Samkvæmt beiðni og almennri viðkvæðmni..

bloggvina minna, þá skrifa ég nýja færslu hérna svo þessi blóðuga hér fyrir neðan, taki fólk ekki á taugum þegar það kemur blásaklaust inn á síðuna mína, til að lesa um blómarækt, matargerð, leirpottagerð, skotapilsasaum og kryddjurtaræktun.

Ég bið afsökunar á ljótu færslunni en ég varð að skrifa hana.  Morð er morð,  Ég vildi sýna fram á það með þessu ullabjakki.

Annars er ég í þokkalegu formi bara, miðað við veður og almennt ástand vega á landinu.

Amma-Brynja keypti fyrir mig Stellu MaCartney ilmvatnið, þannig að ég kem til með að anga eins og pabbi hennar á næstunni.

Við Brynja fengum smá sjokk í kvöld.  María Greta sem gegnir flottri stöðu hjá Arrogant Cat fyrirtækinu og þegar Brynja hringdi í kvöld og ætlaði að tala við hana, þá var hún búin að skipta um stöðu innan fyrirtækisins og var stödd í Köben á fundi.  Halló, láta vita hérna.  En gangi þér vel krúsa mín og skamm smá.

Nú þetta var gleðifærslan fyrir nóttina.  Á morgun verður haldið áfram með horðbjóðinn.

Djók.

Athugasemdir

[Linda litla, 10.2.2008 kl. 01:03]

Ég ætlaði einmitt að athuga hvort að ég gæti fengið aðstoð við leirpottana mína

[Hugarfluga, 10.2.2008 kl. 01:35]

Ég keypti einmitt Stellu ilmvatnið af því að samstarfskona mín ilmaði  af því eins og dýrðarinnar dúskur alheimsins. Boy oh boy, ég mun aldrei aftur kaupa ilmvatn svona út í bláinn. Ég lykta eins og kæst Heather af því! Oj bara!!

[Steingrímur Helgason, 10.2.2008 kl. 01:37]

Arrogant Cat hlýtur að vera horkafyllri & því kraftmeiri snjósleði en minn aumi 200 hestafla Artic Cat...

Afsláttareddíngarséns ?

[Jóna Á. Gísladóttir, 10.2.2008 kl. 01:47]

nú drepst ég úr forvitni yfir stöðuskiptingu

[halkatla, 10.2.2008 kl. 02:29]

og velferð bloggheimsins er borgið  (mér fannst morðpistillinn samt rokka)

[Guðrún Emilía Guðnadóttir, 10.2.2008 kl. 09:03]

Fyrirgefningar á hverju?, erum við ekki að sjá þennan viðbjóð fyrir okkur alla daga í fréttum, myndum, ef við horfum á myndir
má þá ekki líka skrifa um bjóðinn???
Ég sem hélt að allar væru í leirpottunum, var það ekki eitt af námskeiðunum sem Jenný ætlaði að bjóða okkur upp á,
Nei hvaða rugl er í mér, ég gæti nú annars kennt ykkur
harðangur og klaustur það er engin óangan af honum eins og sumu ilmvatni.

[Edda Agnarsdóttir, 10.2.2008 kl. 09:37]

Ég hef alltaf verið veik fyrir ilmvötnum en er hræddari að nota þau núna en þegar ég var yngri! Getur verið að ilmvötnin ilmi öðruvísi þegar konur eru á leið í afturbatapíkuformið?

Ég er búin að eiga tvö glös af Lovely Söru Jessicu Parker, en nú er ég orðin leið á því. Ég get samt ekki notað ilmvötn sem eru þung eða krydduð eða bar þau sem dökkar konur geta notað. Því spyr ég, hvernig er lyktin af McCartney ilminum?

[Jenný Anna Baldursdóttir, 10.2.2008 kl. 09:39]

Linda mín: Brendu þá, hehemm

Fluva: Svona er misjafnt hvernig ilmvötn fara í mann, ég prófaði bæði hjá Maysu og Helgu út í London og féll fyrir annarei tegundinni.  Kallinn minn keypti sér ógeðisflottann rakspíra um daginn en þegar hann fór að nota hann þá ilmaði hann eins og kanilsknúður.  Ég var alltaf að knúsa hann, og að drepast úr hungri líka.

Steingrímur: Ræði málið við Maysuna þegar hún nær landi. Hehe

Hallgerður: Hvað meinarðu: Gín við ullabjakkin?  Ég skil ekki alveg.

Jóna: Hringja, eða er ertu búin að týna símanum.  Lalalala

Milla: Það verður að vera hægt að tala um þessa hluti, horfum á þá í bíómyndum, því ekki skrifa um þá líka.

[Jenný Anna Baldursdóttir, 10.2.2008 kl. 09:40]

Þessi sem ég fæ er eimitt frekar þung og smá krydduð.

[Jóna Á. Gísladóttir, 10.2.2008 kl. 10:13]

hvað er afturbatapíkuform?

Er búið að ryðja botnlanga Jenný Anna Baldursdóttir?

[Edda Agnarsdóttir, 10.2.2008 kl. 10:44]

Jóna, það er leyndó kvenna - ég skal skrifa þér í maili! En það er líka hægt að finna það einhversstaðar haft eftir Halldóri Kiljan Laxnes, han á þetta.

Jenný það var einmitt það sem mér datt í hug, af því við erum svart/hvítar - en heldur þú að hún sé með mismunandi lyktum, er þetta ekki venjulega ein lykt sem þær dísur setja á markaðinn?

[Edda Agnarsdóttir, 10.2.2008 kl. 10:45]

Jenný, ertu ekki annars á umboðslaunum?

[Jenný Anna Baldursdóttir, 10.2.2008 kl. 11:31]

Tvær tegundir hjá Stellu, mitt Stella MaCartney og Stella Rose held ég. Nei á eftir að ræða við Stelluna.

[Sunna Dóra Möller, 10.2.2008 kl. 13:57]

Það er svo gaman að svona gleðilegum færslum og léttum umræðum um ilmvötn. Ég vil einmitt í dag bara lesa eitthvað fallegt og skemmtilegt eftir stormasama helgi innan sem utan dyra !

bkv. Sunna

[Tiger, 10.2.2008 kl. 14:10]

Ég er nú ekki mikið inni í leirpottagerð, blómarækt og fleiru slíku - svo ég segi bara pazz hérna. Ég er þó vel að mér í kanilsnúðum og bakaði síðast kanilsnúða á bolludaginn og líkt og bóndi þinn angaði ég allan bolludaginn eins og kanilsnúður. Ég myndi þó seint kaupa kanilsnúðalykt til að úða á mig.

En já, lykt sem kallast yndislegt ilmvatn á einni manneskju gæti kallast hálfgerð skítalykt á næstu manneskju. Okkar eigin lykt blandast misjafnlega saman við ilmvötn og rakspíra svo þó maður finni góða lykt af einhverjum gæti sama lykt verið óbærileg sé hún borin á aðra manneskju.