Fruuuuuuuuusss, nú verður þessu að linna!

 

Ég er í raun atvinnurekandi. Staffið telur 63 aðila, konur og menn, misgóða starfsmenn eins og gengur.

Vandinn er að ráðningasamningur þessa hóps er til 4 ára í senn og ekki uppsegjanlegur á tímabilinu, nema starfsfólkið vilji það sjálft.  Við þessi hundraðogeitthvað þúsund sem rekum fyrirtækið, upplifum okkur algjörlega valdalaus gagnvart þessum starfsmönnum okkar, sem hafa hlutina dálítið mikið eftir eigin höfði.

En fyrir hönd nokkurra eiganda vil ég koma eftirfarandi á framfæri:

Það er bannað að reykja á opinberum stöðum.  Þar með talinn ykkar eðli vinnustaður.  Reykaðstöðu skal samstundis lokað og þið sem enn reykið, þrátt fyrir að hafa marglýsti því yfir að það sé stórhættulegt, getið farið yfir í Dómkirkjuna eða að styttunni af Jóni Sigurðssyni, til að smóka.  Það er bannað að reykja á lóð vinnustaðarins.  Eins og á Lansanum, þið skiljið það er það ekki?  Ég meina, þið áttuð þátt í að friðlýsa Landspítalann af eiturgufum, munið þið?

Þá er það frá.

Frá og með morgundeginum þá er ykkur stranglega bannað að taka við gjöfum sem færðar eru ykkur vegna starfs ykkar.  Sem dæmi: Bækur, konfekt, vín, ostar og sollis smotterí.  Þetta verðið þið að greiða úr eigin vasa, eins og við hin.  Allar svona gjafir  skulu endursendast með hraði, beint til föðurhúsanna eða þær gefnar til góðgerðarsamtaka, sem berjast í bökkum.

Það stendur í vísi.is að það sé verið að vinna í gjafamálinu.  Ladídadída.  Hvað er vandamálið?  Nei, þýðir nei takk kærlega.  Tekur innan við sekúndu að segja orðið.

Og engar nefndir skulu stofnaðar um reykingamálið og gjafamálin.

Það er bannað með lögum að reykja á vinnustað, þið vitið það krúttin ykkar, bönnuðuð það sjálf, og það er siðlaust fyrir æðstu valdamenn þjóðarinnar að taka við gjöfum frá fyrirtækjum.  Varla eru bankarnir að senda ykkur brennivín, vegna þess að þeir halda að þið séuð illa haldnir í veskinu?

Ég hef skipt við marga banka í gegnum tíðina og hámark jólapakkans til mín hefur verið almanak.  Guð hvað ég hata bankaalmanök.

Nú er lag, árið er nýtt.

Bless ósiðir. 

Svo kíkjum við yfirmennirnir til ykkar fljótlega og tökum út efndirnar.

Allt í góðu?

Jájá.

Úje.

Athugasemdir

[Þröstur Unnar, 7.1.2008 kl. 22:33]

Ég skal senda þér Einarsbúðaralmmanak me de samme.

[Jóna Á. Gísladóttir, 7.1.2008 kl. 23:08]

hahahaha já væri ekki lífið ljúft ef kaupið gerðust svona á eyrinni

Helvíti góður pistill hjá þér kona

[Lára Hanna Einarsdóttir, 7.1.2008 kl. 23:26]

Mikið myndi ég þiggja alls konar önnur almanök en bankaalmanökin! Kannski sendir Þröstur mér líka eitt Einarsbúðar... 

Góður pistill hjá þér annars. Það á ekki að þurfa að ákveða hámarksverðmæti gjafa. Þingmenn og ráðherrar eiga ekki að þiggja NEINAR gjafir, hversu lítilfjölegar og verðlitlar sem þær eru. Prinsippmál.

Og þingmenn eiga heldur ekki að fá undanþágu frá lögum sem þeir settu sjálfir og fá að reykja á vinnustaðnum. Annaðhvort eða, ef þeir mega þá mega aðrir líka.

Og hananú! 

[Þröstur Unnar, 7.1.2008 kl. 23:30]

Ekki málið Lára Hanna. Fylli bara skottið hjá Gurrí og hún sér um dreifingu. Hún hefur hvort sem er ekkert annað gera á þriðjudögum.

[Bjarndís Helena Mitchell, 7.1.2008 kl. 23:31]

Þú ert alltaf jafngóð!

[Lára Hanna Einarsdóttir, 7.1.2008 kl. 23:32]

Æðislegt, Þröstur! Ég býst þá við Gurrí um hvað... tvöleytið á morgun á minn reykmettaða vinnustað?

[Hrafnhildur Ýr Vilbertsdóttir, 7.1.2008 kl. 23:44]

Þessi pistill á auðvitað að sendast beint til þessara 63ja aðila, þeir verða að sjá þessi frábæru skrif.......þú ert dásamleg kona

[Huld S. Ringsted, 7.1.2008 kl. 23:46]

Reka þá bara alla! þeir eru að brjóta lög. En af hverju fæ ég ekkert dagatal í jólagjöf frá mínum banka? Ég þarf greinilega að skipta um banka

[Guðríður Hrefna Haraldsdóttir, 7.1.2008 kl. 23:58]

Heheheheh, ég er búin að fylla skottið ... á bíl erfðaprinsins. Við dreifum á morgun!

[Jenný Anna Baldursdóttir, 8.1.2008 kl. 00:09]

Gurrí: Ég legg það á mig að versla í Einarsbúð fái ég almanak frá karlinum.  Enda eftir að áramótaógleðin mætti þarf ég ekki að versla nema einu sinni í mánuði ef fram heldur sem horfir.

