Þar fauk Smith

Jæja þá er Will Smith, stórkrútt með meiru, fokinn af mínum vinsældarlista.  Það fer alltaf fækkandi á listanum, ég missi allt mitt uppáhaldsfólk yfir til Vísindakirkjunnar.

Rosalega langar mig að vita hvað þeir eru að bauka þar.

Út á hvað trúin gengur, annað en að það má ekki skera í fólk.

Ekki nóg með að Will sé heillum horfin yfir í kirkjuna heldur er svo illa fyrir honum komið að hann telur að Tom Cruise sé einhver sá mesti andans maður sem til er.

Þannig að sjá má að Smith er í annarlegu andlegu ástandi.

Ef ég væri foreldri hans, færi ég samstundis og næði í hann.

Hrollur, brrrrrrrrrrrrrrrrrrrrrrrrrrr

Will Smith á snærum Vísindakirkjunnar

Athugasemdir

[Kristín Katla Árnadóttir, 11.1.2008 kl. 17:55]

Sama segi ég Jenný mig langar svo vita um það líka.

[Ragnheiður , 11.1.2008 kl. 17:57]

af fenginni reynslu þá veit ég að ungir menn láta ekki mömmu ná í sig ef þeir ekki vilja það....

Hvað er þessi vísindakirkja eiginlega ? Nú þarf ég að gúggla það....gúgglaði Amish um daginn, alltaf verið smáskotin í þeim einfaldleika þó ég geri fastlega ráð fyrir að virka ekki persónulega rafmagnslaus...þetta er svipað og með að ganga í klaustur....spennó en nei takk...

Hvað er minns að bulla....

Ég er ekki alveg með sjálfri mér þessa dagana.

[Signý, 11.1.2008 kl. 17:59]

Þetta er náttúrulega bara ruglað lið sem lætur hafa sig útí þetta rugl. En ef þig langar til að vita um hvað þetta snýst þá geturu tékkað á þessu hérna Þetta er á íslensku...

[Signý, 11.1.2008 kl. 18:05]

Þetta er kannski meira það sem þið eruð að leita að... anyways... ruglað lið.. allt saman

[Birna Dis Vilbertsdóttir (IP-tala skráð) 11.1.2008 kl. 19:36]

Koma bara á her allir saman.

[Bjarndís Helena Mitchell, 11.1.2008 kl. 19:43]

Meira öfgaruglið!

[Ásdís Sigurðardóttir, 11.1.2008 kl. 19:45]

Ég ætla að kíkja á það sem SIgný bendir á, er ekki hrifin af þessu uppátæki strákanna, en þarf svosem aldrei að hitta þá og meðan þeir geta leikið eins og menn í myndunum þá er ég slök.

[Ásdís Sigurðardóttir, 11.1.2008 kl. 19:49]

Var að lesa það sem Signý benti á, þvílík della.

[Steingrímur Helgason, 11.1.2008 kl. 20:23]

Ég var dáldið hrifinn af þessu á meðan ég mislas þetta sem 'Vísundakyrkjarana' & hélt að þarna fengi maður gott heimaalið nautakjötslíki, 'óld indian style' ...

[Sunna Dóra Möller, 11.1.2008 kl. 20:33]

Hann Villi hefur eitthvað dottið á hausinn þarna.......eða þá að þetta sé einns stór rangur miskilningur!!

Annars er það með Visíndakirkjuna að það veit enginn almennilega hvað fer þarna fram. Þeir eru með undarlega hugmyndafræði...mig minnir að aðal bókin heiti Dianetics eða eitthvað! Þú færð meira segja ekki alla vitneskjuna um kirkjuna strax heldur tekuru námskeið og sem að verða dýrari og dýrari eftir því sem að þú vilt fá að vita meira......bara peningaplokk og Tom Krús er ekki næsti Messías eins og gárungar í þessari rugluðu kirkju halda fram!

Ég segi bara fruss og svei...!

[Sigríður Sigurðardóttir, 11.1.2008 kl. 20:59]

  Las pistilinn sem Signý setti inn.  Endemis, ekkisens, arga bullumþrugl er þetta!  Vond heilaþvottavél þetta, sem Krúsarinn og Smith hafa lent í.  Eiga alla mína samúð, vesalingarnir.

[Svala Jónsdóttir, 11.1.2008 kl. 22:26]

Tom Cruise sé lof og dýrð, eða þannig!

Vísindakirkjan er mjög sérstakt fyrirbæri, svo ekki sé meira sagt! Það er reyndar engin ein bók sem inniheldur allt um trúna, svipað og Biblían eða Kóraninn, en ein af bókunum er Dianetics eins og einhver minntist á. Keypti hana einu sinni af forvitni í USA og það er ein drepleiðinlegasta bók sem ég hef reynt að lesa.

