Ég ætla að gerast námskeiðishaldari

Hafið þið tekið eftir öllum þessum fyrrverandi eitthvað, sem hafa haft að atvinnu að hafa t.d. verið í fjölmiðlum, leiklist, kennslu og allskonar, og eru að meika það bigg í námskeiðahaldi?

Ég hef ákveðið að verða sollis kona.  Námskeiðshaldarakona.

Ég kann helling.

Matarnámskeið í hefðbundinni  matargerð í 107 Reykjavík upp úr miðri síðustu öld.

Hvernig tala má mikið og halda athygli fólks, jafnvel gegn vilja þess.

Að vera hvatvís og tala alltaf áður en maður hugsar.  Hver segir að hugsun sé til alls fyrst?

Að rata á Þingvöllum.

Að sækja um vinnu, veit ekki hvort ég hef svo framhaldsnámskeið í hvernig á að fá vinnuna.  Tveir ólíkir þættir sko.

Hvernig hægt er að mála sig með júgursmyrsli og skósvertu að vopni.

Hvernig má leggja veisluborð með ósamstæðum diskum og glösum og látið það líta út fyrir að skreytingarmeistari hafi verið fenginn til verksins.  Æi snobb gerir fólk blint og smekklaust.

Æi svo er það hvernig má skilja í góðu, meðalgóðu og illilegu ástandi.

Úff, ég kann svo margt.

Þetta er að hala inn hellingspeninga hjá fjölda manns.

Mannauðstjórnun hvað?  Það geta ekki allir verið í því.

Hugmyndir, einhver?

Sláum til. 

Á morgun kemur nýr dagur og þá sjáumst við elskurnar mínar.

Jennslubarnið sefur svo fallega í litla rúminu sínu.  Er farin inn að horfa á hana.

Nóttina.

Úje

Later.

Athugasemdir

[Tiger, 3.2.2008 kl. 02:30]

Cound me in. Ég tek þátt í öllum þessum námskeiðum - nema einu - kann alveg nógu mikið í því að vera hvatvís, segja/skrifa það sem ég hugsa og hugsa það sem ég skrifa, oftast án þess að átta mig á því fyrr en um seinan að ég skrifa það sem ég hugsa án þess að hugsa mig um áður en ég skrifa/segi það - ehhhh ...  ég er kominn í nokkra hringi og kominn með uppí háls.

Námskeið hjá þér Jenný yrðu mjög vel sótt - þó ekki væri nema til að létta lundina og vera nálægt einum af bestu skemmturunum á blogg.is..  vel þess virði segi ég!

I´m in for sure.

[Tiger, 3.2.2008 kl. 02:31]

Ups... það átti að vera T í endanum á Count en ekki D.

Minnir bara á einhvern sem var með Cloud í stað Clout somewhere i guess.  segðu svo að maður sé bara ekki strax farinn að læra!

[Ásthildur Cesil Þórðardóttir, 3.2.2008 kl. 08:15]

Mæli með bloggnámskeiðinu, sv o væri örugglega flott námskeið fyrir smástelpurnar hvernig á að ná í hljómsveitargæja og halda honum

[Jenný Anna Baldursdóttir, 3.2.2008 kl. 08:47]

Beta: Ég er í kasti, þegar ég les þá las ég "   Jíppí hvað ég hlakka til að gifta mig." Muhahahahaha

Tigercoper Sko þú aðstoðar á hvatvísisnámskeiðinu og þannig fáum við bæði heljarmikið cloud hehem meina clout.  Hehe

Ásthildur: Þarna kemur eitt í viðbót.  Set þetta á lista yfir möguleg námskeið. Tékk, tékk.

[Kristín Katla Árnadóttir, 3.2.2008 kl. 10:24]

Ég Panta skráningu líka ekki veitir af

[Svanhildur Karlsdóttir, 3.2.2008 kl. 10:28]

Mér líst vel á þetta, pant vera með

[Sigrún Óskars, 3.2.2008 kl. 10:42]

Þú getur haldið námskeið í húmor, þú átt allavega nóg af honum, sem þú getur deilt með öðrum. Ég mundi reyna að svindla mér inná námskeið hjá þér.

