Ég hata farsa..

..og mér er sama þó ég fái stóran hluta íslensku þjóðarinnar upp á móti mér.

Einu sinni gerði ég þau leiðu mistök 197ogeitthvað að kaupa mig mig inn á Flónna þegar búið var að sýna hana hundraðoggrilljón sinnum í Iðnó.  Ég hugsaði með mér, það hlýtur að vera eitthvað áhorfs- og upplifunarvert, í gangi þarna,  fyrst íslenska þjóðin er búin að sjá þetta verk sinnum tveir á kjaft.

Það er skemmst frá því að segja að  ég varð mjög þreytt.

Farsi gengur út á að fólk hlaupi inn og út um hurðir, þ.e. um leið og ein hurð lokast, þá opnast önnur og einhver sem er að leita að þeim sem fór inn um fyrri hurðina, kemur inn og hleypur síðan út um þá þriðju, þá kemur þessi úr hurð nr. eitt og stekkur í kasti út um hurð nr. fjögur.  Þetta er eiginlega farsinn í hnotskurn.  Plús misskilningur á misskilning ofan. Mjög skemmtilegt, ég hlæ: Hahahahaha.  Búin að hlægja.

En... ég hló í alvörunni þarna á Flónni.  Það var vegna þess að það sat hjá mér kona sem hafði svo smitandi og skemmtilegan hlátur, að ég hefði þurft að vera dauð og stjarfi komin í mig, til að hlægja ekki með þessari konu.  Hún var dásamleg.  Hún skemmti sér konunglega og bjargaði lífi mínu.

Ekkert hefur breyst.  Flóin er að meika það bigg á Agureyris.  Farsar gleðja landann.

Hvað er þá að mér?

Farin til sála.

En ökutíma ætla ég að sjá, jafnvel þó ég þurfi að "keyra" norður.

Úje.

Nær uppselt á 15 sýningar á Fló á skinni

Athugasemdir

[Ásdís Sigurðardóttir, 9.1.2008 kl. 19:33]

Ég sá Flónna í apríl 1978 og hló svo mikið að ég varð manninum mínum til skammar, eða þannig, hann var mest hræddur um að ég mundi fara af stað í fæðingu, var komin 8. mán. á leið. Ég komst í svo mikin hálfvita gír að ég veinaði og æpti og svo lá við að ég gréti í restina,  guð hvað mér leið vel á eftir.  Ég hlæ ekki eins mikið af vitleysis gangi nú orðið.    

[Jónína Dúadóttir, 9.1.2008 kl. 19:33]

Við systkinin fórum með mömmu í den, þegar sunnanmenn settu þetta upp hér á Akureyri og ég man ekkert, nema að það var rosalega gaman. Og ég ætla að fara aftur núna, ég vissi ekki að það væri að verða uppselt...

Þú mátt sko alveg hata farsa, ég allavega, er samt ekkert upp á móti þér

[Ásdís Sigurðardóttir, 9.1.2008 kl. 19:35]

B.t.w. nornin er góð.

[Þröstur Unnar, 9.1.2008 kl. 19:47]

Mig klæjar.

[Viðar Eggertsson, 9.1.2008 kl. 20:19]

Fyndin færsla!

Í fyrsta lagi þá er ekki (eins og má skilja á færslunni) farið að sýna Flóna á Akureyrui, það verður víst ekki fyrr en í febrúar!

Í öðru lagi þá er ekki hægt að sjá Ökutíma núna (eins og má skilja á færslu þinni), þeim lauk í lok desember!

En óða besta við vissum öll að þú værir ekki með á nótunum í tíma og rúmi!

Bestu kveðjur ljúfan og megi fló vera fjarri þegar þú rifjar upp ökutíma ....

[Jenný Anna Baldursdóttir, 9.1.2008 kl. 20:30]

Dem, það er að minnsta kosti uppselt á 15 sýningar á flónni. Viðar minn, þannig að það brjálæði er að skella á. 