[Svala Jónsdóttir, 11.1.2008 kl. 22:30]

He he, já og ég hef verið mæld með svona E-mæli. Gleymdi að minnast á það. Það var algjör brandari. :)

[Blómið, 11.1.2008 kl. 22:38]

Veit nú frekar lítið um fyrirbærið sem er kallað "vísundakirkjan"   Sá einhvern tímann heimildaþátt í sjónvarpinu um fyrirbærið.   Þar gengur allt út á "kalabavatn" og "kalababönd" (sem eru til útskýringar rautt javagarn FLÉTTAÐ)  Maður tekur bara Reykásinn á þetta og segir "Mamamamaður babababara skilur þetta rugl ekki).

[Jens Guð, 12.1.2008 kl. 00:06]

  Vísindakirkjan var stofnuð af rithöfundi sem skrifaði vísindaskáldsögur.  Áður en að hann stofnaði kirkjuna hafði hann oft á orði að það væru litlir peningar í að skrifa sögur.  Peningarnir væru í trúarsöfnuðunum. 

  Frá fyrsta degi hefur Vísindakirkjan einbeitt sér að því að ríkum skemmtikröftum og öðrum auðmönnum.  Þar eru,  jú,  peningarnir.  Það voru einhverjar fréttir um það í fyrra að þessi kirkja væri búin að skilgreina Tom Cruse sem nýjan Jesú. 

[Jenný Anna Baldursdóttir, 12.1.2008 kl. 00:14]

Takk fyrir upplýsingarnar gott fólk.  Signý las vel vandlega linkana þína.  Steingrímur, það hefði verið góður biti að kyngja ef ég hefði verið að fjalla um alminnileg nautakjöt.  Ég þarf að kynna mér þetta betur.

Hvað er að fólki sem hefur eitthvað á milli eyrnanna, að láta plata sig svona? ´Bítsmí.

[Svala Jónsdóttir, 12.1.2008 kl. 00:20]

Blómið: Kabbala og Vísindakirkjan er reyndar alls ekki það sama.

Kabbala, þetta með rauðu böndin, er dulspeki tengd gyðingatrú. Reyndar á Kabbala það sameiginlegt með Vísindakirkjunni að menn eru í mörg ár að læra "spekina" og það eru ýmsir "leyndardómar" sem aðeins hinir innvígðu hafa aðgang að, eða þannig.

[Gunnar Hrafn Jónsson (IP-tala skráð) 12.1.2008 kl. 07:06]

Jenný: fyrir utan það sem er nú þegar komið fram langar mig að benda þér á að þú virðist hafa blandað sama "Christian Science" (sem nota helst ekki nútíma lækningaraðferðir eða uppskurði) og "Scientology".

Allt er þetta annars svipað ruglað, það er bara minni hefð fyrir sumu :)

http://en.wikipedia.org/wiki/Scientology 

http://en.wikipedia.org/wiki/Christian_Science 

[Sólveig Margrét Magnúsdóttir (IP-tala skráð) 12.1.2008 kl. 07:30]

  Elsku hjartans bloggarar, hvers vegna eruð þið að stressa ykkur á smámunum.  Er ekki trúfrelsi víðs vegar í hinum vestræna heimi.  Hvað káfar það uppá ykkur hvað einhver fávís stjarna í Hollywood er að bauka. Come on. !!

[Hildigunnur Rúnarsdóttir, 12.1.2008 kl. 13:01]

Sólveig, þessi "kirkja" er stórhættuleg, dreifing og trúboð í fullum gangi út um allan heim (þar sem hún hefur ekki hreinlega verið bönnuð). Þannig að þetta kemur okkur júvíst við.

Hann Elías hefur stórmerkilega sögu að segja af þeim, skoðið linkinn.

[Anna K (IP-tala skráð) 12.1.2008 kl. 15:26]

Sammála ykkur, þessi kirkja er stórhættuleg. Ef þið hafið áhuga í alvöru gæti ég beðið íslenska konu í Bandaríkjunum að skrifa stuttan pistil um út á hvað þetta gengur. Það eru engar mömmur sem geta sótt "börnin" sín í svona söfnuðik, sem margir kalla sértrúarsöfnuði. Fólk þar er bókstaflega heilaþvegið. Þessi íslenska kona starfar við að hjálpa fólkí út úr svona söfnuðum og það er með ólíkindum hvað fólk segir henni og hvernig það kemur niðurbrotið út. Maður skilur ekki að það sé hægt að heilaþvo þúsundir og að þetta fólk virkilega TRÚI þeirri þvælu sem þeim er sögð, en þannig er það. takk Jenný, þetta var góður pistill hjá þér. Láttu mig vita ef þú vilt fá smá um Vísindakirkjuna á íslensku. Þú ert með netfangið mitt.