Og alt er tómt hér og í höfðinu á sumum

Eftir að við rukum í að rífa niður jóladótið, bý ég í nánast tómri íbúð.  Ég hlýt að hallast að minnimalisma, þar sem að ég sé ekki hluti nema á stangli.  Eitt borð hér, annað þar og einn sófi í horni.

Hvað varð um mína yfirfullu íbúð?  Var allt mitt dót rifið niður með jóladótinu?

Ég er að furða mig á þessari skipan Þorsteins Davíðssonar í embætti héraðsdómara og það er erfitt að átta sig á hvað hefur gerst þarna. 

Það virðist augljóst að maðurinn var valinn vegna tengsla, og ég er ekkert að segja að hann sé ekki góður til síns brúks, þetta liggur bara í augum uppi.

Nefndin á að segja af sér í mótmælaskyni vegna þess að álit hennar er gjörsamlega dissað.

 En fyrr mun frjósa í helvíti að þetta verði leiðrétt eða endurskoðað.

Þannig gerast hlutirnir ekki á Íslandi.

Ráðamenn fara sínu fram.

Munið bara ríkisborgaramálið hjá tengdadóttur Jónínu Bjartmarz.

Það dó bara drottni sínum.

Glatað kerfi, sem fer ekki að eigin reglum.

Já það er allt tómt.  Bæði hér hjá mér og í höfðinu á ráðamönnum.

ARG

Athugasemdir

[Birna Dis Vilbertsdóttir (IP-tala skráð) 10.1.2008 kl. 14:03]

Sonurinn er örugglega ágætis starfskraftur og fær garmurinn að gjalda og fær umbunað fyrir það hvers son hann er.Ekki öfundsverður af því.Trúlega frís fyrr en þessu verður breitt.

[Gísli Baldvinsson (IP-tala skráð) 10.1.2008 kl. 14:19]

Við sem höfum gengið a.m.k. hluta Keflavíkurgöngu förum ekki að gefast upp fyrir pólitísku spillingarkerfi er það? Ég trúi því að dýralæknirinn úr Hafnafirði Matthisen, eigi eftir að fá bágt fyrir þó það sé í raun BíBí (Björn Bjarnason) sem á dissið.

[Einar Örn Einarsson, 10.1.2008 kl. 14:28]

Sæl Jenný og gleðilegt ár.

Megi edrúandinn fylgja okkur á því komanda.

Þegar ég hugsa um það að vera alsgáður og að takast á við lífið á þann hátt, þá verða hlutir eins og hver er sonur hvers eða dóttir að litlum öreindum í mæinum pirringsbanka. Mannlegt eðli fer ekki og mun ekki fara í manngreiningar né breyta stjórnmálaskoðanir því að við viljum okkar fólki það besta, ENGINN flokkur er saklaus þarna. Vitanlega eigum við að benda á það sem miður fer.

En ertu ekki uppfull af gleði yfir að hafa allsgáð haldið jól með þínu fólki? Blessuð njóttu þess lengur að ylja þér við það, vertu ekki að troða einhverri einni ráðningu inn í staðinn.

Keeep it up girl!!!! The GREEN side up, the brown down!!!!

[Ásdís Sigurðardóttir, 10.1.2008 kl. 14:54]

Hæ skvís.  Var einmitt að lesa á netinu að Árni hefði sagt að nefndin hefði misskilið hlutverk sitt, tilhvers í andsk. var þess nefnd sett í málið? greinilegt að það átti aldrei að fara eftir tillögum hennar.  Ég held að Þorsteinn hætti við. Bláskjár getur ekki setið undir þessu.

[Hrafnhildur Ýr Vilbertsdóttir, 10.1.2008 kl. 15:23]

Já en......Jenný er þá ekki mikið pláss til að dansa um íbúðina þegar þannig liggur á þér þú myndir stórslasa þig innan um allt jóladótið.

[Jóhanna Magnúsar- og Völudóttir , 10.1.2008 kl. 15:23]

Elskurnar mínar, er þetta ráðningardæmi bara ekki ,,The Icelandic Way"  Ættuð að vita hvernig þetta er við ráðningar prestsefna innan kirkjunnar. Frændi þessi eða frænka hins... valnefndirnar bara upp á punt og stundum bara fólki stungið í embætti án nokkurra auglýsinga! ... Þetta er víst allt löglegt en að mínu mati og margra annarra gjörsamlega siðlaust.

[Brjánn Guðjónsson, 10.1.2008 kl. 16:01]

burt séð hvort ráðningin hafi verið rétt eða ekki. ég er þess fullviss að ekki hefði verið gert slíkt veður út af henni, héti maðurinn Ebeneser Abrahams en ekki Þorsteinn Davíðsson.

[Kristín Katla Árnadóttir, 10.1.2008 kl. 16:29]

Ég er alveg sammála þér með þessa nefnd svo er alltaf vera skipa einhverjar nefndir um allt.

[Guðrún Emilía Guðnadóttir, 10.1.2008 kl. 18:49]

Mér finnst líka vera hálftómlegt hjá mér, en maður venst þessu.
Það er líka hálftómur á mér hausinn, það er aðallega af skilningsleysi,
mannaráðningar, nefndir til að tilnefna, ekkert gert með þær,
og fjandinn hafi það, ekkert stenst neitt, sem sagt var.

                                   
 

[Edda Agnarsdóttir, 10.1.2008 kl. 19:36]

Hm þetta með jólin og skrautið, það er nefnilega svona hjá mér, allt fer í burt, líka svona dót sem er kannski ekkert sérstaklega jólaskraut!

Er ekki ráðningin á Þorsteini JÓLASKRAUT?

[Eva Benjamínsdóttir, 11.1.2008 kl. 00:16]

Það er stundum skítalykt af pólitík, sárvorkenni samt strákgreyinu Þorsteini að eiga svona valdamikinn föður.

Skil vel að það sé breyting að sitja í tómu húsi eftir alla fyrirhöfnina, fólkið gamanið og jólin. Eitt er þó víst að sami djöflagangurinn byrjar aftur að ári. 

Best að drífa í að fjarlægja ljósasnjókornið í glugganum, áður en ég verð kærð fyrir leti. knús eva ps. ég er alki, óvirk  

[Margrét Birna Auðunsdóttir, 11.1.2008 kl. 00:40]

Við verðum nú að hafa eitthvert gagn af öllum geðlyfjunum sem við erum alltaf bryðjandi

Eins og til að sætta okkur við þegar frændinn var ráðinn í Héraðsdóm Suðurlands, sonurinn í Héraðsdóm Norðurlands og pabbinn kominn á eftirlaun, fullvinnandi maðurinn