Kverúlantinn afhjúpaður

Ég hef illan bifur á sjónvarpssálfræðingum, prestum, læknum og slíku liði , sem básúnar út "selvfölgeligheter" í sjónvarpinu.

Dr. Phil sem rífur konuna sína með sér, upp með rótum, af áhrofendabekknum á leiðinni út eins og hún sé hundurinn hans, fer sérstaklega í taugarnar á mér.

Svo er hann íhaldssamur, fordómafullur og innsnjóaður í viðhorfum.

Þannig menn, sem eru skinheilagheitin uppmáluð, predika stöðugt um dásemd fjölskyldulífsins, hafa ansi oft orðið uppvísir að áreiti gagnvart konum.  Svo ekki sé nú meira sagt.

Hann minnir mig á prest með skipunarbréf frá Gussa um hvað sé rétt og hvað sé rangt.

Það þýðir ekki að hann slumpist ekki til að hjálpa hluta fólks, en mín skoðun er einfaldlega sú, að fólk á ekki að leita í sjónvarpið eftir hjálp við alvarlegum vandamálum.

Látum vera að hann sé fjársvikamaður.

Horfum fram hjá því að hann er eins og frummaðurinn sjálfur þar sem hann druslar konunni sinni á eftir sér eins og dúkkudruslu.

En ég vil ekki horfa fram hjá því að hann sé perri.

Bölvaður asninn!

Dr. Phil sagður eiga sér vafasama fortíð

Athugasemdir

[Jóna Á. Gísladóttir, 30.1.2008 kl. 15:59]

Úpps... og mér sem þykir hann svo mikið krútt

Var ekki bara tímaspursmál hvenær eitthvað yrði grafið upp um hann (eða búið til. Hvað veit maður svo sem).

[Tiger, 30.1.2008 kl. 16:07]

Veistu Jenný - ég er algerlega sammála þér með svona "trúðasýningar" þeirra sem telja sig hafa öll svörin og allan þann lækningamátt sem þarf til að koma lífi fólks aftur á "rétta braut".

Ótrúlegt hvað sumir þeirra virðast ná langt og hvað þeir geta lengi fengið að leika sér að tilfinningum fólks sem er að berjast við sjúkar tilfinningar sem það ræður lítið við.

Það er þó auðvitað mjög skiljanlegt hvað margir trúa í blindni á svona menn - þetta sjúka fólk er jú veikt og margir geta hugsanlega ekki séð neitt framundan nema með hjálp svona svikahrappa segi ég nú bara. Mér finnst það leitt að geta ekki komið fram fyrir svona "fjölmiðlatrúða" og sagt bara við fólk sem á þetta trúir:

"Vaknið, þið fáið ekki þá hjálp hérna sem þið sannarlega þurfið" - því að mínu mati finnst mér að þessir menn sem "lækna eða hafa bestu lausnirnar á vandamálunum" geta í mörgum tilfellum gert veikum sálum mun meiri skaða en að þeir hjálpi raunverulega.

Þarfar pælingar Jenný og góðar, fólk ætti að hugsa sig mjög vel um áður en það gengur í lið með mönnum sem stjórna einhverjum "ofstopafullum" samkundum eða viðlíku - eða mönnum sem nota fjölmiðla til að koma "kunnáttu sinni og kröftum" á framfæri.

[Jenný Anna Baldursdóttir, 30.1.2008 kl. 16:10]

Sjálfumgleði og sjálfsánægja eru ekki sömu hlutirnir Hallgerður mín.  Hvor eiginleikinn heldur þú að það sé í hans tilfelli?

[Þröstur Unnar, 30.1.2008 kl. 16:21]

Jebb Dúa. Svona eiga konur að vera.

[corvus corax, 30.1.2008 kl. 16:38]

Kverúlant segir þú, og miðað við skrifin á eftir veistu greinilega ekkert hvað orðið kverúlant þýðir. En þér finnst það í góðu lagi að djöflast svona á Dr. Phil af því að hann er útlendingur einhvers staðar úti í löndum og nær ekki til þín, veit reyndar ekki að þú sért til. En þú veist að hann er til og hver hann er og meira að segja allt um það hve mikill asni hann er og perri þar að auki. Mundir þú þora að skrifa svona um einhvern sem les skrifin þín, t.d. einhvern Íslending? Ég leyfi mér að efast um það ...en prófaðu samt!

[Ía Jóhannsdóttir, 30.1.2008 kl. 16:39]

Mér finnst hún rosalega krúttleg þegar hún kinkar kolli í tíma og ótíma eins og hausinn sé festur á gorm bíð alltaf eftir að hann fjúki af einn daginn. Úps 

[Anna Ólafsdóttir Björnsson, 30.1.2008 kl. 17:00]

Og ég sem var rétt við það að fara að þola hann, það tekur því greinilega ekki. En eini kosturinn, fyrst gerðir hlutir verða ekki teknir aftur, er sá að umræðan mun án efa verða til þess að draga athyglina að því hvað eru óhæfuverk.

[Anna Ólafsdóttir (anno) (IP-tala skráð) 30.1.2008 kl. 17:01]

Það er kannski asnalegt að segja það eftir að búið er að birta fréttina - EN - ég hafði alltaf á tilfinningunni að hann væri eitthvað annað en hann var að reyna að sýna, en ég áttaði mig ekki á að hann væri líka perri.

[Jóhanna Magnúsar- og Völudóttir , 30.1.2008 kl. 17:28]

„Hann fór inn undir blússuna mína og snerti brjóstin á mér. Hann var stöðugt að snerta á mér fótleggina og elskaði að nudda á mér mjaðmirnar,“ er haft eftir konunni í viðtalinu....

