Ætlar Villi að segja af sé? Sei, sei, nei. Rei, Rei

Samkvæmt fróðlegu Kastljósi er á tæru að skýrslan er tilbúin, öllum steinum viðvelt og enginn gerður ábyrgur.  Svandís, skelegg að vanda, taldi það ekki vera hlutverk nefndarinnar að dæma um hvort einhver bæri ábyrgðina á klúðrinu og ætti að taka pokann sinn.

Þetta sama og venjulega á Íslandi.  Skamm, skamm og svo halda allir áfram í sínum djobbum.

Og svo kom Villi. Hálf vesældarlegur og sorrí, kannaðist ekkert við að hafa verið tvísaga, hvorki þar eða hér.

Hér má sjá stjórnmálamann sem ætlar ekki að segja af sér.

Gjörið svo vel, merkileg kennslustund í íslenskri pólitík.

Ég hins vegar, segi af mér sem trúgjarn áhugamaður um stjórnmál.

Ég grenja þá minna í framtíðinni og nota tíma minn til annars.

Ekki eins og ég grenji ekki nóg samt.

Búú

Fokinngei

Athugasemdir

[Ásdís Sigurðardóttir, 7.2.2008 kl. 23:36]

En Svandís, hvar er hún stödd í þessu máli ?? ég lýsi frati á Villa og alla aðra í þessu máli, allt tómir kúkalabbar.

[Ragnheiður , 7.2.2008 kl. 23:42]

Ég horfði á þetta með athygli og sá fyrir mér Kastljósið á morgun, þá koma þeir áreiðanlega með viðtölin í tímaröð til upprifjunar fyrir Vilhjálm.

Svandís olli mér skelfilegum vonbrigðum, alveg skelfilegum og sannaði enn og aftur að það er sami rassinn undir öllu þessu liði.

Nýjasta plottið greinilega að öll dýrin í skóginum eiga að vera vinir.

Það hefur verið fróðlegt að fylgjast með borgarstjórn þetta kjörtímabilið, þvílíkur farsi.

[Jenný Anna Baldursdóttir, 7.2.2008 kl. 23:47]

Ég varð líka fyrir vonbirgum með

[Jenný Anna Baldursdóttir, 7.2.2008 kl. 23:48]

Ég varð líka fyrir vonbrigðum með Svandísi það verð ég að segja, en ætla að láta hana njóta vafans..  Sjá hvað gerist.

Þetta er svartur dagur.

[Ía Jóhannsdóttir, 7.2.2008 kl. 23:53]

Nú er maður kominn heim og horfir á þetta ,,í beinni" Sammála ykkur hér að ofan þetta eru algjörir jólasveinar og ættu bara að halda sig á fjöllum.  Jenný var búin að lofa þér að heyra hvort sami æðibunugangur væri í uppsetningu Akureyrarliðsins á Flónni eins og var í Iðnó forðum svo þú færir ekki fýluferð.  Nú er virkilega tvísýnt með veðurhorfur svo ég veit ekki hvort ég næ að mæta á frumsýningu.  Læt þig vita a.s.a.p.   

[Tiger, 8.2.2008 kl. 00:46]

Já, þetta eru sóðamál sem enn á að reyna að sópa undir teppi gullfiskaminnis okkar. Segi nú bara eins og ég skrifaði annars staðar áðan:

"Nú kemur best fram hvers vegna Leppurinn Ólafur var settur í stól borgarstjóra, eins veikur og hann er í þessu samstarfi. Það er auðvitað vegna þess að við þessu var búist, Sjálfstæðismenn áttu von á þessari orrahríð og þá var betra að Villi þeirra væri ekki í stólnum heldur aðeins til hliðar - svona rétt á meðan gullfiskaminni okkar Íslendinga er að gleypa allt sem hérna miður fór.

Ef Vilhjálmur hefði farið beint í stólinn hefði soðið mun meira í kringum hann spillingargrauturinn og hugsanlega hefði hann þurft að víkja þaðan hið bráðasta. Sjálfstæðismenn vissu þetta og því fór sem fór, leppur í stað Sjálfstæðismanns í borgarstjóraembættið. Þeir verða fljótir að koma honum í stólinn þegar um hægist, ekki kæra þeir sig um hlekkinn sem getur brostið hvenær sem er það er á tæru."

