Brjóstin á mér...

 

...voru allt í senn, gífurlegt vandamál, mikið til umfjöllunar (nei subbur ekki til umfjötlunar) og til skoðunar í nýlegri Londonferð.

Hér ætti ég að setja punkt, því þá myndi brjóstaáhugafólk frá raðtaugaáföll.

Ég er hippi, sér í lagi þegar kemur að brjóstahöldurum.  Þar fyrir utan eru brjóstin á mér ansi lítil, og ekkert til að flagga með (ekki lesa eitthvað klám úr þessu heldur perrarnir ykkar).

Ég hef yfirleitt notað brjóstahaldara af dætrum mínum, eða einhverjir hafa gefið mér slíka gripi í gjafir og ég hef aldrei vitað nr. hvað ég nota af þessari vöru.  Til að einfalda málið, þá hef ég sleppt því að kaupa þessi hallærisföt.

Frumburður sagði við mig snemma í ferð:  Móðir góð (það segir hún alltaf þegar hún er ákveðin í að umbylta lífi mínu á einhvern hátt), móðir góð, nú verslum við á þig nokkur stykki af brjóstahöldurum í þessari ferð.  Ég alveg: Frumburður bendir á svæði ofan svæðis fyrir ofan mitti.  Brjóst eiga að vera staðsett hér, en ekki hér (og nú bendir hún á afar víðtæk, óútreiknanlegt svæði neðar á efri hluta ofansvæðis). Og, móðir góð, svo eiga þau að vera í sömu línu, þ.e. algjörlega samhliða.

Þessu gat ég ekki mælt í mót, þú þráttar ekki við lögfræðinga sem þar að auki eru árangurstengdum launum hjá  brjóstaguðinum og ég var drifin inn í einhverjar brjóstaverslanir, mæld og mátuð á enda og kanta, þar til frumburður var ánægður.

Maysan var alveg yfirkomin af aðdáun þegar ég kom heim um kvöldið.  Alveg: Vá mamma ertu í nýjum brjóstahaldara (fyrir framan annað fólk, ég er ekki að ljúga)?  Bara með skoru og allt. Að ég dytti ekki niður dauð.

Ég er nokkrum brjóstahöldurum ríkari (spurning hvort þeir ættu ekki að heita eitthvað annað í mínu tilfelli, það er ekki miklu að halda, en það má ýta því sem er upp) og óvön eins og ég er, að vera í svona brjóstahöldum, þá finnst mér eins og brjóstin standi út úr hálsinum á mér, en það er ég ein um, greinilega, því engin uppþot hafa orðið vegna brjósta minna, þar sem ég hef farið um eftir að ég kom til landsins.

Húsband sagði úlala og þá langaði mig til að berja hann.  Af hverju sagði maðurinn ekki eitthvað þegar ég þurfti á því að halda, og var svona gangandi brjóstakvasimótó, með annað út á handlegg og hitt niður með síðunni?

Engum að treysta í þessu lífi, nema hreinskilni Frumburðar.

Pamela fargings Anderson, snæddu hjarta.

Úje

Athugasemdir

[Ásdís Sigurðardóttir, 24.1.2008 kl. 22:25]

Þú ert nú engum lík, ekki skrítið að allt færi ður böndunum hér á landi meðan þú varst úti og nú er meira segja Prodi búinn að segja af sér, sá hann þig brjóstahaldaralausa í London??  Þú ert örugglega megabeib núna, hvenær fæ ég að hitta þig. ??

[Linda Linnet Hilmarsdóttir, 24.1.2008 kl. 22:35]

Ef þarf að kaupa brjóstarhalda og nærfatnað þá er um að gera versla það erlendis,þetta er svo Ands...dýrt hér á Islandinu

[Guðný Drífa Snæland, 24.1.2008 kl. 22:40]

HAHAHAHAHA, mér finnst þú svo DÁSAMLEGA fyndin og skemmtileg

[Guðrún Arna Möller (IP-tala skráð) 24.1.2008 kl. 22:48]

Skil þig....finnst best að hafa þau bara ofan í buxnastrengnum 

[Lára Hanna Einarsdóttir, 24.1.2008 kl. 22:51]

Þetta var óborganleg brjóstafærsla. Ég samsama mig reynslu þinni fullkomlega, enda er ég nákvæmlega svona - þú hefðir getað verið að lýsa mér - nema hvað ég á engar dætur til að taka í hnakkadrambið á mér.

Annars er brjóstahaldarinn á myndinni þarna uppi alveg geggjaður. Ætli maður fái einn svona einhvers staðar - úr þægilegu efni með ögn breiðari hlýrum og böndum...

