Fjörið ekki aldeilis búið - ónei

Mundi eftir því áðan, ruglhausinn ég, að ég er á leiðinni til London þ. 18. janúar.  Ég mun ELDAST í þessari ferð, í alvörunni sko, þar sem ég á afmæli á meðan ég dvel í heimsborginni.

Ég fékk þessa ferð í jólagjöf frá dætrum mínum og frumburður fer með mér.

Við erum að velta okkur upp úr leiksýningum.

Úrvalið er ógurlegt.

Og á afmælisdaginn ætla ég að fara á Simon Cowell veitingastaðinn hennar Maysu

Annars ætlaði ég að blogga kvikindisblogg um Þorstein Davíðsson, af því hann tilkynnti sig veikan, fyrsta dag í vinnu.  Allir að fara á límingunum í vinnunni og svona, en ég hætti við.  Hafið þið séð augun í manninum.  Þau eru faaaaalleg.  Þess vegna læt ég hann í friði og óska honum snöggs bata.

En ég býð eftir rökstuðningi frá ráðherra, vegna þessarar ráðningar.

Já elskurnar, nú undirbý ég fyrir jólaniðurrif og ferðalag. 

Ég heldi nú það.

Kikkmíæmvolnerabúll.

Úje

Athugasemdir

[Ragnheiður , 2.1.2008 kl. 14:34]

Hvar sástu þessi augu sem stuðuðu þig svona ?

Bráðum fara jól í kassa og inn í geymslu...það verður mikið starf !

Spáum í afmæli og ferðalög þegar nær dregur

[Sunna Dóra Möller, 2.1.2008 kl. 14:38]

Ég hlakka mikið til að setja jólin mín kassa, mér finnst þeim pínu ofaukið í dag hahahaha....eins og mér finnst nú gaman að setja þau upp ! Það verður jafn gaman að setja þau aftur upp eftir 11 mán....það er ljóst !

Mikið framundan hjá þér og  mikið áttu gott að vera að fara til London, það er frábært að hafa svona tilbreytingu framundan í leiðinlegasta mánuði ársins !

Njóttu þess að hlakka til, þú átt það skilið !

[Lára Hanna Einarsdóttir, 2.1.2008 kl. 14:57]

Spáðu í þetta þegar þú ferð til London:  http://www.bfi.org.uk/whatson/bfi_imax
Ég er svo sveitó að ég hafði ekki farið í svona þrívíddarbíó - fyrr en í gærkvöldi og þá á Bjólfskviðu. Mjög gaman.

Þetta er svo vinsælt að ráðlegt er að panta miða fyrirfram.

[Birna Dis Vilbertsdóttir (IP-tala skráð) 2.1.2008 kl. 15:19]

Ummmmm London og amli á sama tíma.Augun já.Ekki vildi ég vera dóttir frægrar umdeildrar manneskju.Grey kallinn.Vonandi nær hann sér fljótt.

[Jóna Á. Gísladóttir, 2.1.2008 kl. 15:33]

heyrðu... afhverju ertu dottin út af bloggvinalistanum mínum... panikk panikk

[Jónína Dúadóttir, 2.1.2008 kl. 15:39]

Þetta verður gaman hjá ykkur

[Ásdís Sigurðardóttir, 2.1.2008 kl. 16:04]

Úff þið er öðruvísi, ég er pínu hrædd  við hann á mynd, en hef hitt hann í eigin persónu og þá er hann alveg o.k. voða ljúfur. Vona að honum batni fljótt.   

[Anna Ólafsdóttir Björnsson, 2.1.2008 kl. 16:14]

Gleðilegt ár! London er hreinlega yndisleg borg og ég vona að þú njótir hennar í botn. Mér finnst, í seinni tíð, alltaf ómissandi að skjótast og rápa um í Covent Garden, hlusta á götusöngvarana rokka og trúbadorast og í hádeginu, alla vega um helgar, er oft himneskur flutningur á klassísku efni (held það séu tónlistarnemar). Áður fyrr voru það aðrir hlutir sem heilluðu mig við London, en alla vega eru þar skemmtilegustu bóka- og plötubúðir sem maður kemst í.

[Svala Erlendsdóttir, 2.1.2008 kl. 19:45]

Hafðu það gott í London,

Gleðilegt nýtt ár

[Kristín Katla Árnadóttir, 2.1.2008 kl. 19:47]

Gleðilegt ár .Jenný mín það verður gaman hjá ykkur.

[Edda Agnarsdóttir, 2.1.2008 kl. 20:43]

Spennandi með London ferðina!

Örverpið mitt er þar núna og ég er ekkert gassalega róleg.

[Jenný Anna Baldursdóttir, 2.1.2008 kl. 21:16]

Þið eruð svo frábærar kjéddlingar.

Hallgerður: Augun mín og augun þín, veit ekki en  þau slógu mig.

Jóna: Sama fokk hjá mér í stjórnborði.

Dúa: Ég beygi mig undir þetta.

[Helga Magnúsdóttir (IP-tala skráð) 3.1.2008 kl. 12:57]

Þú verður að sjá Spamalot, algjörlega frábær sýning. Ég hef lesið þig oft án þess að kommenta, en gat ekki stillt mig núna um að benda þér á þetta frábæra leikrit.