Huld: Henti dagatalinu, tek ekki við mútum

Krumma: Ætli það sé ekki best að ég láti fjölrita bréfið og sendi það í ábyrgðarpósti.

Lára Hanna: Ertu að vinna á Alþingi? OMG

Jóna: Ofkors, þá er þetta gerlegt.  "We the people" mannstu?

Þröstur: Takk fyrir að koma Gurrí í djobbið.

[Ásdís Sigurðardóttir, 8.1.2008 kl. 00:12]

Mig langar ekki í dagatal, heppin. Tíminn líður alveg nógu hratt.  Góður pistill hjá þér Jenný mín. Þú þyrftir að komast í stjórn, værir ekki lengi að afgreiða hlutina.   

[Þröstur Unnar, 8.1.2008 kl. 00:24]

Tíminn líður hægar og öldrun hægir á sér ef Einarsbúðaralmannak hangir uppi í allri sinni dýrð.

Alveg satt......

[Marta B Helgadóttir, 8.1.2008 kl. 01:27]

Klassapistill Jenný!

Þín var sárt saknað ... þú veist hvar.

[Jóna Kolbrún Garðarsdóttir, 8.1.2008 kl. 01:55]

Ég er áhugamanneskja um jafnan rétt þjóðfélagsþegnanna og skrifaði þessa færslu í nóvember  http://huxa.blog.is/blog/huxa/entry/361662  að þetta fólk sem er í vinnu hjá okkur skuli hegða sér eins og það sé hafið yfir lög.  Það er ekki í lagi

[Sigrún Jónsdóttir (IP-tala skráð) 8.1.2008 kl. 02:09]

Hættu nú Jenný Anna!  Sko, meðan þeir reykja á sínum vinnustað, þá reyki ég á mínum!!!(í felum eins og þeir sko!).  En ég hef þetta í það minnsta á minn vinnuveitanda, ef hann kemmst að því!

Almanak!  Komdu bara við í Rangá við Skipasund, þeir eru með alveg eins og Einarsbúð...sama hönnun og sennilega sama mynd, eins og Þröstur sagði.....Gamaldags og gott!

[Georg Eiður Arnarson, 8.1.2008 kl. 08:11]

Alltaf gaman að lesa bloggið þitt . kv .

[Jónína Dúadóttir, 8.1.2008 kl. 08:56]

Flott

[Hildigunnur Rúnarsdóttir, 8.1.2008 kl. 09:39]

Kva! Ekki heldurðu að það megi eitthvað frekar reykja í Dómkirkjunni? Þar þarf ég oft að vinna, sko, frábið mér svælu í sönginn...

Bankadagatöl eru stór, ljót og leiðinleg. Eru ekki allir með þessi fínu dagatöl í tölvunum sínum?

[Jenný Anna Baldursdóttir, 8.1.2008 kl. 10:16]

Hildigunnur:  Ég er nú bara að meina í skýlinu yfir aðaldyrum kirkjunnar.  Ekki svona óliðlegheit vúman.

Stofnum bloggaraflokkinn, hann berst gegn spillingu á öllum plönum. Jájá.

[Hildigunnur Rúnarsdóttir, 8.1.2008 kl. 11:00]

:D

[Sunna Dóra Möller, 8.1.2008 kl. 11:45]

...ég fæ líka bankaalmanak.......einu sinni fékk Bolli grillhanska...það voru feit mútur enda við búin að vera að mata bankann á yfirdráttarvöxtum lengi og mikið vill meira ekki satt !

Flottur pistill, sammála þér og ég styð bloggaraflokkinn alla leið....(nafnið þó of líkt borgaraflokknum )!

hefanæsdei

[Gunnar Hrafn Jónsson (IP-tala skráð) 8.1.2008 kl. 11:59]

Hvaða biturleiki er þetta eiginlega í fólki. Ein skitin (ódýr!) rauðvínsflaska á mann. Það væri nær að eyða prenti og kílóbætum í eitthvað annað en áhyggjur af því að vel stæðir ráðherrar fari að láta kaupa sig fyrir 1100 króna gutl úr ríkinu.

[Birna Dis Vilbertsdóttir (IP-tala skráð) 8.1.2008 kl. 12:04]

Snilld og aftur snilld.Ég fékk borðdagatal en vildi bók og meira Nóa-Síríus.

[Þröstur Unnar, 8.1.2008 kl. 12:09]

Hvert fara kílóbætin sem þú eyðir Gunnar. Má ekki endurvinna þau í dagatöl.

[Gunnar Hrafn Jónsson (IP-tala skráð) 8.1.2008 kl. 12:20]

Þröstur: Eins og þú líklega veist er verið að höggva niður fleiri ferkílómetra af Amazon.com frumskógunum á hverjum degi til að anna eftirspurn netheimsins. Þessi gegndarlausa niðurrifsstefna er að stofna okkur öllum í hættu ;)

[Bjöggi (IP-tala skráð) 8.1.2008 kl. 16:17]

Fá ekki allir bankaalmanak ? Ég fékk líka þennan svaka flotta jólaóróa  frá bankanum mínum sem er hurðaskellir. Þegar þú snýrð honum er eins og hurðakellir sé að skella hurð á eftir sér, mjög cool. Þetta var líklegast flottasti hluturinn sem ég fékk þessi jólinn og er farið að hlakka til næstu jóla þar sem ég vona að ég fái næsta jólasvein frá bankanum mínum þá, fékk nefninlega líka einn í fyrra.