Nú er að halda kjafti og vera kjút

NTC (hvað sem það nú er) hefur talað.  Við eigum að vera kvenlegar og fágaðar um áramótin stelpurnar.

Ekkert attitjúd, engar skoðanir, blúndan inni, groddinn úti og nú er að dingla augnahárunum (gervi sko).

Nú er að demba sér í Barbí fasann.  Heyrast ekki en sjást og vera afskaplega fallegegar og fágaðar.

Er hægt að hafa gaman í fylleríisflóðinu sem skellur á og vera fágaður í leiðinni?

Mig langar að sjá það.

Vonandi eru ekki margar konur sem taka við skipunum að ofan.

Let your hair down girls og djammið eins og motherfuckers, þið sem eruð á þeim buxunum (blúndukjólnum).

Og hér er lag áramótana fyrir íslenskar konur.

bb

Kvenlegar og fágaðar um áramót

Athugasemdir

[Sunna Dóra Möller, 29.12.2007 kl. 15:29]

Ég er bara svo lítil dama í mér...hahahaha....neita að fara eftir svona fyrirmælum að ofan og ætla að vera eins og mér líður best og í fötum sem að mér líður vel og mér er hlýtt í! Ég er löngu hætt að frjósa fyrir stælinn !

[Ásdís Sigurðardóttir, 29.12.2007 kl. 15:32]

  Auðvitað bara dúlllur með bros á vör og ekki segja orð.

[Lára Hanna Einarsdóttir, 29.12.2007 kl. 15:35]

  Þetta er nú BARA fyndið! 

Hvað er annars NTC?

[Jónína Dúadóttir, 29.12.2007 kl. 16:32]

Hí hí KISS aðferðin.... keep it simple and stupid.... virkar vel fyrir mig, góður matur, smá vinna og fágunin, sem farið er fram á fer forgörðum eins og venjulega... Barbí og ég vorum aldrei neinir pallar og svo þegi ég ekki meðan ég hef málið

Og hvað er NTC ?

[Jón Steinar Ragnarsson, 29.12.2007 kl. 16:46]

Línan fyrir okkur er munntóbak og viðrekstrar, loðin bumban úti, hrotur, hryglur og fenómenalt dónalegur munnsöfnuður.  Þetta er lagið okkar í ár.

[Kristín Björg Þorsteinsdóttir, 29.12.2007 kl. 16:59]

Ég ætla að brussast sem aldrei fyrr - og aldrei stoltari að vera í flokki íslenskra brussa!

[Sigurbjörg Sigurðardóttir, 29.12.2007 kl. 17:19]

Leggings og blúndur,um mig fer hrollur.Eru ekki pinnaskór með svona til að halda sér í tískunni, með öllu ölvuðu fólkinu í kringum þig .Tala ekki um ef þú þarft að labba í bænum.Kanski var fréttin brandari 

[Birna Dis Vilbertsdóttir (IP-tala skráð) 29.12.2007 kl. 17:23]

Ég er ekki lítið búin að reyna að vera barbí í gegnum tíðina. En svo rann af mér og ég er bara hugguleg síðan.

[Hildigunnur Rúnarsdóttir, 29.12.2007 kl. 18:06]

víííí, ég verð alveg í stílnum, pallíettukjól og leggings undir

[Steingrímur Helgason, 29.12.2007 kl. 22:10]

Ég ætla nú bara rétt að vona að áramótapallíettukjóllinn minn síðan í fyrra rennist yfir mjaðmirnar á mér í ár.

Leggíngs, er það ekki eitthvað svona 'eightíz' ?

[Vendetta, 29.12.2007 kl. 22:33]

Það þarf gífurlegt átak til þess að íslenzkar konur verði kvenlegar.

[Lára Hanna Einarsdóttir, 29.12.2007 kl. 22:45]

Fer fram á við Vendettu að hann/hún skilgreini hvað hann/hún á við með "kvenlegur" í þessari athugasemd. Það þarf að skilgreina hugtök rækilega áður en alhæft er svona um þau.

Takk.

[Hófý Sig (IP-tala skráð) 29.12.2007 kl. 23:22]

Ég ætla að vera í þykku mórauðu vaðmálsbrókunum mínum og gömlu peysufötunum af henni langömmu, en hurru á einhver ykkar skinnskó að lána mér við?

[Svala Jónsdóttir, 30.12.2007 kl. 00:02]

Allt sem konur gera er sjálfkrafa kvenlegt, þannig að við erum jafn kvenlegar í blúndu og bússum.

[Ragnheiður , 30.12.2007 kl. 00:26]

Fyrirgefðu allt trubblið í dag í kringum húsband...ég ætla að vera ég sjálf á gamlárs...skást sollis kellingin

[Jens Guð, 30.12.2007 kl. 00:31]

...svo er biskupinn að væla undan því að tíðarandinn sé að ræna frá honum karlmennsku.  Og vitnar til trésmiðsins Jósefs sem feðraði athugasemdalaust eingetið barn konu sinnar,  Maríu.  ja,  hérna. 

[Borat (IP-tala skráð) 30.12.2007 kl. 00:39]

Ég er búinn að marglesa greinina með kynjagleraugum, karlrembugleraugum og meira að segja lesgleraugum.

Hvergi sé ég getið neitt um þetta "Ekkert attitjúd, engar skoðanir" nú eða þetta "Heyrast ekki en sjást".

Er ég með vitlaus gleraugu eða eru þetta þínar hugmyndir um kvenleikann?

Borat 

[Anna Ólafsdóttir (anno) (IP-tala skráð) 30.12.2007 kl. 01:10]

Keypti mér leðurstígvél í dag, sléttbotna. Er ég ekki glötuð eikkað og unfit???

[Jenný Anna Baldursdóttir, 30.12.2007 kl. 01:24]

Anna: Til hamingju með stígvél, fékkstu ráðgjöf hjá NTC áður en þú keyptir?

Borat: Lestu gleraugnalaust, þá rennur kannski upp fyrir þér sá einfaldi sannleikur að það er verið að við eigum að vera kvenlegar og fágaðar í klæðaburði um áramót.  Með öðrum orðum það er tískan.

Annars þakka ég öll komment.

[Þorsteinn Valur Baldvinsson, 30.12.2007 kl. 10:50]

Alveg ótrúlegt að konur skuli láta segja sér hvað sé fínt og flott eða í tísku.

Hvar er sjálfstæður vilji og hugrekki til að vera bara þú.

Árið 2008 að koma og enn er verið að skreyta sig eins og páfagaukur á steinöld.

Hvernig á að taka konur alvarlega á meðan þessi andlega fötlun er enn til staðar á 21 öldinni.  

[Hildigunnur Rúnarsdóttir, 30.12.2007 kl. 13:01]

Steingrímur, eitís er inni...