Auðvitað mun Villi ekki segja af sér einu eða neinu en mikið skelfilega megum við vera heimsk og auðveld ef við tökum því þegjandi og hljóðalaust ef þekki minnislausi karl ætlar sér að máta stólinn aftur eftir ár eða svo - ef ekki fyrr. Burt með þá sem misnota og leika sér með það vald sem þeim er treyst fyrir!

Jenný, væl er gott svo framalega sem maður er ekki stjórnmálamaður - vælandi stjórnmálamaður er einhver sem hefur gert mistök eða er að reyna að klóra yfir þau - líkt og Villi REI og t.d. Árni Jo - þessi þarna með tæknilega uppreisn æru eða þannig. Við megum aftur á móti væla like a pig, það er réttur okkar að væla og emja en við bara kunnum ekki nógu vel að gera það í kór svo eftir sé tekið.

Mér fannst Sigmar (æi, heitir hann það ekki spyrillinn) fínn en stundum finnst mér hann óþarflega mikið grípandi frammí án þess að leyfa viðmælendum að komast að eða klára mál sitt. Hann kann á þessar skrifstofublækur og tekur þær engum vettlingatökum, gott mál það.

[Steingrímur Helgason, 8.2.2008 kl. 00:57]

Svandís samsöng snilldarlega vel eftir REI sönginn sinn enda  nefndarseturnar nefnilega svo þægilega heitar þegar kalt er í veðri.

Man einhver núna hvað hún var skelegg í fasi & tali einhverjum rúmhundraðdögunum fyrr um sama mál ?  Rannsaka ætti málið niður í kjölinn & draga ábyrga til ábyrgðar.   En núna, nei, nei.

´

Íslenski kjósandinn er með valkvætt minni, man bara kosníngaloforðin sem að honum líkar, & ætlast í rauninni ekki til aðgerða um þau.

Því veit hann meira um pólitík en íslenskar húsmæður um strákana okkar í 'handboltanum', á nákvæmilega sömu forsendum.

[Einar Örn Einarsson, 8.2.2008 kl. 01:02]

Æi

Sorglegt allt saman. Sammála því sem Ásdís segir. Sama hvar í flokk er litið.

Orkuveitan er ekki heldur einkaeign Reykvíkinga, hvers vegna tekur enginn eftir álytkun bæjarráðs Akraness? það eru fleiri eigendur en þeir meira að segja. Ekki minnist Svandís á það.

Hrokinn hér og hrokinn þar.

Hvernig dettur fólki annars í hug að bara allt í einu fari fólk á Íslandi að axla pólitíska ábyrgð. Heilu lífeyrissjóðirnir hafa verið tæmdir af óábyrgum stjórnendum. Hafa stjórnir þeirra sagt af sér? ónei.  Menn maka sína króka í öllum hornum. Jú landinn býsnast í kaffistofunum búið bless. Hvað með úrskurð mannréttindanefndarinnar um kvótann? Hvar eru stjórnmálamenn gömlu fjórflokkanna þar? Jú þeir eru eins og strútarnir, hausinn í sandinn.

Segi bara iss piss og pelamó.

Er orðinn munaðarlaus í pólitík, læt mig reka sem rótlaust þangið í hafi stjórmálanna. Þökk sé REI og svei

[Guðrún B. (IP-tala skráð) 8.2.2008 kl. 01:19]

Skil ekki upp né niður í þessu.  En , það er bara ég.

[María Kristjánsdóttir, 8.2.2008 kl. 01:49]

Finnst í fljótu bragði að skýrsluna þurfi að lesa tvisvar sinnum. Hefði viljað fá svona skýrslu um Landsvirkjun og upplýsingaskyldu hennar gagnvart alþingi. En er það ekki rétt hjá Svandísi að nefndin hafði ekki umboð til að stilla neinum fyrir rétt og dæma, það er hlutverk innra eftirlitsins, umboðsmanns og stjórnar OR? Og er nú ekki hlutverk okkar og fjölmiðla að spyrja réttra spuninga - ekki leggjast í vol?

