Þetta heitir að "reyna" að komast yfir barnaklám.

Héraðsdómur Reykjavíkur, hefur dæmt karlmann á fimmtugsaldri í 6 máaða skilorðsbundið fanglesi fyrir að vera með 23.937 ljósmyndir og 750 hreyfimyndir, sem skilgreindar eru sem barnaklám, í einni tölvu.  Í tveimur öðrum tölvum fundust tæplega 500 myndir til viðbótar.

Nú, fyrir utan þetta lítilræði hér að ofan, þá var maðurinn fundinn sekur um að hafa reynt að afla sér hreyfimyndar sem sýnir  stúlkubarn á kynferðislegan og klámfenginn hátt af heimasíðu á netinu. Maðurinn pantaði myndina með rafrænum hætti á netinu og greiddi fyrir hana með greiðslukorti en myndin komst aldrei í hans vörslu.

Maðurinn játaði og hefur leitað sér sálfræðihjálpar.

Só?

Það er amk á hreinu að það þykir ekki sérstaklega kriminellt að hafa með höndum allt þetta barnaklám, eða hvað.  Ekki dagur innan múranna.

Það er þetta með hangilærið.  Ekki margt sem toppar það í alvarleika.

 

Dæmdur fyrir barnaklám

Athugasemdir

[Laufey Ólafsdóttir, 15.1.2008 kl. 15:07]

Djöfull!

...annars orðlaus bara. Engin rannsókn? 

[Birna Dis Vilbertsdóttir (IP-tala skráð) 15.1.2008 kl. 15:24]

.Ég blóta ekki en mikið er mér mál að gera það NÚNA.HVAÐ ER Í GANGI HJÁ ÞESSU DÓMARA LIÐI?Og vibbinn fór til sála og hvað með það?Ekki á sakaskrá?Hafði enginn böstað hann fyrr?

[Sporðdrekinn, 15.1.2008 kl. 15:49]

Ótrúlegt

[Ester Sveinbjarnardóttir, 15.1.2008 kl. 16:01]

Það er alvarlegt mál hversu léttvægt dómskerfið tekur á barnaperrum og nauðgunum.  Brot af þessu tagi eru fyrst og fremst birtingarmynd valdníðslu í skjóli líkamlegra yfirburða, til að fá útrás fyrir gríðarlega drottnunargirni og kvalalosta.

[Kolgrima, 15.1.2008 kl. 16:04]

Ég ætla að vitna í ágætan Þorpara sem segir, þegar verulega gengur fram af honum: "Nú er ég svoleiðis gapandi gáttaður." Og bæti við frá eigin brjósti; mér verður hreinlega illt. Ætli umboðsmaður barna segi aldrei neitt?

[Jenný Anna Baldursdóttir, 15.1.2008 kl. 16:09]

Mér hefur, með allri þeirri virðingu sem umboðsmaður barna á skilið, aðallega fundist hann hvísla af og til.

[Jenný Anna Baldursdóttir, 15.1.2008 kl. 16:11]

Svo finnst mér reyndar, svo ég segi það nú eins og það kemur af skepnunni, að málsvarar barna á þessu landi eru ekki til að hrópa húrra fyrir.  Það eina sem heyrist er astöðuskortur, úrlausnaskortur, skortur, skortur, skortur.  Hvernig væri þá að setja niður fót.  Börn þurfa öruggt skjól einhversstaðar og það er alltaf verið að brjóta á þeim, bæði í ofannefndum málum og ótalmörgum öðrum.

ARG

[Birna Dis Vilbertsdóttir (IP-tala skráð) 15.1.2008 kl. 16:25]

Fólk með geðveilu á ekki að ganga laust vegna hættu á að það skaði sig og aðra segirðu Guðlaugur.Það fær ekki inni á spítölunum þó það vildi.Ég veit það ég reyndi að koma mínum geðsjúka syni á spítala í 5 löng ár.Hann dó.

[Edda Agnarsdóttir, 15.1.2008 kl. 17:08]

Jenný, er þessi GH skjólstæðingur þinn?

Sérkennilegt ávarpið hans til þeirra sem kommentera, þess vegna spyr ég?

Hann er kannski raunverulegur dómari?

[Ragnheiður , 15.1.2008 kl. 19:17]

Orðnotkun dómsins að reyna að afla sér barnakláms vekur furðu. Hann VAR með fulla vél af klámi. Afhverju segja þeir þá reyna ?

Ég er hreint ekki refsiglöð en stundum ber ég saman í huganum dóma sem menn fá , miðað við dómana sem Himmi minn ræfillinn fékk.

Hann gerði aldrei manni mein, hvorki barni né fullorðnum.

Æj farin, hef ekki taugar í þetta eins og sakir standa.

[Hrafnhildur Ýr Vilbertsdóttir, 15.1.2008 kl. 19:35]

Þetta er ömurlegt......ég verð sorgmædd í hvert skipti sem ég heyri af nýjum málum.

[Bryndís R (IP-tala skráð) 15.1.2008 kl. 19:50]

Sorglegt.

