Kjaftablogg

 

Þetta er spjallblogg.  Mér leiðist.  Ég held að flensan sé að lagast og nú dembi ég yfir ykkur kaffispjallinu mínu og þið sem þolið ekki sígó, verðið úti bara, því nú er ég að reykja. Muhahahaha

Einhver var að kvarta yfir blúndunni minni sem ég heklaði með erfiðismunum á Þorláksmessu, þessari sem prýðir nú síðuna mína.  Hún er ennisband. Viðkomandi fannst garlakerlingin flottari, en ég bendi á að hún er ekki í réttri stærð.  Það var nefnilega fín kona sem skrifaði mér og sagðist sakna blúndunnar og þar sem ég er ekki vön að fá hrós fyrir handavinnu, var ég ekki lengi að skella henni upp aftur.

Tommy Lee er á leiðinni og ég las á visi.is að allar stelpur væru brjálaðar í að fá að sofa hjá honum eða eitthvað sollis.  Iss, útjaskaður og ofvirk skarnahrúga náunginn, en hann er víst voða partýkarl.  Þær vilja örugglega bara skemmta sér með honum stelpurnar.  Ekki sofa.  Alltaf verið að ljúga upp á íslenskt kvenfólk.

Sko, ég get sagt ykkur smá semi slúður.  Hún Maysan mín var í samkvæmi á B5 á nýárskvöldi og þar kom Tarantino og fullt af liði og þegar ég spurði Maysuna hvort hún hafi náð að taka í spaðann á honum, þá sagði hún mér að það hafi ekki verið hægt að sjá skuggann af manninum vegna þess að hann var umkringdur yngismeyjum.    Halló, eiga allir séns hérna?  Hann er ekki sá sætasti í bransanum eða hvað?  Ég fæti ekki með honum í Hagkaup.  Ég fer bara með myndarlegum mönnum að kaupa í matinn.

Og eitt að lokum.  Úff, sú frétt gladdi mig svakalega.  Þeir í Seltjarnaneslauginni brjálast ekki og hringja á lögguna eða eitthvað ef konur henda af sér brjóllanum og eru berar að ofan í sundi.  Sjúkitt, hvað það hlýtur að gleðja marga.  En hvernig ætli þessu sé háttað í Árbæjarlaugunni, ég er svona að pæla. Jeræt.

Later!

Rock the world

Úje

Athugasemdir

[Ásdís Sigurðardóttir, 11.1.2008 kl. 13:31]

   ákvað að fá mér eina með þér, svo slakandi, þetta er rauður winston.  Segi nú með þér, færi ekki með herra ljót í búðir.  Heklið er æðislegt en nornin var nú svona meira þú.  Hver heldurðu að vilji annað en taka í spaðann á Mr. Lee?? Íslenskar stelpur sofa ekki hjá útlendum mönnum, það er míta.  Knús til þín.

[Katrín Snæhólm Baldursdóttir, 11.1.2008 kl. 13:45]

Mér finnst blúndan æðisleg og ekki síst ef.........bíddu,er að reyna að sjá þig fyrir mér heklandi..þú gerðir hana alveg sjálf. Eina sem gæti leyst blúnduna af hólmi væri mynd af þér í sundi á seltjarnarnesi með einhverjum myndarlegum sem biði á bakkanum með hagkaupskörfuna.

Knús og gott að þér er að batna. Það er batamerki þegar maður getur reykt aftur. 

[Edda Agnarsdóttir, 11.1.2008 kl. 14:00]

Já hvernig væri að fara á venjulegum brjóstum í Árbæjarlaugina? Ég er alveg til í slaginn - nú er manni allt að því skítsama hvernig útlitið er engir komplexar, búin að láta taka nektarmyndir fyrir afkomendur, það var gert í frægasta stúdíói Danaveldis, svo þetta er ekkert minni áskorun!

Kem með þér.

[Magnús Geir Guðmundsson, 11.1.2008 kl. 15:04]

Æ, þetta er nú ekki merkilegt tal, þið stelpurnar hafið svo lengi sem ég man einhverjar allaf "tekið ofan" í sundi og bara verið hið besta mál! Svo er mér nú sagt að þarna fyrir sunnan í Nauthólsvíkinni áður fyrr hafi nú sumar í engu verið á stuðmiklum kveldum, en sel það nú ekki dýrar en ég keypti!

