Tjékklisti áður en ég dey

Ég er svo morbid þessa dagana, það tilheyrir myrkrinu eilífa, sem herjar á sálina, þegar allir eru búnir að slökkva á jólaljósunum.

Ég fæ kikk út úr því að velta mér upp úr sorglegum hlutum, sviðsetja eigin jarðaför, ákveða tónlist, og allt í sambandi við það.  Ok. ekki tala mig of bókstaflega, það er púki í mér.

En ég var í alvörunni að taka saman lista yfir það sem mér finnst ég verða að gera áður en ég dey.  Það er á hreinu að maður deyr, þannig að ég er ekki með neina svartsýni þó ég hugi aðeins að þeim málum.

Það þýðir ekkert að sitja og hugsa sífellt, ég ætla að gera þetta og hitt "einhvertímann" og maður eldist og eldist og heyfir ekki á sér afturendann og svo allt í einu er bara attbú.

1. Ég ætla að gefa út a.m.k. 3 bækur, sem munu skipta máli.

2. Ég ælta að læra spænsku, að því marki að ég geti lesið hana.  Hugsið ykkur allar þessar frábæru bókmenntir sem maður hefur farið á mis við.

4. Ég ætla að prjóna peysu ja, eða vettlinga.

5. Ég ætla að halda á risakönguló og ulla á hana.

6. Ég ætla að læra línudans.

7. Ég ætla að hoppa í Tjörnina á 17. júní.

8. Ég ætla að kjósa Sjálfstæðisflokkinn til borgarstjórnar (róleg ég er ekki biluð)

9. Ég ætla að henda mér inn í leigubíl og garga, eltu þetta hjól!!!

10. Ég ælta að syngja í karaóki, I will always love you.

11. Koma mér undan á flótta eftir karaókísönginn.

12. Ég ætla að hertaka fréttasettið á annarri hvorri sjónvarpsstöðinni og koma mínum skilaboðum á framfæri.  Ef nauðsynlegt er tek ég Gísla.  Sko Gísla að norðan.

13. Ég ælta að láta raka af mér hárið.

Þegar ég er búin að þessu get ég dáið róleg.

Ég er ágætlega stödd í lið eitt, liður tvö er í vinnslu og svo verður þetta tekið eftir röð bara.

Læt vita hvernig gengur.

Cry me a river.

 

Athugasemdir

[Hrönn Sigurðardóttir, 8.1.2008 kl. 21:57]

Þú ert bara strekkt fyrir flug............

.....svo er línudans stórlega ofmetin. Nema til að hlæja að þeim sem dansa hann og ná ekki að halda takti. Hló einu svo svakalega mikið í línudansi að ég grét og hneig niður. Átti erfitt með að halda vatni

[Huld S. Ringsted, 8.1.2008 kl. 22:01]

Æ ekki taka Gísla, hann er svo meinlaus

[Svanhildur Karlsdóttir, 8.1.2008 kl. 22:10]

mér líst vel á allt, nema nr.8

[Laufey Ólafsdóttir, 8.1.2008 kl. 22:36]

Ég myndi af umhyggju ráða þér frá nr. 7 og 8. Annað er kúl. Ég skal vera á hjólinu  

[Hólmdís Hjartardóttir (IP-tala skráð) 8.1.2008 kl. 22:57]

Andskoti ætlarðu að verða gömul

[Anna Ólafsdóttir (anno) (IP-tala skráð) 8.1.2008 kl. 23:01]

Varðandi nr. 6: Ef það er lagið sem þú meinar þá þekki ég einn sem getur kennt þér það

[Brynja Hjaltadóttir, 8.1.2008 kl. 23:22]

Illa vinstri græn

[Ólína Kjerúlf Þorvarðardóttir, 8.1.2008 kl. 23:31]

Samþykki allt nema nr. 8

[Svala Jónsdóttir, 8.1.2008 kl. 23:39]

KJósa Sjálfstæðisflokkinn???!!!! Hvað meinarðu, kona??? :o

[Ásdís Sigurðardóttir, 8.1.2008 kl. 23:58]

Gott að eiga sér takmark, þú nærð þessu öllu ef þú vilt. Baráttukveðjur.

[Ása Hildur Guðjónsdóttir, 9.1.2008 kl. 00:19]

Get kannski aðstoðað þig í lið 4 ef á þarf að halda

[Hrafnhildur Ýr Vilbertsdóttir, 9.1.2008 kl. 00:38]

Elska svona lista hárrakstur færi þó aldrei á blað hjá mér....er svo hégómagjörn hehe.

[Jóna Á. Gísladóttir, 9.1.2008 kl. 01:00]

 ARGH nr 9 finnst mér snilld

nr. 1 og 2 þykist ég ætla að gera líka.

Raka af mér hárið mun ég aldrei gera nema illa nauðsyn beri til.

Mökkaðan kaffibolla ætla ég að eiga með þér í mjög svo náinni framtíð.

Annars hef ég bara ákveðið fernt varðandi mína útför. Að úr mér verði hirt allt nýtilegt ef þannig ber undir, ég brennd og að hlegið verði í jarðarförinni og farið á fyllerí í erfðidrykkunni.

[Bjarndís Helena Mitchell, 9.1.2008 kl. 01:49]

Góður listi, gangi þér vel bara Ég get ekki annað en brosað við nr. 8. Yeah right! LOL. Ég bara trúi því að fyrr frjósi í helv.... en að sá kosningardagur renni upp. Knús

[Jónína Dúadóttir, 9.1.2008 kl. 06:18]

Líst vel á þetta hjá þér nema kóngulóna og set svo líka smá spurningamerki við Sjálfstæðisflokkinn....

[Linda Linnet Hilmarsdóttir, 9.1.2008 kl. 08:36]

[Birna Dis Vilbertsdóttir (IP-tala skráð) 9.1.2008 kl. 08:56]

Daginn.Get reddað könguló núna.stórri.Kvikindið býr í Breiðholtinu svo það er stutt að fara.

[Gísli Baldvinsson (IP-tala skráð) 9.1.2008 kl. 08:58]

Me?  Við eigum sett hérna f. norðan. Já, gleymdi...telst varla meinlaus..menn deila hér í heitum pottum hvort ég sé þekktur, frægur eða alræmdur.  Búinn að redda þér undirspilara fyrir sönginn, sjálfan Jonny King. KEA kút fyrir tjörnina, blindraaðstoð við borgastjórnarkosningarnar, hjólaskauta á flóttanum, er í samningaviðræðum við Krisinn R. vegna spænskunnar. Komið?