[Jónína Dúadóttir, 8.2.2008 kl. 06:55]

Ég er löngu búin að tapa samhenginu í þessu öllu saman... ef það ver þá einhverntímann eitthvað samhengi.... 

[Jenný Anna Baldursdóttir, 8.2.2008 kl. 07:57]

Ég er á því að svona málum þurfi að loka, þeir axli ábygðina sem eigi hana og svo sé vinnureglum breytt til að fyrirbyggja endurtekningu á sama.

María: Hehe, auvitað leggst ég ekkert í vol (var meira til að undirstrika pirring minn) löngu hætt að grenja og búin að bretta upp ermar.

Góðan daginn öll.

[Þröstur Unnar, 8.2.2008 kl. 08:48]

Þessi skýrsla er moð, og Svandís orðin ílla lyktandi eftir stutt stopp í sviðsljósinu.

Það fjúka fleiri hausar en Villahaus ef farið verður út í það.

[Hrönn Sigurðardóttir, 8.2.2008 kl. 09:15]

Hvaða vafa finnst þér að Svandís ætti að njóta?

Mér finnst þetta liggja allt nokkuð opið fyrir núna! 

[Maddý (IP-tala skráð) 8.2.2008 kl. 09:17]

Þeir koma bara með eitthvað nýtt hneyklismál fyrir okkur svo við gleymum þessu.  Það er mannskemmandi að fylgjast með þessu öllu saman og svo tekur eitt við af öðru, botnlaust klúður!

[Kristjana Bjarnadóttir, 8.2.2008 kl. 09:21]

Alveg er þessi umræða hér dæmigerð fyrir íslenska pólitík. Nú snýst málið um að manneskjan sem kom öllum skítnum upp á borðið sé einn af skúrkunum og umræðan fer í að rakka hana niður.

SMJÖRKLÍPA

Hvað gengur að fólki? Af hverju eruð þið ekki að ræða hversu óeðlilegt það er að borgarfulltrúar Sjálfstæðisflokksins, allir sem einn, hafa bakkað hvern annan upp síðan í haust? Samt eru þeir aðilar að þessari skýrslu?

Það er þeirra að draga menn innan sinna raða til ábyrgðar, þeir fara með völdin í dag, ekki Svandís.

[Óskar Þorkelsson, 8.2.2008 kl. 09:41]

sammála þeim sem segja að Svandís hafi staðið sig illa, hún kom fram sem ekta pólitíkus og hugsar mest um nefndarseturnar en ekki hagsmuni almennings... froðusnakkur sem sett hefur illilega ofan.

Villi vitlausi stendur undir nafni.. þvílíkur aulabárður er þessi maður eiginlega.. gersamlega óhæfur sem stjórnandi hvort sem er í stjórnmálum eða á sjálfum sér. En það góða við þetta allt saman er að ef sjallarnir ætla að halda í svona fífl í sinni forystu þá mun sjálftektarflokkurinn enda í 20-25 % fylgi í reykjavík í næstu kosningum !

[Birna Dis Vilbertsdóttir (IP-tala skráð) 8.2.2008 kl. 09:48]

Villi. Hver er bestur og hver er vestur?Sama ruglið hjá flestum.Annars eru nokkrir sem eru í mínu uppáhaldi.Hanna Birna,Gísli,Kjartan og Svandís.En Svandís  er að síga hratt niður. Sá yðar sem syndlaus er (saklaus) rétti upp hendi. ALLIR BORGARFULLTRÚAR SITJA VÆNTANLEGA ÞÁ MEÐ HENDUR Í VÖSUM.

[Þorsteinn Valur Baldvinsson, 8.2.2008 kl. 10:03]

Samstöðustjórnmál, ef ég skil rétt er þetta orð sem nota má yfir ketti sem skíta í sandkassa og moka svo yfir ulla bjakkið.

Merkileg þessi nýju stjórnmál og byltingaleiðtogarnir sem hamast svo við að moka yfir með félögunum.

