Halló - opna augun, eruð þið með klamydíu eða hvað?

Sjáið þið ekki nýjustu myndina af mér hérna uppi í hægra horninu á síðunni minni?  Myndin er auðvitað þræl fótósjoppuð og var tekin þegar ég var að hefja flugið heim af síðustu Stonehenge-ráðstefnu, og ég hefði haldið að ég fengi amk. sveittattann skammasín fyrir effortið.   Aular

Hvað finnst ykkur um þessar klamydíutölur hérna?  Er þetta kynfræðslan í hnotskurn?  Eru allir að gera það bara úti um stokka og steina verjulaust?  Ég hélt að kynsjúkdómar heyrðu sögunni til.  Man eftir á mínum unglingsárum að nokkrir töffarar fengu lekanda og þurftu að láta sprauta sig og höltruðu um allt (minnir að það þætti smá töff og jafnvel manndómsbragur á lekandasýkinni, sko í tilfelli karlmanna, stelpurnar voru auðvitað kallaðar mellur).  Og enn er lekandinn við líði.

Meðalaldur kvenna í klamydíunni er 22 ára en karla 25 ára.

Erum við þriðji heimurinn í kynferðismálum hérna eða hvað?

Þetta upplýsta þjóðfélag.

Enginn heyrt um smokka?  ´

Það hefði mátt rota mig með fjöður þegar ég las þetta, en sem betur fer gerði enginn tilraun til þess. 

21 greinidist með lekanda og þeim tilfellum fer ört fjölgandi.

Þetta er sko ekki fyndið þó mér finnist þetta alveg stór furðulegt.

Hvernig er hægt að koma sér upp kynsjúkdómi, með alla vitneskjuna sem við höfum og er allsstaðar aðgengileg?  Og það er ekki eins og þetta séu unglingar sem eru að smitast, unglingar sem mögulega skortir fræðslu í þessum efnum.

Plís inform me somebody - anybody!

Hvernig er þetta hægt?

Bítsmítoðebón

1863 greindust með klamydíu

Athugasemdir

[Þröstur Unnar, 16.1.2008 kl. 17:27]

Sko var alveg búin að sjá grænu nornina á leið frá vinstri til hægri.

[Jóna Á. Gísladóttir, 16.1.2008 kl. 17:39]

Ég var einmitt að furða mig á hvað hefði orðið af fótósjoppuðu myndinni af þér. En þarna birtist hún aftur... í aðeins meiri fjarlægð.

Þetta er það sama og með hraðakstur unga fólksins: ég er eilíf/ur, ekkert kemur fyrir mig. Svo er sennilega ansi þrautseig gamla mýtan: að gera það með smokk er eins og að fara í fótabað í stígvélum. Ég meira að segja heyrði þetta frá fertugum manni um daginn.

[Elías Halldór Ágústsson, 16.1.2008 kl. 17:48]

Hér er þrennt sem fólk mætti hugleiða:

1. Hvað gerist ef HIV sýkingar koma upp meðal þessa hóps?
2. Komið er upp nýtt afbrigði af chlamydíu í Svíþjóð og finnst það ekki með hefðbundnum rannsóknaraðferðum, sjá http://www.aidsmap.com/en/news/24302206-91EA-48EA-BFF3-31F17A772FD6.asp; eru íslensk heilbrigðisyfirvöld reiðubúin tii að takast á við það?
3. Eitt sinn var Reykjavík á barmi borgarastyrjaldar vegna eins útlendings sem var með chlamydíusýkingu í augum, en það afbrigði getur breiðst út í hlýrri löndum þriðja heimsins. Hvað ætli chlamydia í kynfærum hafi þá verið algeng hér á landi? (hún getur reyndar líka borist í augu)

Meiri upplýsingar má finna á Wikipediu:

http://en.wikipedia.org/wiki/Chlamydia_trachomatis

http://en.wikipedia.org/wiki/Chlamydia_infection 

[Kolgrima, 16.1.2008 kl. 18:26]

Það þyrfti að hrista almennilega upp í þessum krökkum einu sinni til tvisvar á ári -  hræða þá dálítið, svona um það bil úr þeim líftóruna með ógeðslegum myndum og upplýsingum um þær skelfilegu afleiðingar sem kynsjúkdómar geta haft.

Annars er ég alltaf svo utangátta, hélt að HIV hefði séð um að ungt fólk tapaði ekki glórunni í þessum málum.  

[Hildigunnur Rúnarsdóttir, 16.1.2008 kl. 18:40]

svoleiðis er ansi fljótt að gleymast, Kolgríma.  Því miður...  Viðvörunin um að geta ekki átt börn virkar lítið á unglingana sem ekki eru komin í þær hugleiðingar ennþá.

[Elías Halldór Ágústsson, 16.1.2008 kl. 19:22]

En hvað með tilhugsunina um að lifa það sem eftir er með gigt?

[Hrafnhildur Ýr Vilbertsdóttir, 16.1.2008 kl. 19:22]

Bévítans kæruleysi er þetta í fólki.........en við hverju er að búast þegar margir þeirra sem fara út á lífið, pikka einhver upp sem nota á sem bólfélaga án þess að vita haus né sporð á viðkomandi...stundum jafnvel ekki nafn.

[Hugarfluga, 16.1.2008 kl. 19:30]

Allir er að gera það óábyrgt nema ég.  Skamm skamm.

[Jon (IP-tala skráð) 16.1.2008 kl. 19:38]

Þú verður að gera þér grein fyrir því að það er varla hægt að telja klamydíu sem kynsjúkdóm, nú afhverju? - Svarið er einfaldlega það, að fólk getur fengið þetta í samförum, þessar bakteríur geta myndast við samfarir, þótt tveir aðilar séu ekki með klamydíu. En auðvitað getur smokkur komið í veg fyrir það, en þetta er þá kannski góðar upplýsingar fyrir fólk sem er gift og stundar kynlíf án varnar.

Takk fyrir mig.

[Berglind Inga, 16.1.2008 kl. 19:50]

Ég hef nú mestar áhyggjur af þessum 63 einstaklingum með óþekkt kyn.

[Sunna Dóra Möller, 16.1.2008 kl. 20:42]

!

[Jenný Anna Baldursdóttir, 16.1.2008 kl. 21:29]

Það munu hafa verið einstaklingar af hvorugkyni mín kæra Vanadís.

[Gísli Hjálmar , 16.1.2008 kl. 21:47]

... það er ekkert mál að vera með Klamydíu. En hvernig losnar maður við hana - það er annað mál!

[Eva Benjamínsdóttir, 16.1.2008 kl. 21:52]

Ungur önugur strákur í gallabuxum niður fyrir rasskoru með hendur í vösum og húfu.

 'Maður verður nú einhverntíman að fá það til að fá það', sagði hann, við vin sinn meðan hann beið eftir hjálp á Húð og Kyn.

Kynsjúkdómar eru hvergi nærri því í útrýmingarhættu. Meiri fræðslu!

Hvaða norn?