Á ábyrgð lækna?

Ég las í Mogganum að kona hafi verið heima hjá sér meðan hún framkvæmdi fóstureyðingu með þar til gerðri pillu.  Það kemur fram eindreginn vilji konunnar að hafa haft þennan háttinn á.

Það er ekki hægt að blogga um fréttina. 

"Fóstureyðingarpillan er lyf sem konum er gefið með tveggja daga millibili og brýtur niður slímhúð legsins. Á meðan hún er að skolast út er ætlast til þess að konur séu á spítala. Konan segist þó um síðir hafa fengið leyfi læknis til að eyða fóstrinu heima hjá sér."

 

Fyrir utan hvað mér finnst þetta kuldalegt þá langar mig að vita hvort læknirinn beri ekki ábyrgð hérna, þ.e. ef eitthvað óeðlilegt hefði komið uppá?

Blæðingar geta orðið miklar við notkun svokallaðrar fóstureyðingarpillu.

Hvað næst, getur maður þjarkað sig í gegnum minni háttar inngrip heima í stofu?

Kannski gegnum síma?

Mér er eiginlega hálf ómótt eftir þennan lestur.

Sjá hér.

Athugasemdir

[Heimir Lárusson Fjeldsted, 3.1.2008 kl. 13:27]

Fósturlátsins Freyja

fagra vangæfa dís,

seint mun vil þig segja;

sæl, með lofi og prís.

[Birna Dis Vilbertsdóttir (IP-tala skráð) 3.1.2008 kl. 13:29]

Ógeðfeld frétt.Ég er ekki hlynnt fóstureyðingum  en hef sem betur fer ekki þurft að standa frami fyrir svona ákvörðun.Það mótar kannski þetta viðhorf mitt en það er þá lágmark að konan sé á spítala á meðan þetta gengur yfir.

[Ásdís Sigurðardóttir, 3.1.2008 kl. 13:56]

Ég hef verið að velta því fyrir mér að fá mér stóra sleggju, rota húsbandið svo og gera sjálf við tennurnar í honum.  Hann getur svo gert við mínar og ég vakandi því ég læt aldrei deyfa mig. Mundi spara helling og ég er viss um að ´Húsasmiðjan á eitthvað lím eða kítti sem má troða í holurnar.  hálfvitar, framkvæma fóstureyðingu heima?? er ekki allt í lagi??

[Signý, 3.1.2008 kl. 14:04]

Sparnaðarstefna spítalana?... Það er náttúrulega mun ódýrara að fólk sé bara heima hjá sér frekar enn inná sjúkrahúsi... Plássið er dýrt... Eða æji ég veit það ekki, segieins og Hallgerður, það hlítur að vera einhver skýring á að þessu var háttað svona... það vantar eitthvað í þessa frétt.

[Hrafnhildur Ýr Vilbertsdóttir, 3.1.2008 kl. 14:07]

Mér finnst alltaf sorglegt að heyra um fóstureyðingar, hef blessunarlega aldrei staðið frammi fyrir því að þurfa velja.

Er að öðru leyti hundleið á læknum og tek sjálf úr mér sauma myndi örugglega framkvæma stærri aðgerðir  ef ég hefði réttu áhöldin.......djö sem ég hefði átt að verða læknir.

[Þuríður Björg Þorgrímsdóttir, 3.1.2008 kl. 15:14]

Mér sýnist á þessari frétt að konunni hafi aldrei verið bannað að vera heima hjá sér á meðan á þessu stæði og ekki hafa verið lagt hart að henni að vera á spítala. Svo ég held að við ættum ekki að dæma þessa konu fyrir eitt eða neitt.

[ókunnug (IP-tala skráð) 3.1.2008 kl. 16:54]

Veistu maður getur líka fengið þessar töflur eftir fósturlát.  Þetta er frekar ógeðfellt og þarf sterkar taugar til að þola svona meðferð. Mér var boðin þessi tafla og sagt að ég yrði heima og þyrfti að gera þetta sjálf.  Var bara bent á að ég myndi losna við svæfingu í staðinn. 

Ég þáði töfluna og átti ógeðslegasta sólarhring í lífi mínu þegar hún var að virka, geggjaðir verkir og það sem kom út ekki það sem ég vildi sjá.  Endaði svo í svæfingu.

 Ef ég myndi lenda í þessu aftur þá tæki ég svæfingu frekar en töflurnar.

Kv ókunnug.

[Jenný Anna Baldursdóttir, 3.1.2008 kl. 20:03]

Ég verð að svara ykkur seinna vegna anna í augnablikinu en þetta hefur ekkert með þessa konu að gera, ég er ekki að blogga um hana, heldur þá staðreynd að hún skuli hafa verið látin ein með þetta inngrip heima hjá sér.