[Heiða B. Heiðars, 8.2.2008 kl. 10:05]

Æi Jenný!!! Það fór alveg eins og ég sagði við þig..... Svandís greip þennan bolta á sínum tíma fyrst og fremst SÉR til framdráttar en ekki af því að réttlætiskenndin hennar er svo sterk!

Þoli ekki þetta pakk

[Katrín Snæhólm Baldursdóttir, 8.2.2008 kl. 10:32]

Maður á ekki að segja ég sagði það og hef alltaf sagt.það er sama rassgatið undir þeim öllum....alveg sama hvaða fagurgala þeir og þær gala yfir okkur hin. Eiginhagsmunir og græðgi..og svilja þau fá að sýna að þeim sé treystandi eftir allt klúðrið..I don´t think so!!!!!

Simmi var góður.skil ekki hvernig hann heldur rónni þegar hann fær ekki svör við ítrekuðum spurningum sínum..bara eitthvert bull og rugl.

[Einar Örn Einarsson, 8.2.2008 kl. 10:48]

En er ekki partur af vandanum sá, að við kjósendurnir hlaupum margir hverjir í burtu og förum í fýlu og í að styðja önnur framboð vegna svona uppákoma, í stað þess að beita okkur innan flokkanna og krefjast þess að það sé tekið til. Maður tekur yfirleitt ekki til í annara húsum. Ég verð að viðurkenna að ég er einn af þeim.

Það þarf að skipta gjörsamlega um front í öllum þessum framboðum fyrir næstu kosningar. Þessi innri uppbygging flokkanna er svo seinvirk og fólk hefur almennt ekki þolinmæði til þess að standa í þessu.

Prófkjörin, því miður virka meira eftir fjármagni frambjóðenda heldur en gæðum þeirra.

Spurning hvort framboð til borgarstjórar ættu að vera einstaklingsframboð.

[Jenný Anna Baldursdóttir, 8.2.2008 kl. 11:37]

Sko þið skuluð tala kurteisislega um hana Svandísi hér á minni síðu, það má gagnrýna fólk, en engan dónaskap takk.  Ekki gleyma því að hún gekk í vinnuna, ég er bara ekki ánægð með útkomu skýrlunnar hvað varðar ábyrgð þeirra sem voru að höndla með eignir okkar og græða á þeim.

Fáir tala um Villa sem á að taka pokann sinn (alla pokana sína) og fleiri eflaust líka.  Það er beinlínis ótrúlegt ef Villi segir ekki af sér en auðvitað er það ekki til siðs að taka ábyrgð í íslenskum stjórnmálum..

Og hvað með uppvakninginn Ólaf Eff, mér finnst hann bara vera í einhverjum einkabisness í borginni.

Ók ég var ósátt við útkomuna og varð fyrir vonbrigðum með Svandisi en ég trúi á að hana sem stjórnmálamann og mér finnst hún ekki eiga þennan óþverra skilin.

Bara svo það sé á hreinu.

[Jenný Anna Baldursdóttir, 8.2.2008 kl. 11:40]

Katrín: Simmi vinnur við að tala við fólk og gerir það vel.  Ertu hissa á að hann skuli ekki hafa stokkið upp á borð og gargað af pirringi?  Hann er þarna til að fá fólk til að segja okkur áhorfendum það sem okkur fýsir að vita.  Hann situr ekki þarna af persónulegri forvitni.  Auðvitað stóð hann sig vel, hann er súpergóður í því sem hann gerir.

 Og það er auðveld afsökun þessi frasi "sama rassgatið undir þeim öllum" hjá þeim sem sem ekki hafa sett sig inn ímál  t.d.

Heiða Arg

[Valgeir Bjarnason, 8.2.2008 kl. 11:42]

Sæl Jenný,

Fólk á að líta til baka og rifja upp hvert rei-málið var að stefna í byrjun október. Hver var það sem reif í stýrið áður en í endanlegt óefni var komið. Það var búið að samþykkja samruna REI og GGE. Það var gert í einum hvelli til að unnt væri að tilkynna milljarðagróða fyrir FL-group á einhverjum eigendafundi úti í London til að bjarga því fyrirtæki úr skítnum.

