]

Ég var bara skíthrædd í byrjun færslu, hélt að þú værir í alvöru að veikjast, það væri ótækt. Auðvitað á Villi að fara eftir því sem hann ráðleggur öðrum, sénsinn, hann er svo   

[halkatla, 12.2.2008 kl. 15:17]

ha??? enginn Villi - sakkre blöh

[Katrín Ósk Adamsdóttir, 12.2.2008 kl. 15:24]

Góður pistill hjá Kareni Kjartansdóttur á Fréttablaðinu

[Matthildur Ágústa Helgadóttir Jónudóttir, 12.2.2008 kl. 15:32]

Hann Vilhjálmur hefur auðvitað aldrei lent í öðru eins og mun sjálfsagt ekki lenda í því að skilja af hverju hann lenti í því að missa stuðning.

Það sem hægt er að lenda í!

[Edda Agnarsdóttir, 12.2.2008 kl. 16:17]

Mér líst ekki vel á þína blindu ef hún er bókstafleg - en ef það er blinda á síendurteknar klysjur og frasa um Villa þá leiði ég það hjá mér.

En sykursýki og blinda eiga eitthvað sameiginlegt eða annað á orsök og hitt er afleiðing. Go girl.

[Jenný Anna Baldursdóttir, 12.2.2008 kl. 16:17]

Æi fyrirgefið fyrirsögnina, leið bar svo sjónlaust eitthvað.  Hvarflaði ekki að mér að Mogginn væri að þagga málið.

[Jenný Anna Baldursdóttir, 12.2.2008 kl. 16:19]

'Eg  missti nú reyndar sjónina nánast alveg á tímiabli eftir að ég greindist með sykursýkina. Það gekk til baka sem betur fer hehe.

[Kolgrima, 12.2.2008 kl. 16:30]

Frábær pistill, ég fer eiginlega bara hjá mér!

[Jenný Anna Baldursdóttir, 12.2.2008 kl. 16:54]

Kolgríma

[Jenný Anna Baldursdóttir, 12.2.2008 kl. 16:55]

Kolgríma mín, akkuru ferðu hjá þér?  Hvað gerði ég nú af mér?

[Tiger, 12.2.2008 kl. 17:04]

Já Jenný - það skildi þó aldrei vera að Morgunblað Sjálfstæðismanna sé ekki nógu þroskað til að taka þessi mál föstun tökum og fjalla um þau hlutlaust...

Mér segir svo hugur að Villti Tryllti Villi eigi eftir að eiga í vandræðum með að klóra sig úr þessum málum þegar hann áttar sig á að þó borgararnir séu með pínulítið gullfiskaminni - að þá eru fjölmiðlar þó með minni sem kallast gagnabankar og þar eru geymd en ekki gleymd orð.

Eins og einhver hér að ofan sagði vona ég líka að það eigi einhver fjölmiðill eftir að spyrja hann út í málið út frá hans eigin herför í að fá aðra til að segja af sér.

[Hugarfluga, 12.2.2008 kl. 17:25]

Það er skítafýla af'essu.

[Birna Dis Vilbertsdóttir (IP-tala skráð) 12.2.2008 kl. 20:12]

Villi?

[Anna Ólafsdóttir (anno) (IP-tala skráð) 12.2.2008 kl. 20:53]

Það er allt eitthvað svo ótrúlega leim hjá þessum Villa þessa dagana. Hann þarf að fara að horfast í augu við eigin vanda og hætta að reyna allar þessar flóttaleiðir. Og þú þarft að fara til augnlæknis svo að þú farir að sjá ljósið (Moggann - tíhí)