Dem, dem, dem, Ökutími mun þá væntanlega verð sýnd hér í Borg Óttans eða hvað? 

Ég er víst með í tíma og rúmi, bara ekki endilega ykkar tíma og rúmi.

Lalalalala

[Linda Linnet Hilmarsdóttir, 9.1.2008 kl. 20:32]

kvitt,kærar kveðjur

[Jenný Anna Baldursdóttir, 9.1.2008 kl. 20:55]

Já hann Viðar getur vart vatni haldið af hrifningu yfir mér og ég legg honum vopnin í hendur.  Jájá, með því að klikka á hvenær á að byrja að sýna eitt og hvenær var hætt að sýna annað.  Er það nema von að maðurinn ávarpi mig Óða besta

[Sunna Dóra Möller, 9.1.2008 kl. 21:01]

"Farsi gengur út á að fólk hlaupi inn og út um hurðir, þ.e. um leið og ein hurð lokast, þá opnast önnur og einhver sem er að leita að þeim sem fór inn um fyrri hurðina, kemur inn og hleypur síðan út um þá þriðju, þá kemur þessi úr hurð nr. eitt og stekkur í kasti út um hurð nr. fjögur.  Þetta er eiginlega farsinn í hnotskurn.  Plús misskilningur á misskilning ofan. Mjög skemmtilegt, ég hlæ: Hahahahaha.  Búin að hlægja."

Ég er í kasti.....þetta er algjör snilldarlýsing...bjargaðir kvöldinu mínu! Þeinkjúteinkju !

[Birna Dis Vilbertsdóttir (IP-tala skráð) 9.1.2008 kl. 21:18]

Fara á farsa með Krummu systir og þú kafnar úr hlátri.Ég fór með henni á Hellisbúann og hann var fyndinn en hláturinn hennar Krummu er sá mest smitandi hlátur sem til er.Ég get hlegið við ALLAR aðstæður með henni.

[Jenný Anna Baldursdóttir, 9.1.2008 kl. 21:23]

Ég elskaði Hellisbúann.

[Hrönn Sigurðardóttir, 9.1.2008 kl. 21:29]

Farsar eru fúlir!!

[Kristín Katla Árnadóttir, 9.1.2008 kl. 21:57]

Þú ert alveg yndisleg Jenný mín,

[Hrafnhildur Ýr Vilbertsdóttir, 9.1.2008 kl. 22:01]

Smá leiðrétting Viðar... fór í sýninguna ökutímar á síðasta sunnudagskvöld..6 jan og eftir því sem ég best veit er búið að bæta við aukasýningum.

Jenný skutla sér út í bíl og bruna norður þú færð gistingu hjá mér..það er möst að sjá þetta verk.

Þoli ekki ýkta farsa eins og þú lýsir, hvorki í sjónvarpi eða í leikhúsi en hellisbúinn var gott stykki enda ekki farsi, allt annar húmor í gangi þar.

Birna ertu ekki bara að hlæja að mér... ég hlæ eins og asma sjúklingur í andnauð og hristist svo öll í ofanálag.

[Jenný Anna Baldursdóttir, 9.1.2008 kl. 22:38]

Viðar skammar mig við hvert tækifæri sem gefst Krumma mín, ég myndi í alvöru verða áhyggjufull ef hann sleppti því.  Ég verð að sjá Ökutíma, bara verð.

Ég hlæ eins og mótorbátur.

[Ragnhildur Sverrisdóttir, 10.1.2008 kl. 09:12]

Ég hlæ álíka mikið að svona försum og að trúðum.

Bara alls ekki neitt

[Ía Jóhannsdóttir, 10.1.2008 kl. 12:28]

Hurðaskellir og eltingaleikir, góð núna Er ein af þessum 3000 leikhúsgestum sem ætla að sjá Flónna í febrúar.  Læt þig vita hvernig uppfærslan verður svo þú farir ekki fýluferð norður.