Með öðrum orðum einkaaðilar voru búnir að festa klær sínar í eignir almennings sjálfum sér til framdráttar. Það var gert með samþykki allra í stjórn OR nema Svandísar. Hennar framgangur setti málið í þann farveg að öll einkavæðing og brask með þessar almenningseigur er slegin út af borðinu. Átti t.d. Bjarni Ármannsson ekki að græða heilar 500 milljónir strax á braskinu?

Var ekki lausn sexmenninga sjálfstæðismanna í borgarstjórninni að selja bæri REI sem fyrst til svokallaðra fjárfesta.

Það er skiljanlegt að fólk vilji sjá blóð renna, en það er ekki hlutverk þessa stýrihóps. Nú á títtnefndur Vilhjálmur að verða borgarstjóri eftir ár, vel verndaður af bakvarðarsveit sinni. Svandís og Dagur eru í minnihluta og hafa því ekki afl til að koma í veg fyrir það.

Það hefur mikið unnist í þessu máli og komin önnur sýn á einkavæðingu og brask með almennigseigur. Vonandi verður þetta til þess að gengið verður varlegar um eigur almennings en ætlunin var í kring um REI.

Með kveðju

[Kristjana Bjarnadóttir, 8.2.2008 kl. 11:57]

Heyr, heyr, Valgeir, nú er umræðan að komast á vitrænna form. Get alveg tapað mér yfir þessari vitleysu um að það sé "rassinn undir þeim öllum".

Fólk verður að muna lengra en 1 sólarhring aftur í tímann.

Það er ákveðin snilld fólgin í því að láta alla skrifa upp á skýrsluna. Þar með verða þeir sem eru við stjórn í dag að taka ábyrgð.

Má ég minna á að Svandís ber ekki ábyrgð á borgarstjórnarflokki Sjálfstæðisflokksins.

[Kristjana Bjarnadóttir, 8.2.2008 kl. 11:58]

Fyrirgefið, á að vera "sami rassinn undir þeim öllum"

[Jenný Anna Baldursdóttir, 8.2.2008 kl. 12:04]

Ók gott fólk nú er ég komin með verkefnalýsingu hópsins og þá getum við nú kannski aðeins látið sljákka í okkur

Hlutverk hóps:

Borgarráð samþykkir að stofnaður verði starfshópur undir stjórn Svandísar Svavarsdóttur með fulltrúum þeirra lista sem sæti eiga í Borgarstjórn Reykjavíkur. Hópurinn hafi það hlutverk að kanna allar hliðar samruna Reykjavík Energy Invest og Geysir Green Energy með það að markmiði að hagsmunum almennings og borgar verði gætt, löglega verði að verki staðið og öllum spurningum svarað sem þegar hafakomið upp og upp kunna að koma við skoðun málsins, m.a. með tilliti til athugasemda og spurninga Umboðsmanns Alþingis.

Jafnframt vinni starfshópurinn og leggi fram stefnu Reykjavíkurborgar í orkumálum, sem taki m.a. til stefnumótunar OR til framtíðar með hagsmuni almennings og náttúru að leiðarljósi. Drög að erindisbréfi hópsins liggur frammi sem greinargerð með tillögunni.

Það var ekki hlutverk hópsins né skýrslunnar að draga einhvern til ábyrgðar

[Jenný Anna Baldursdóttir, 8.2.2008 kl. 12:15]

Skv. þessu horfir málið aðeins öðru vísi við.

Hver er hlutur sjallanna?

Villa?

Framsóknar?

Stjórnar Orkuveitunnar?

Það er eiginlega búið að taka Svandísi og rúlla yfir hana, þótt hún kæmi þessu af stað og eigi auðvitað heiðurinn af því.  En þetta er hlutverk hópsins.

Viðbrögð?

[Jenný Anna Baldursdóttir, 8.2.2008 kl. 12:25]

Og að lokum, þá dauðskammast ég mín fyrir að hafa brunað af stað án þess að kynna mér verkefnalista hópsins.

Svandís á þetta ekki skilið og jesúsaminn hvað ég er fegin.

Hún er nefnilega sú sem ég hef mesta trú á.

