Varúð - ekki fyrir viðkvæma!

 

Ekki er blekið þornað á úlpuógeðisfærslunni minni en staðfesting á máli mínu birtist á Vísi.  Eins og fram kemur í téðri færslu minni eru úlpur ógeðisfatnaður og greinilega ofbeldishvetjandi líka, en það vissi ég reyndar ekki.

Veslalings Tarantínó var að koma út af Starbucks þegar einhver nörður fór að taka af honum mynd á vídeóvélina sína.  Tarantínó var ekki skemmt og rauk að manninum í úlpufjandanum, meira að segja með hettuna á hausnum og reyndi að sparka undan myndatökumanninum löppunum þarna á malbikinu.  Við erum að tala um mögulegt massa fótbrot á manni með vél hér. Bæði sinus og dexter, takk fyir.

Úlpan er í aðalhlutverki, þannig að eitthvað hlýtur hún að koma við sögu.  Það stendur í fyrirsögninni að Tarantínó hafi ráðist að manni, íklæddur úlpunni sinni frá 66°.  Blaðamenn á virtum miðlum setja ekki svona í forgrunn nema að úlpuskömmin hafi verið samsek Íslandsvininum góða.

Ég er svona að hugsa um ofbeldisfyrirsagnir í sama stíl.

Kona stakk mann í bakið íklædd nýjustu Donnu Karan draktinni úr vorlínunnni sem var að koma á markað í París.

Maður í klæddur Armani jakkafötum, teinóttum, svörtum og gráumm og með Valentínó skó á bífunum, sló lögreglumann í andlitið.  Armani jakkafötin eru ú vertrarlínu ársins í fyrra og þessi vitleysingur því algjört low live og skyldi því engan undra.

Aldrei séð svona fyrirsagnir um glæpsamlegan fatnað.  Nema súlustaða þið vitið.

Nebb, það er úlpan.  Ekki nema von að ég hafi illan bifur á þeim klæðnaði. Eins og sjá má hér.

Hér er myndbandið af Tarantínó í árásargjörnu úlpunni á visi.is

Varúð - ekki fyrir börn og viðkvæma. 

Súmíæketeikitt.

 

Athugasemdir

[Sunna Dóra Möller, 1.2.2008 kl. 14:53]

Er þetta ekki pínu snobbí svona..........fékk smá grænar og dass af kjánahrolli þegar ég sá þetta...er annars bara góð !

[Lára Hanna Einarsdóttir, 1.2.2008 kl. 14:54]

Ég á nokkra flísjakka frá 66 en hef aldrei ráðist á neinn íklædd þeim. Ætli það gildi eitthvað annað lögmál um flísjakka og úlpur...?

Maður bara spyr sig, þeir verða að ofbeldisjafna klæðnaðinn hjá sér.

[Markús frá Djúpalæk, 1.2.2008 kl. 15:24]

Samt pínu skrýtið, þegar Tarantínó ræðst á myndavélamann er það ofbeldi en ef Björk gerir það eru það eðlileg þreytuviðbrögð íslensks langferðalangs. Kannski úlpunni að kenna

[Svanhildur Karlsdóttir, 1.2.2008 kl. 15:47]

úps, minn maður gengur í úlpu frá 66

[Ásthildur Cesil Þórðardóttir, 1.2.2008 kl. 15:51]

Jenný Anna Baldursdóttir einn daginn drepurðu mig úr hlátri.  Ekki svo sem að það sé ekki sá besti dauðdagi sem til er, en mig langar að lifa lengur

[Hrönn Sigurðardóttir, 1.2.2008 kl. 15:56]

haha Markús góður  Björk var náttúrulega ekki í 66 gráðum!

[Jóna Á. Gísladóttir, 1.2.2008 kl. 16:04]

hahahahahahahahahahahahahahahahahahaha

''Kona stakk mann í bakið íklædd nýjustu Donnu Karan draktinni úr vorlínunnni sem var að koma á markað í París.''

Ég drepst

[DoctorE (IP-tala skráð) 1.2.2008 kl. 16:16]

Smásálir íslands gleðjast yfir engu

[Brjánn Guðjónsson, 1.2.2008 kl. 17:28]

einmitt DoctorE. smásálir sem rifna úr þjóðarstolti, með viðeigandi gæsahúð, við það eitt að heyra eða lesa 'iceland' í útlendum miðlum.

annars er ég þess fullviss að hefði Tarantúló verið í týpískri lopapeysu hefði hann brugðist öðruvísi við. hann hefði lamað myndatökumanninn með hákarli og súru slátri.

[Björg K. Sigurðardóttir, 1.2.2008 kl. 18:01]

Úlpur er bara til vandræða og maður sýnist líka enn feitari en maður er þegar maður er komin í eina slíka. Ekki er nú á það bætandi.

Góða helgi Jenný og hafðu það sem best

[Ásdís Sigurðardóttir, 1.2.2008 kl. 18:12]

Þetta er nú bara fyndin frétt, en þú ert snillingur að búa til svona skemmtilegar færslur um úlpur.  Lovjúgörl.

[Gulli (IP-tala skráð) 1.2.2008 kl. 18:38]

Var það kannski ekki að ástæðulausu sem talað var illa um úlpukomma?

[Anna Ólafsdóttir (anno) (IP-tala skráð) 1.2.2008 kl. 19:15]

 Þú ert ekki hægt frú Jenný!

Hjúkket - það á enginn 66°N úlpu á mínu heimili enda erum við friðsemdarfólk

[Ragnheiður , 1.2.2008 kl. 19:49]

Hehe mér fannst þessi frétt súper asnaleg...ægilegt mál að kalluglan var í úlpu frá 66°...ætli hann hafi verið í sokkum frá Víkurprjón ?

Ég var að hlæja að þessu í gær og nú ertu búin að láta mig hlæja að þessu aftur í dag !

Dúa þú hefðir átt að kaupa meik í fínu búðinni, þegar þú fórst í úlpunni. Þá sér enginn ef vettlingar Völu verða brjálaðir.

[Svala Erlendsdóttir, 1.2.2008 kl. 20:58]

GAARRRRGGG Aumingja úlpan hehe

[Aðalheiður Haraldsdóttir, 1.2.2008 kl. 21:12]

HAHAHAHAHAHA  I rest my case!

[Huld S. Ringsted, 1.2.2008 kl. 21:52]

hahahaha þú ert ágæt!

[Bjarndís Helena Mitchell, 1.2.2008 kl. 22:58]

Hahahaha, ætli það hafi nokkuð fylgt fréttinni erlendis að úlpan hafi verið frá 66° norður? Einhvernveginn efast ég um það, finnst frekar að fréttamenn hjá Vísi hafi kannast við fatnaðinn og "orðið" að bæta því inn sjálfir! LOL, ekki er öll vitleysan eins!

[Brynja www.skordal.bloggar.is (IP-tala skráð) 1.2.2008 kl. 23:03]

Snildarfærsla kona þú ert yndi Elska bloggið þitt