Hins vegar kemur þetta sænska sundlaugarbrölt mér spa´nskt fyrir sjónir!

Ætli Quintin strákurinn sé þá bara ekki eitthvað meir en útlitið Jenný mín, fyrst þæ´r flykkjast að honum píurnar og að því gefnu sem þú segir, að hann sé ekki um of myndarlegur!

En hnuss, ferleg fýla er þetta, færi nú ekki í sleik við svona reyksubbur og skiptir engu þó þið séuð gellur glæstar!

[Svanhildur Karlsdóttir, 11.1.2008 kl. 15:18]

ég ætla að fá mér eina sígó með þér, verð reyndar að fara út á tröppur til þess....

[Hrönn Sigurðardóttir, 11.1.2008 kl. 16:01]

jebb - ég missi mig alltaf líka......

En ég fer alltaf með brjóstin í sund????

[Bryndís R (IP-tala skráð) 11.1.2008 kl. 16:03]

Já það virðast allir eiga séns hér á landi í íslenskt kvenfólk. Það er bara nóg að vera frægur. Sjáið það er það ekki að Tarantino óð alveg hreint í kvenfólki og Lee á eftir að gera það líka. Og ekki eru þessir menn mikið fyrir augað.

[Þröstur Unnar, 11.1.2008 kl. 16:20]

Jebb Bryndís. Er að spá í að breyta um nafn, eitthvað franskt, og gá hvernig gengur þá.

[Þröstur Unnar, 11.1.2008 kl. 16:21]

Þori ekki í sund, hræddur um að missa mig.

[Hrafnhildur Ýr Vilbertsdóttir, 11.1.2008 kl. 16:25]

Mikið er ég glöð að þér sé að batna....var farin að hafa verulegar áhyggjur af því að það drægi úr skrifum hjá þér elskan og ég er bara ekki tilbúin að venja mig af því að lesa þig daglega....en þetta er samt ekki vandamál les bara einu sinni á dag.....

já og ég fæ mér sígó með þér en er hörð á því að gera það úti...er allt of pjöttuð til þola sígólykt inni hjá mér..... 

[Magnús Geir Guðmundsson, 11.1.2008 kl. 16:35]

Hér reykir að minnsta kosti önnur hver kona, ég fer nú að hafa áhyggjur af heilsu hálfrar íslensku kvennþjóðarinnar með þessu áframhaldi! Þörstur á nú bara að fara í sund og missa sig, mjög gott að gera slðíkt innan um öll fallegu brjóstin!

En ætlið þið að segja mér að þið vitið ekki hvað ma´lið er með trommarann Tommy?

Nei, ekki útlitið, en STÆRÐIN konur STÆRÐIN! Allavega halda ungu stelpugreyin að hún sé málið og bíða því spenntar!

[Eva Benjamínsdóttir, 11.1.2008 kl. 17:32]

Blúndan er beauty. Aldrei hef ég nennt að riðjast að karlmanni, frægum eða ófrægum til að fá athygli, hef þó hitt marga fræga og spjallað við og alltaf haldið að við værum jafningar. Hugsaði ekki einu sinni út í að fá eiginhandaráritun og verða kannski rík í ellinni á ebay.

Gott að Neslaugin er svona frjálsleg, hef aldrei pælt í þessu og ætla að hylja mitt brjóst áfram. Fór í heljarinnar leit að heilsueflingar stað í gær. Á einum stað kostar 50 kall að fá sér vatnssopa úr krana. Það var nóg til að valda mér velgju. Sundið næst mér er Árbæjarlaug sem ég hef ekki farið í lengi, lengi en nú ert víst ekkert sem heitir skemmtilegt eður ei verð að bleyta í mér og ganga líka. Púff, en guði sé lof að ég er ekki fræg. Ertu með?

[Birna Dis Vilbertsdóttir (IP-tala skráð) 11.1.2008 kl. 19:32]

Ég var búin að gleyma því að ég er reyklaus og var að sinna mínu á hlaupabretti í mínum íþróttum þegar reykingarmaður snarar sér á brettið við hliðina á mér og byrjaði að hlaupa.Fílan var .Ég er orðin svo snobbuð að ég get ekki reykt en ég fer hiklaust í sund með annað brjóstið bert.Það betra.