[Guðjón H Finnbogason, 8.2.2008 kl. 13:03]

Af hverju er verið að kenna Svandísi þetta eða draga hennar persónu í skítinn,er hún blóraböggull málsins,er hún gerandinn í málinu,er orðið nóg að grenja í beinni og vera þá fyrirgefið,eða gamla sagan af því að hún er vinstri í pólitík þá er hún verst.Villi vissi alveg hvað hann var að gera með að fá Ólaf með vængbrotna liðinu og mynda meirihluta auðvitað til að treysta sig í sessi,koma sér í betri aðstöðu reyna að vera öruggur.Sjá þennan hóp meirihlutans það er ekki fögur sjón því miður.Svandís er ekki búin með sín spil það er eithvað eftir.

[Kristjana Bjarnadóttir, 8.2.2008 kl. 13:07]

Svandís fór af stað með málsóknina meðan hún var enn í minnihluta, ein á móti öllum gegn þessu REI máli. Hún átti engra annarra kosta völ en reka þetta sem einkamál á þeim tíma, nema láta sem hún sæi ekki bullið.

Nú eru Reykvíkingar farnir að sjá eftir þeim 800 þús sem fóru í að koma málinu af stað.

Sömu Reykvíkingar segja lítið yfir hundruðum þúsunda í hús á Laugavegi sem ríkið hefði þurft að kaupa mun ódýrar ef beðið hefði verið í örfáa daga.

Það þarf heldur betur að hressa upp á pólitískt minni Íslendinga.

Segi bara ekki annað - í bili.

[Valgeir Bjarnason, 8.2.2008 kl. 13:09]

Þakka þér hrósið Kristjana, enda var þín færsla á undan sem hleypti mér af stað.

Benedikt skilur greinilega ekki málið. Svandís var með unnið mál á hendur OR. Málskostnaður hefði þá hvort eð er fallið á OR. Upphæðin hefði orðið hærri.  Þannig að þetta er bara endemis bull hjá Benedikt.

Það er ekkert einsdæmi að varnaraðili í málsókn fallist á kröfur sækjanda í töpuðu máli og samþykkt einnig að greiða allan málskostnað, til að firra sig frekara tjóni. Ég hef sjálfur verið sóknaraðili í máli þar sem varnaraðili féllst á allar málskröfur og samþykkti að greiða allan málskostnaðinn.

[Heiða B. Heiðars, 8.2.2008 kl. 13:46]

Það er "Björk" mína kæra... ekki "Arg"

Og ég gleymdi að skrifa hvað mér finnst hann Vilhjálmur "bloody pathetic" í öllum viðtölum! "Ég man ekki - gerði mistök - ég er fórnarlamb...blehbleh" Þykist svo ætla að sýna borgarbúum að hann ætla SKO að vanda sig núna!

Bjáni

[Jenný Anna Baldursdóttir, 8.2.2008 kl. 14:40]

Svandís fór ekki í einkamál (eða ætlaði) fyrir sig persónulega, auðvitað greiðir hún ekki reikninginn.  Nú er ansi langt seilst þykir mér.

En merkilegt hvað fólk talar sig heitt út af Svandísi sem ekkert hefur að gera með spillinguna hjá REI.

Hvað með sjallana.

[Jenný Anna Baldursdóttir, 8.2.2008 kl. 14:41]

Sama hvort það var einkamál eða ekki.  Gert í þágu borgarbúa.

[Óskar Þorkelsson, 8.2.2008 kl. 15:18]

Svandís er kúl en hana setti samt örlítið niður í viðtalinu við Sigmar, ég sé hana alveg fyrir mér sem borgarstjóraefni þegar samfylking og VG taka borgina með glans í næstu kosningum.. það er líka komin hefð á að hafa borgarstjóra sem hefur minna fylgi en samstarfsflokkurinn

[Kjons (IP-tala skráð) 9.2.2008 kl. 10:38]

Einhvertímann heyrði ég sögu af sendiboða sem flutti slæm tíðindi. Sá sem fékk fregnirnar varð svo reiður að hann drap sendiboðann!

Af hverju rifjast þessi saga upp þegar rætt er um Svandísi Svavarsdóttur og vinnu hennar við að stöðva einkavinavæðingu sjálfstæðismanna í borginni?

Hmmm?