Vinkonubók

 

Áfram heldur bókabloggið.

Ég var búin að lofa ykkur bloggvinir og aðrir gestir að blogga um nýju bókina hennar Jónínu Leós,  "Talað út um lífið og tilveruna".  Ég lofaði því í nóvember, en kva, smá seinkun.

Jónína skrifar á skemmtilegan hátt um ýmsar hliðar mannlegra samskipta. Bókin skiptist í 46 sjálfstæða kafla og meðal þess sem Jónína veltir fyrir sér er máttur hugans, tímaþjófar, kúnstin að þiggja, kukl og blygðunarlausi aldurinn.

Ég skemmti mér konunglega yfir lestrinum.  Í hverjum einasta kafla fann ég sjálfa mig í aðstæðunum, hafði velt fyrir mér þema kaflans á einhverju stigi máls og svo gat ég ekki stillt mig um að skella upp úr með reglulegu millibili.  Jónína hefur nefnilega húmor fyrir sjálfri sér og á þessum síðustu og verstu virðist það ekki svo algengur eiginleiki, þannig að ég held því svo sannarlega til haga þegar ég rekst á fyrirbrigðið.

Svo er bókin lítil og handhæg, fer meira að segja ágætlega í veski (veit það, tók hana með mér á biðstofu læknis).

Ég ætla að hafa þessa bók í huga þegar ég set í pakka fyrir vinkonurnar.  Ekki spurning.´

Falalalalala

Athugasemdir

[Ásthildur Cesil Þórðardóttir, 19.12.2007 kl. 09:17]

Þú segir nokkuð Jenný mín, heppileg ef til vill í 10 tíma flug til dæmis. 

[Jónína Dúadóttir, 19.12.2007 kl. 09:38]

Svona og bara svona, á bókagagnrýni að vera

[Jenný Anna Baldursdóttir, 19.12.2007 kl. 09:39]

Já Ásthildur, þér veitir ekki af lestrarefni til að láta tímann líða.

[Jenný Anna Baldursdóttir, 19.12.2007 kl. 09:53]

Jónína:  Hehe, þetta er ekki bókagagnrýni, ég gef mig ekki út fyrir svoleiðis.  Blogga bara um bækur sem ég hef gaman að.  Læt aðra um að gagnrýna, sem vit hafa á.  Ég bregst við því sem ég les með tilfinningunum, það þykir ábyggilega ekki par fínt.

[Jóhanna Magnúsar- og Völudóttir , 19.12.2007 kl. 10:46]

Kem heim frá útlöndum og þú orðin "sophisticated beib"  ... smart mynd! Ég er búin að lesa BÍBÍ og búin að  lesa 2/3 af the Witch from Portebello, get mælt með þeim báðum. Langar í Jónínu eftir þessar upplýsingar .. held ég verði að aflýsa öllum þessum jólaboðum til að fá frið til lesturs.

[Ásdís Sigurðardóttir, 19.12.2007 kl. 11:05]

Ég þekki aðra konu sem hefur líka húmor fyrir sjálfri sér, hún svarar nafninu "Jenný" held þú vitir hverja ég meina  ég gæti vel hugsað mér að kíkja á Jónínu eftir þessar upplýsingar. kveðja og eigðu góðan dag.

[Lára Hanna Einarsdóttir, 19.12.2007 kl. 11:15]

Ég gleypti í mig bókina hennar Jónínu Leósdóttur og fannst hún frábær. Það er svo ótrúlega mikil speki í húmornum og mér fannst t.d. sérstaklega gaman að lesa um blygðunarlausa aldurinn - ég er nefnilega á honum og nýt þess í botn. 

Hér er skemmtilegt viðtal við Jónínu í Helgarútgáfu Rásar 2 9. des. sl. Það byrjar u.þ.b. í miðjum þætti.

Þessi bók fór í nokkra jólapakka hjá mér og ég bíð spennt eftir fleiri hugleiðingum frá Jónínu. Vonandi fæ ég þær fyrir næstu jól.

[Jónína Dúadóttir, 19.12.2007 kl. 12:36]

Jenný, ég veit alveg að þetta á ekki að vera meint sem bókagagnrýni, en þú hefur "vit á að bregðast við bókinni, með tilfinningunni"!  Og það finnst mér fínt !

[Hrafnhildur Ýr Vilbertsdóttir, 19.12.2007 kl. 12:49]

Fer og næ mér í bókina við fyrsta tækifæri, hlakka til lestursins