Þetta megið þið ekki blogga um krakkar mínir..

.. það er amk. ekki hægt að tengja við fréttina.

Grunur um nauðgun!

Grunur um innbrot?

Grunur um líkamsárás?

Grunur um árekstur?

Hvernig væri að fjölmiðlar hefðu eitthvað samræmi í fullyrðingunum eða fyrirvörunum, réttara sagt þegar fjallað er um árásir og önnur lögbrot.

En á maður ekki að vera þakklátur fyrir að Mogginn skuli hafa vit fyrir manni og ákveða í hvaða tilfellum má tengja frétt við blogg og hvenær ekki?

Ég er ekkert sérstaklega þakklát í dag.

Ónei.

Athugasemdir

[Jónína Dúadóttir, 17.12.2007 kl. 08:33]

Getur verið að það gleymist að setja tenginguna inn ?

[Jenný Anna Baldursdóttir, 17.12.2007 kl. 08:48]

Hallgerður: Mikil ósköp þetta er grunur, en það sama á þá væntanlega að gilda um önnur brot þar til þau hafa verið staðfest eða hvað?

Jónína: Örugglega alveg óvart.

[Jenný Anna Baldursdóttir, 17.12.2007 kl. 10:08]

Guðlaugur: Ekki misskilja mig, mér finnst að sjálfsögðu að enginn skuli dæmdur annarsstaðar en fyrir dómstólum.  En það má þá eiga við á línuna og það eru þessi mismunandi viðhorf við uppsetningu á fréttum sem mér finnast athugaverð.

Dómstóll götunnar er þreytt hugtak.  Eins og venjulegt fólk séu heilalausir hálfvitar sem kunni ekki fótum sínum forráð.  Að vísu er alltaf einhver minnihluti sem fer offari en það er minnihluti og það þarf ekki að hafa vit fyrir fólki.

Hallgerður, hreint ótrúlegt að þetta skuli gerast svona æ ofan í æ.

[Gísli Hrafn Atlason (IP-tala skráð) 17.12.2007 kl. 11:13]

Hvað varðar það að ekki er hægt að tengja við fréttina þá held ég að það sé gert af tillitssemi við fórnarlambið. Ýmsir hafa lýst þessu sem þrefaldri nauðgun: nauðgunin sjálf, niðurlæging í dómssal og svo niðurlægjandi umræða á neti í bloggi þar sem fórnarlömb eru nafngreind.

 Það má einnig velta því upp hver ábyrgð Moggablogs sé þegar nafnlausir einstaklingar svo dæmi sé tekið nýðast á fórnarlambi með því að nafngreina það og draga fram einhverja hegðun sem kemur nauðguninni ekkert við.

Ætla sosum ekki að leggja dóm á þessa verklagsreglu Mogga en aðgát skal höfð í nærveru sálar.

Kær kveðja

[Hildigunnur Rúnarsdóttir, 17.12.2007 kl. 12:09]

Nei, dómstóll götunnar verður ekki þreytt hugtak meðan Lúkasarmál geta komið upp...

[krossgata, 17.12.2007 kl. 15:24]

"Enginn hefur fengið réttarstöðu sakbornings" - stórkostlegt orðalag.  Er það í tísku eftir að foreldrar Madeleine litlu fengu réttarstöðu hvað... grunaðra eða sakborninga?  Hefur ekki hingað til verið talað bara um hvort einhver sé grunaður eða ekki?

[Jenný Anna Baldursdóttir, 17.12.2007 kl. 15:56]

Krossgata: Æi þú veist, orðatískan, alltaf að breytast en allt hitt stendur kyrrt.

Ég veit Guðlaugur en mér finnst samt vont þegar verið er að  gera hinn almenna mann að einhverjum geðsjúkum massa, þó auðvitað séu alltaf einhverjir sem fara offari.

Hildigunnur, I get your drift.

[Þorsteinn Gunnarsson, 18.12.2007 kl. 00:45]

Sammála... Ástæða þess að ég nenni ekki orðið að taka meiri þátt í þessu "ritskoðaða samfélagi"...

Kv. Steini