[Jenný Anna Baldursdóttir, 15.1.2008 kl. 20:26]

Guðlaugur Hermannsson: Þú annars ágæti maður, þér virðist vera afskaplega illa við að fólk tjái sig um dóma.  Nú minni ég þig á að við búum í lýðræðissamfélagi og það er óþarfi að kalla fólk dómara götunnar, lýðskrumara eða hvaða orð sem annars eru notuð yfir hin væsæla massa sem ekkert veit.

Það er fyrir neðan allar hellur að dómar fyrir vörslu barnakláms og einbreittan brotavilja skuli refsað með 6 mánaða skilorðsbundnu fangelsi.  Meðan að smákrimmar þurfa að sitja af sér sína dóma innan um alls kyns atvinnuglæpamenn.

Ef opin umræða og gagnrýni á þetta glataða kerfi er þér svona á móti skapi þá ráðlegg ég þér eindregið að sneiða hjá henni.

[Sunna Dóra Möller, 15.1.2008 kl. 20:35]

Stundum verður maður orðlaus og þetta er eitt af þeim skiptum !

[Jóna Á. Gísladóttir, 15.1.2008 kl. 20:42]

Ég skil ekki alveg hvað Guðlaugur er að meina.

Annars er ég að velta fyrir mér: er fólk með barnagirnd almennt veikt á geði? 

Mér segir svo hugur að það sé ekki öll sagan sögð í þessari frétt. það getur bara ekki verið að sagt sé rétt frá dómnum.

[Jenný Anna Baldursdóttir, 15.1.2008 kl. 21:37]

Eru morðingjar geðveikir? Siðlausir, en nauðgarar? Barnaníðingar?  Á að sjúkdómsvæða allan pakkann og skella öllu liðinu á spítala? Ég er ekki nægilega fróð til að kveða upp um það en meðan að það telst til brota á hegningarlögum að níðast á börnum og fullorðnum með ofbeldi,af hvaða tegund það annars er þá á alvarleiki brotanna að sýna sig að einhverju leyti í dómum yfir gerendunum.  Allt annað misbýður réttlætiskennd fólks.

Og ég er ekki neitt refsiglöð manneskja, en þetta dómskerfi er orðið vægast sagt unarlegt hvar sem borið er niður.

Jóna: Ég myndi ekki vera að velta orðum Guðlaugs svo mikið fyrir mér í þessum umræðum, þær eru gamlar og upphefjast alltaf þegar refsingar eru ræddar.  Hann er með Dómarar götunnar á heilanum og ég frábið mér þeim titli.

Hallgerður: Ég er ekki tilbúin að sjúkdómsgera þetta, á þessu stigi máls, ég lít á ofbeldi á konum og börnum, andlegt líkamlegt og kynferðislegt sem birtingarmynd kúgunar á konum og börnum.  Birtingarmyndir ofbeldisins eru misjafnar, en þær eru af sama meiði.

og afhverju blikkaru mig svona illilega?

[Ásdís Sigurðardóttir, 15.1.2008 kl. 22:12]

Hörmulegt.

[Ragnheiður , 15.1.2008 kl. 22:30]

Dómurinn í heild

Hann er alls ekki langur.

Fréttin tæknilega ekki alveg nákvæm en dómurinn er eins og fram kemur þar.

[Bjöggi (IP-tala skráð) 15.1.2008 kl. 23:35]

Ég á erfitt með að trúa öðru en að menn sem myrða eða nýðast á börnum séu veikir einstaklingar. Finnst að það ætti að loka þá inni á þar til gerðum stofnunum, eitthverskonar réttargeðdeild.

Samkvæmt 210. gr. alm. hegningarlaga varðar það sektum eða fangelsi allt að 6 mánuðum að búa til, flytja inn í útbreiðsluskyni, selja, útbýta eða dreifa á annan hátt klámritum, klámmyndum eða öðrum slíkum hlutum, eða hafa þá opinberlega til sýnis, eða leiks sem er ósiðlegur á sama hátt. Þegar slíkt efni sýnir börn á kynferðislegan eða klámfenginn hátt getur refsing þó orðið fangelsi allt að 2 árum.

Einnig segir í sömu lagagrein að hver sem flytur inn eða hefur í vörslu sinni ljósmyndir, kvikmyndir eða sambærilega hluti sem sýna börn á kynferðislegan eða klámfenginn hátt skulu sæta sektum eða fangelsi allt að 2 árum ef brot er stórfellt. Sömu refsingu varðar að flytja inn eða hafa í vörslu sinni ljósmyndir, kvikmyndir eða sambærilega hluti sem sýna börn í kynferðislegathöfnum með dýrum eða nota hluti á klámfenginn hátt.

Í þessu tilviki hefur dómarinn ekki talið bortið stórfellt, enda koma reglulega upp mikið verri mál. Tæknilega séð er búið að dæma hann í 6 mánaða fangelsi, en þeir eru bara skilorðsbundnir. Það er kannski ekki við dómaran að sakast að þessi maður fái ekki þyngri refsingu, það eru frekar lögin og löggjafavaldið sem á að skammast út í.

Svo sambandi við orðalagið þá tel ég að hann hafi pantað mynd af netinu, greitt fyrir hana en ekki fengið hana afhenta og því er talað um að hann hafi reynt að komast yfir barnaklám. Reyndar er fréttin illa skrifuð eins og margar fréttir á mbl.is og því kannski ekki hægt að taka of mikið mark á henni.