Sunnudagsvæmnisblogg - eða pirringsjöfnun

 

Í gær var ég pirruð. Já, já, vill brenna við á bestu heimilum.  Líka mínu menningarheimili, þar sem bækur prýða alla veggi, hver fjölskyldumeðlimur spilar á eðalgígjur og meðan við borðum miðdegisverðinn, hlustum við á Heimskringlu eða aðrar fornbókmenntaperlur lesnar af hljómskífum.

Ekkert slömm hér, ónei.

Og nú pirringsjafna ég.

Mér líður vel, ég er í banastuði og ég er nærri því að drekka kaffi og blogga.  Kaffið ekki alveg til staðar svona, fremur en forn hljóðfæri, en drykki ég það, væri það örugglega innan seilingar, þar sem ég sit við mína kjöltutölvu og framleiði dásamlegan texta.

Þegar ég verð pirruð er það öðrum að kenna.  Auðvitað, ég sjálf er saklaus eins og nýfallin mjöll.  Ég er alltaf geðgóð, alltaf ljúf, alltaf leiðitöm og alltaf straujandi og sparslandi.

Það er svo mikið af fíflum sem trufla tilveru mína.

Og svo er eftir að sjá hvort húmorsleysiseintökin eru að trufla hana líka.

Í eldhúsvaski bíða mín ein fjögur glös og slatti af undirskálum.

Engir pottar eða pönnur.  Reglusemin í hávegum höfð.

Já, já, það er satt þetta með vaskinn, allt hitt er uppdiktað kjaftæði, af því ég var í kjaftæðisstuði.

Það er líka satt að ég er að hlusta á BB King.  OMG hvað heimurinn hefur alið af sér marga snillinga.

Í dag sé ég Jennslubarnið og lillemann hann Hrafn Óla, ég er heppin kona.

Núna fer ég og tek til höndunum, skelli mér svo bloggvinahring og geri aðra hluti sem mér finnast skemmtilegir.

Hva! Er ekki lífið dásamlegt?

Það finnst mér.

Og nú þegar ég hef pirringsjafnað, haldið þið að það sé ekki í lagi bara, einhvertímann eftir hádegið að taka Lúkasinn á bölvaða kaþólsku kirkjuna sem er að biðja presta sína að biðja fyrir börnunum sem þeir sjálfir hafa misnotað kynferðislega? 

Kemur í ljós.

En hef ég sagt ykkur að þið eruð stundum lífgjafar mínir, elsku bloggvinir og aðrir gestir.  Þið eruð upp til hópa svo skemmtileg og klár og fullt af öðru jákvæðu, sem ég má ekki vera að, að telja upp, vaskurinn bíður.

Later alegater!

Úje

Athugasemdir

[Sunna Dóra Möller, 6.1.2008 kl. 11:57]

Góðan dag ! Ég sit fyrir framan tövluna skælbrosandi eftir að hafa hlustað á eiginmanninn syngja útvarpsmessu á RUV og eftirspilið hans Jóns Bjarnasonar organista í Seljakirkju hljómar í eyrum og svo les ég svona gleðilegt blogg í kjölfarið !

Eigðu góðan dag og mér finnst í góðu lagi að taka Lúkasinn á kaþ.kirkjuna í þessu máli! Þetta myndi einhvers staðar vera kölluð hræsni eða tvöfalt siðgæði.....!

Farin að fá mér kaffi og jafnvel að blogga alvöru blogg !

[Birna Dis Vilbertsdóttir (IP-tala skráð) 6.1.2008 kl. 12:15]

Daginn.Auðvitað er ALLUR PIRRINGUR ÖÐRUM AÐ KENNA.Þekki það.Saknaði þín í gær

[Hrafnhildur Ýr Vilbertsdóttir, 6.1.2008 kl. 14:36]

Jú það gerist sko á bestu bæjum að " aðrir " komast upp með að gera mann pirraðan gott að fíflunum virðist vera að fækka í kringum þig.....

Er á leið til Höfuðborgarinnar um næstu helgi....var að spá í hitting á meðal  skemmtilegra kvenna...... 

[Jóna Á. Gísladóttir, 6.1.2008 kl. 16:10]

Knús inn í daginn... og út úr honum aftur

[Ásdís Sigurðardóttir, 6.1.2008 kl. 20:09]

Áttu ekki uppþvottavél ???  

[Anna Ólafsdóttir (anno) (IP-tala skráð) 7.1.2008 kl. 01:03]

 Bara ekki hægt að hugsa sér neitt betra en að lesa bloggið þitt fyrir svefninn.

Knús