[Edda Agnarsdóttir, 3.2.2008 kl. 11:04]

Skapandi bloggskrif! Væri eitthvað að mínu skapi á námskeiði. Þú átt nóg af því og ég mæti.

[Jóna Á. Gísladóttir, 3.2.2008 kl. 11:16]

''....Hvernig tala má mikið og halda athygli fólks, jafnvel gegn vilja þess.....''

hahahahaha mér líst best á þetta. Loksins eygi ég von um að fá útrás í röfli og ánægjuna af því að fólk komist ekki hjá því að hlusta.....  muuuhhhhhaaaaaaaa..

[Hugarfluga, 3.2.2008 kl. 11:38]

Frábær námskeið og mjöööög þörf. Sakna samt þess að sjá ekki "Kveiktu í honum með þvaglegg plástraðan við lærið" námskeið.

[Maddý (IP-tala skráð) 3.2.2008 kl. 12:11]

Vantar þig ekki meðhjálpara?  Ég kann svo rosalega margt sem mætti kenna og miðla til annarra.  Það er t.d. list að geta sungið sig í gegnum lífið, kennsla í söng við ýmsar erfiðar aðstæður, maður brestur þá í söng-gírinn t.d. þegar yfirdrátturinn fer í botn eða frostið fer yfir 10 stig.

[Guðrún Emilía Guðnadóttir, 3.2.2008 kl. 13:07]

Þú gætir t.d. kennt matargerðarlist upp úr kvennafræðaranum
hefur þú lesið þá bók?
Svo er must að kenna fólki ökumanna-kurteisi
Já og búðar, útsölu, kennara, barna, foreldra, já og bara alla kurteisi
sem hugsast getur.
Síðan gætir þú kennt áræðni, því það sem þú þorir að segja þora fáir aðrir. hafðu námskeiðin ekki of ódýr, þá heldur fólk að þetta sé
eitthvað lélegra en önnur námskeið.
Tala af reynslu.

[Sigurbjörg Sigurðardóttir, 3.2.2008 kl. 13:27]

Þú ert skemtileg persóna.

[Laufey Ólafsdóttir, 3.2.2008 kl. 13:31]

Ég mæti ... á flest nema skilnaðarnámskeiðið. Held aldrei nógu lengi út til að ná að gifta mig þannig að þetta gerist mertanpart af sjálfu sér hjá mér.   Er mest spennt fyrir að læra að rata á Þingvöllum. Þarft samt að byrja á að kenna mér að rata þangað.

[Tiger, 3.2.2008 kl. 14:22]

Ég hefði ekkert á móti því að hafa örlítið Cloud ... myndi aðstoða þig við hvað sem er Jenný  mín, jafnvel ný borgarstjóraskipti. Væri mér heiður að vera undir þig staðsettur sko ...

Vegna ýmissa uppástunga myndi ég einnig vilja sjá námskeið sem fræðir okkur um það hvernig halda má "ástsjúkum rokkarapútum" í hæfilegri fjarlægð og hvernig má sleppa lifandi af tónleikum - bakdyramegin og óséður.

[Jenný Anna Baldursdóttir, 3.2.2008 kl. 16:29]

Þið eruðfrábær er í kasti hérna.  Ég þyrfti að eiga Kvennafræðarann Hallgerður, það sem ég gæti bloggað úr honum.  OMG

[Guðrún Emilía Guðnadóttir, 3.2.2008 kl. 17:01]

Stelpur mínar ég á Kvennafræðarann gefin út 1905 svo þú átt vinninginn Hallgerður mín kæra.
Jenný þú getur örugglega fengið hann í fornbókabúð eða á bókasafninu.
Já það er ýmislegt í þessari merku bók.
                              Kveðja Milla.