Eru ekki allir burðardýr?

Hún hvarf út í cypertómið mín djúpvitra færsla sem hefði fært mér frægð og frama, eins og öll ritverk sem týnast.

Ég bloggaði um upplifun mína af viðtalinu í Kastljósinu við Kalla Bjarna.

Mér er ekki illa við að skrifa nánast í stikkorðum.

Niðurstaða:

Sé ekki tilganginn með viðtalinu, að öðru leyti en því að frægt fólk og eymd þar að auki, selur.

Segjast ekki allir vera burðardýr?  Mér fannst maðurinn kaldur og ekki mjög sýmpatískur og þar sem hann lét taka við sig viðtal þá gef ég mér að það sé í lagi að hafa skoðun á honum.

Það var eins og hann hefði gerst sekur um að stela hangikjötslæri.

Hann fékk 2 ár fyrir 2 kg. af kókaíni.  Er það ekki frekar vægur dómur í fíkniefnamáli?  Er nefnilega ekki svo mikið inni í þeim dómum.

Lærdómur dreginn af viðtali: Nákvæmlega enginn.  Játa þó að sú hugsun sækir á mig að maðurinn hafi alls ekki verið neitt burðardýr.

Er annars enn að velta fyrir mér tilganginum með umfjölluninni.

Og ekki orð um það meir.

Viðtal

 

 

Athugasemdir

[Ásdís Sigurðardóttir, 9.1.2008 kl. 23:50]

Tek undir þessi orð þín, honum fannst bara rosalegt að vera tekinn.   

[Jenný Anna Baldursdóttir, 9.1.2008 kl. 23:54]

Einar: Verð að játa að þetta vekur upp ansi margar spurningar þegar maður fer að pæla í þessu.  Þetta er svo mikið magn af kókaíni.  Það hefur hngað til kallað á hörð viðbrögð.

[Eva Benjamínsdóttir, 10.1.2008 kl. 00:23]

Ég kveikti á sjónvarpinu og hélt fyrst að þetta væri bíó, viðtalið var gert einsog hann ætti skilið að vera næstum því saklaus. Hver fær kredit fyrir verkið? Hann var bara burðardýr, ég skil ekki svona heilaþvott, sorrý

[Signý, 10.1.2008 kl. 00:44]

Þetta er bara dómur í samræmi við það sem menn höfðu undir höndum. Hann neitaði að eiga efnin sjálfur, hann bar því við að hann hafi verið burðardýr. Það er enginn sem hefur getað rengt þá ástæðu og því fær hann ekki lengri dóm.

Það sem situr í mér eftir þetta viðtal er setning sem hann sagði, og segir meira en flest orð um þetta viðtal yfir höfuð "fíkill fúnkerar ekki nema að ljúga". Kalli Bjarni, fíkillinn sem hann er, fúnkerar ekki öðruvísi en að ljúga.

Það þurfti ekki kjarneðlisfræðing til að sjá það að maðurinn var ekki edrú í þessu viðtali. Allt hans viðtal,hroki,attitude,rangholfandi glær augu, og líkamsburðir hans bentu til alls annars.

Þetta var svo sannarlega ekki sami maðurinn og stóð í gradínujakkanum upp á sviði í smáralindinni forðum daga... Þetta var einhver allt annar. Forheftur Kalli Bjarni...

Ég hef lokið mér af... Það getur vel verið að ég hafi rangt fyrir, en ég efa það samt.

virðing! 

[Jens Guð, 10.1.2008 kl. 00:59]

  Viðtalið vekur upp spurningar:  Hvað kosta 2 kíló af kóki í Amsterdam?  Hvað kostar að vera kókfíkill?  Hvað mikinn afslátt fá burðardýr af dómi ef viðkomandi er ekki kaupandinn eða seljandi?  Skiptir engu máli hvort burðardýrið upplýsir um það hver stendur á bakvið dæmið eða ekki?

[Kristjón Kormákur Guðjónsson (IP-tala skráð) 10.1.2008 kl. 01:10]

Ég verð að viðurkenna að ég átta mig ekki á hvernig ekki er hægt að draga lærdóm af þessu viðtali. Signý hitti naglann á höfuðið hér fyrir ofan þegar hún sagði að þetta væri ekki sami maðurinn og hefði staðið í gardínujakkanum uppi á sviði í Smáralind.

Dópið og lífsmunstrið sem því fylgir hefur gert það að verkum að líf hans er í rúst. - Þetta vitum við en það er allt í lagi að minna á það reglulega.

Eins og ég hef sagt á öðrum stað, þá sýnir það svart á hvítu að taka þarf til í dómskerfinu þegar að kemur að málum sem þessum. Í líkfundarmálinu var Grétar Sigurðsson sá eini sem sagði satt og rétt frá en það var ekki metið til refsilækkunar.

Við sáum hvernig fer fyrir fjárhag þeirra sem stunda neyslu.