Var þetta einhver vinkona Ellýjar ? ..

[Gísli Baldvinsson (IP-tala skráð) 30.1.2008 kl. 17:28]

Samkvæmt fréttinni "(er) hann sagður....  mér finnst við of hastí að gera ráð fyrir að hann sé krúkk og perri. Hann fer sennilega í taugarnar á mér og fleirum á faglegum ástæðum. Hann náttúrulega kemur óorði á stétt sína. En ertu ekki svoldið arrí elsku kæra Jenný?

[Þröstur Unnar, 30.1.2008 kl. 17:29]

Ekki heimilisofbeldi neibb, ekki í sjónvarpssal.

Úr axlarlið á vísahendinni.

[Hugarfluga, 30.1.2008 kl. 17:29]

Gat nú verið að hann væri svo í blúndunærfötum eftir allt saman. Það sem ég hef þó alltaf furðað mig á er, að ef fólk virkilega á við vandamál að etja og virkilega þarf hjálp hvað er það þá að blasta því í sjónvarpið? Er vandamálið þá ekki bara eitthvað allt annað en lagt er upp með? Eins og t.d. athygliþörf með tendensum til strípihneigðar? Eða eitthvað.

[Eva Benjamínsdóttir, 30.1.2008 kl. 18:33]

Bandaríkjafréttaómennsku slúður og hræsni í senn. Aumingja vesalings stúlkukindin getur ekki gleymt hvað hún naut þess að hans mjúku sterku hendur fóru þvílíkt faglega um eitthvað af henni. Og hvort sem þetta skeði eða ekki, þá eru henni peningar efst í huga þegar hún selur slúðrið.

 Og var ekki einhver íslendingur sem opnaði heilsuræktarstöð, seldi og seldi margramánaðarkortin og lokaði svo? svo ég slúðri smá

[Sunna Dóra Möller, 30.1.2008 kl. 18:35]

Mér finnst þetta aðeins of ömurlegt! Ég er svo sammála þér Jenný þegar þú segir að fólk eigi ekki að leita í sjónvarpið með alvarleg mál! Ég skil ekki svoleiðis og trúi að fólk verði ansi berskjaldað eftir á!

[Jenný Anna Baldursdóttir, 30.1.2008 kl. 18:55]

Hallgerður: Hahahaha,ég var líka að djóka, við erum bilaðar!

Djö.. ef ég myndi nú þora að skifra svona færslu um íslending.  Krummi lestu bloggið mitt. Hehehe, ekki vera að tjá sig án þess að vita.

Þið eru hryllilega fyndin,

[Ásthildur Cesil Þórðardóttir, 30.1.2008 kl. 19:06]

Vissi ekki að þessi doktor væri til, hef aldrei séð eða heyrt til hans.  En ekki lýst mér á umtalið. 

[Hrafnhildur Ýr Vilbertsdóttir, 30.1.2008 kl. 19:26]

Æææ ég er nú pínu svekkt yfir þessum fréttum.....hann er eitthvað svo skemmtilega asnalegur, og Amerískur

Ég gat ekki kommentað á fyrri færslu en langaði svo að deila því að ég gifti mig líka í svörtu...engin rjómatertukjóll þar og á fáránlega mikið af svörtum fötum og skóm... nokkrir litir slæðast þó orðið með, öðrum til mikillar gleði

[Birna Dis Vilbertsdóttir (IP-tala skráð) 30.1.2008 kl. 19:40]

Hahahahahahahahahaha.Yndisleg færsla og athugasemdir.hahahahahahahahaha

[halkatla, 30.1.2008 kl. 20:00]

sammála!

[Davíð (IP-tala skráð) 30.1.2008 kl. 20:57]

http://video.msn.com/?mkt=en-us&fg=rss&vid=ff23074d-ccd6-4849-9b38-d2bcb0385ac7&from=im_default

hérna er hægt að finna svar Dr.Phil við öllum þessum ásökunum, væri ágætt að fólk myndi kynna sér báðar hliðar málsins áður en það hengir manninn!

[Jenný Anna Baldursdóttir, 30.1.2008 kl. 21:03]

æi Davíð, hann  má vera engill með vængi fyrir mér, mér fnnst dýrkunin á þessum karli bara fyndin.  Má vera rangt eða rétt fyrir mér.

[Ellý, 30.1.2008 kl. 21:29]

Maðurinn hefur alltaf farið í taugarnar á mér, hvort sem þessi frétt er sönn eða ósönn. Hann býður upp á skyndi lausnir við stundum langvarandi vandamálum sem getur oftar en ekki gert illt verra.
Svo er hann sjálfumglaður, dónalegur og rembingslegur. (sjá stólana hjá honum þar sem viðmælendur sitja eins og börn með danglandi fætur).

Ég man eftir einum af þeim fáu þáttum sem ég gat horft á til enda (var líklegast of syfjuð til að finna fjarstýringuna).
Umfjöllunin voru hjón þar sem annar aðilinn vill eignast barn en ekki hinn. Skilaboð Dr. Phil voru eitthvað á þessa vegu.
Til hjónanna þar sem konan vildi fleiri börn en ekki karlinn þótt doktornum að konan ætti að sætta sig við það að maðurinn vildi ekki fleiri börn því að því fylgdi minna fjárhagsöryggi.
Til hjónanna þar sem karlinn vildi fleiri börn en ekki konan voru skilaboðin sú að konan ætti að gefa sig og gefa manninum sínum fleiri börn...
Ekki man ég ástæðuna sem hann gaf henni en ég man bara hvað mér þótti þetta mikil hræsni.