[Jenný Anna Baldursdóttir, 24.1.2008 kl. 22:54]

Hlýtur að fást í einhverri Byrgisbúð (segi sonna).  Hehe.  Gúgglaði hann

[Fríða Eyland, 24.1.2008 kl. 23:07]

Nú ég sem hélt að þetta væri myndin af upplyftingunni,

[Jóna Á. Gísladóttir, 24.1.2008 kl. 23:18]

Arghhhh  Þumlana upp fyrir Einari. Ég ætla rétt að vona að þu haldir þig við brjóstahaldarana/lyftarana hér eftir

[Heiða Þórðar, 24.1.2008 kl. 23:43]

Þú ert æði

[Laufey Ólafsdóttir, 24.1.2008 kl. 23:45]

Ég ætlaði heldur betur að versla brjóstalyftara í London en féllust alltaf hendur yfir yfirþyrmandi úrvali. Ég hef mjög ákveðnar skoðanir þegar kemur að brjóstahöldum og vil enga sauma og engar blúndur . Svo er ég í ómögulegu númeri sem aldrei er til. Þyrfti eina svona Helgu með mér í næstu ferð

[Hrafnhildur Ýr Vilbertsdóttir, 24.1.2008 kl. 23:50]

þú ert óborganleg, sjálf á ég erfitt með að vera í höldurum, nota meira toppa sem eru með brjóstaskálum, ofsalega þægilegt, en rétt staðsettir bobbingar eru ógó flottir.....

[Ragnheiður , 25.1.2008 kl. 00:27]

Iss bobbingar eru ofmetnir. Ég er álíka hippi. Fyrst vegna þess að júgurhaldarar fyrir kýr hefðu passað best en svo lét ég henda helmingnum af þessu í ruslið og allt annað líf...þarf sko ekkert uppihald síðan hehe

[Marta B Helgadóttir, 25.1.2008 kl. 00:48]

Alveg ertu frábær

[Bjarndís Helena Mitchell, 25.1.2008 kl. 01:40]

LOL, en það verður að viðurkennast að þegar maður kemst loksins í réttu stærðina með rétta stuðninginn, venst þetta ótrúlega hratt. Ég átti aldrei almennilega haldara fyrr en fyrir kannski 1 1/2 ári. Búin að vera brjóstahippi alla mína tíð.

[Eva Benjamínsdóttir, 25.1.2008 kl. 03:10]

Brjóstin mín eru dýr eins og málverkin. Ég hippaðist þar til fyrir fimm árum og fannst ég verða einhver önnur. Ótrulegt að haldarinn passaði einsog rammi utan um stóra mynd.

[Hugarfluga, 25.1.2008 kl. 08:13]

Hahahaha @ brjóstakvasimótó!!! Sé þetta alveg fyrir mér. Snilld!

[Sunna Dóra Möller, 25.1.2008 kl. 08:31]

..nú hló ég upphátt, þú ert snillingur !

[Þröstur Unnar, 25.1.2008 kl. 09:02]

Arrrrrrrrg.

Þetta er náttlega arrrrrrrrrgasta klám.

[Jóna Á. Gísladóttir, 25.1.2008 kl. 09:37]

Ég er í sjokki yfir öllum hippunum hérna. Stelpur!!!! Í haldarana núna strax. Skiptir öllu upp á lúkkið... Ég er næstum því hneyksluð

[Linda (IP-tala skráð) 25.1.2008 kl. 09:49]

Hólímoðerofgod, þetta var góð lesning með morgunkaffinu.

Hugsaði svo um brjóstLYFTARA skúffuna mína (já, ég á SKÚFFU fyllta af þeim. Spurning hvort þeir fjölgi sér ekki bara þarna ef ég gef þeim frið ) og man að síðast þegar ég verslaði svona tæki þá var það í Londres. Höfuðborg brjóstanna. Eða er það LA?

[Magnús Geir Guðmundsson, 25.1.2008 kl. 10:48]

Bráðskemmtileg færsla já og kemur glettilega vel við hæfi á eftir litla hrósinu mínu um glæsivöxt þinn í kviðlingnum um Bláa lónið!

En Þröstur Unnar er að breytast í tepru svei mér þá!?

En hinar gellurnar hérna,(Þ.U. hálfgerð slík reyndar líka) einhverjar kannski að spá í fleira en bara haldarana, t.d. stækkun?

[Heiða B. Heiðars, 25.1.2008 kl. 11:59]

Hehe bjáni  Nú er bara að spóka sig um í flegnu og leyfa nýja lúkkinu að njóta sín