Ég veit ekkert um hvort Kalli Bjarni sé í neyslu, en eðlilega leit hann ekki vel út en það getur tekið talsverðan tíma fyrir sjúkan einstakling að laga til í höfðinu á sér.

[Signý, 10.1.2008 kl. 01:20]

slagið af kókaíni á götum reykjavíkurborgar kostar í dag eitthvað í kringum 14þúsund... samkvæmt síðustu könnun SÁÁ... þannig að það er dýrt að vera kókaínfíkill á íslandi.

Ég hef ekki hugmynd um neitt af hinum spurningunum

Nema helst að eðlilega hlítur það að skipta töluverðu máli ef burðardýr er samvinnuþýtt og skvílar. Það er hinsvegar vitað að það er ekki vinsælt meðal þeirra sem lifa í þessum annars harða forhefta heimi. Það hefur enginn neinu að tapa í þessum heimi, nema fíklarnir sjálfir. Svo menn sem "völdin" hafa og þrífast á óttanum hafa engu að tapa.  

[Heiða Þórðar, 10.1.2008 kl. 07:56]

No comment á færsluna..... en þú sjálf drottningin færð klárlega tíuna, einsog alltaf. Þú ert æðisleg Jenný.

[Sunna Dóra Möller, 10.1.2008 kl. 08:18]

Ég er sammála þér Jenný, við horfðum á viðtalið og ég verð að viðurkenna að það hreyfði ekki við mér . Mér fannst verst þegar hann talaði um að þetta hefi ekki haft áhrif á börnin hans og ekki komið inn á heimilið (eitthvað svoleiðis)....ég hef ekki vitað til þess að fíkn hafi ekki áhrif á allt nærumhverfi fíkilsins....Það er þá alla vega eitthvað nýtt...ekki nema þetta sé enn ein blekking fíkilsins??

Bestu kveðjur út í vindasaman og örugglega kaldan dag !

[Jónína Dúadóttir, 10.1.2008 kl. 09:52]

Mér fannst þetta viðtal svoooooo þunnt, hann hefði aldrei fengið þessa athygli ef hann hefði ekki verið í Idolinu, ég hef allavega ekki séð  neina bara svona "venjulega" eiturlyfjasmyglara í viðtali í Kastljósi. Hann var vafinn inn í bómull í þessu viðtali og sýndi helmingi minni iðrun en Árni ræfillinn Johnsen sem sýndi alls enga, en stal þó bara spítum og einhverju. Þoli ekki Árna Johnsen, en hann má þó eiga það að hann var ekki að reyna að eitra fyrir neinum. Svo ómerkti  drengstaulinn allt viðtalið með því að segja að hann væri að ljúga, fíkillinn gerir það nefnilega...  Hætti núna...

[Guðrún Emilía Guðnadóttir, 10.1.2008 kl. 11:14]

Horfði ekki á viðtalið, langaði ekki að pirra mitt góða skap með
því að hlusta á þennan sjálfshælispúka,
Þessi maður heldur að hann sé yfir allt og alla hafinn.

Eitt sinn horfði ég á hann vera að árita disk fyrir elsku börnin sem voru með stjörnur í augunum yfir Idolinu sínu, en hann höndlaði það ekki
heldur sýndi þeim þvílíkan hroka að hann fór alveg niður á núllið hjá mér,
og var hann aldrei hátt skrifaður.
                                   Kveðja Milla.

[Jóna Á. Gísladóttir, 10.1.2008 kl. 11:36]

Ég veit ekkert hvað mér á að finnast um þetta.  Get þó sagt að mér fannst vanta upp á iðrunina.. eða þannig

[Þorgerður Jónsdóttir (IP-tala skráð) 10.1.2008 kl. 12:39]

Getur verið að í viðtalinu hafi verið fólgin játning? Hann talar um að hann hafi verið búinn að reikna út að hann þyrfti að taka 700 gr. til að losna við skuldir sínar. Fá burðardýr borgað eftir þyngd smygls? Er þetta ekki alltaf sama áhættan? Eða var hann að reikna út ágóðann af öllu draslinu......

[Linda Linnet Hilmarsdóttir, 10.1.2008 kl. 13:30]

kvitt og kærar kveðjur

[Birna Dis Vilbertsdóttir (IP-tala skráð) 10.1.2008 kl. 13:33]

Það er einmitt málið.Sorrí yfir að vera böstaður.Þar liggur það.Ekki gott

[Jenný Anna Baldursdóttir, 10.1.2008 kl. 13:42]

Guðlaugur: Maðurinn lætur taka við sig viðtal um málið í sjónvarpi og þá gefur hann tilefni til að um það sé rætt. Ég er ekki að ráðast að persónu hans, heldur því sem hann segir og hvað hann er að presentera.

Það sem kmeur í Kastljósi, þar sem allir horfa nánast, er rætt, bæði hér í bloggheimum og annarsstaðar.

Það veit KB jafnvel og við hin.

[Edda Agnarsdóttir, 10.1.2008 kl. 19:33]

Það var flott klipping á viðtalinu!