Fín afþreying

 

Það er mikið spjallað um bækur í athugasemdakerfinu hér á síðunni minni og ég var búin að lofa því að blogga um bækurnar sem ég er að lesa.  Er búin að vera að lesa Jónínu Leós (blogga um það á morgun) og svo eyddi ég helginni í þykka og góða afrþreyingarbók.  Sú heitir "Undir yfirborðinu" og er eftir bandaíska metsöluhöfundinn Noru Roberts.  Roberts hefur skrifað grilljón skáldsögur eða eitthvað, en allar fara bækurnar hennar á toppinn.

Bókin er það sem hún er sögð vera, fín afrþreyingarbók sem inniheldur, morð, rán, ástir og dramatík.  Bókin bjargaði lífi mínu um helgina þar sem hér ríkti mikil spenna vegna mögulegrar fæðingar bróðurs Jennýjar Unu, sem síðan ákvað að kanselera hingaðkomunni um smá tíma.  Dæs.

Mæli með þessari bók með jólakonfektinu.

Falalalalala

Athugasemdir

[Hrönn Sigurðardóttir, 16.12.2007 kl. 16:26]

Afþreyingarbækur eru alltaf góðar - verð að muna eftir að taka þessa á bókasafninu. Eða er hún kannski ný fyrir jólin? Þá er nú aldeilis vonlítið um að ég taki hana fyrr en síðar. Fæ mig ekki til að lesa bækur undir pressu!! Hér er nefnilega tveggja vikna lán á nýjum bókum.....

....sem er náttúrulega alveg nóg, ef út í það er farið....

Nóg komið. Knús á þig, ljúfust

[Hildigunnur Rúnarsdóttir, 16.12.2007 kl. 16:55]

Roberts er ekki sem verst, ég les bækurnar sem hún skrifar undir nafninu J.D. Robb, meira á glæpahliðina.

[Ásdís Sigurðardóttir, 16.12.2007 kl. 18:14]

Ég er bara ekkert í lesstuði, frekar ólíkt mér. Ætla samt að vona að ég fái bók í jólagjöf.

[Sunna Dóra Möller, 16.12.2007 kl. 18:50]

Mig langar svo að fara að lesa einhverja góða bók.....þarf að fá svona viku til að lesa og gera ekki neitt á meðan, nema kannski borða.

[Birna Dis Vilbertsdóttir (IP-tala skráð) 16.12.2007 kl. 19:29]

Las bara blöðin um helgina en er að æfa mig fyrir Jólin og borðaði hálfan ekki svo lítinn Nóa-Síríus á meðan ég las viðtalið við Jenný.Vona að ég fái bók og meira konfekt þá verð ég sátt.

[Steinunn Ólína Þorsteinsdóttir, 16.12.2007 kl. 20:02]

Las viðtalið við þig...frábært viðtal. Þú ert nú meiri kellingin. Ég les alltaf bloggið þitt annað veifið þó ég sé nú hætt sjálf að nenna blogga.

Baráttukveðjur til þín

Steinunn ólína 

[Steinunn Ólína Þorsteinsdóttir, 16.12.2007 kl. 20:04]

var að lesa "almost moon" eftir höfund "svo fögur bein"...fín bók...

[Jenný Anna Baldursdóttir, 16.12.2007 kl. 20:51]

Steinunn Ólína: Þú mættir alveg koma með rekkómendasjónir um bækur þar sem þú ert stödd í himnríki hvað varðar útkomu bóka.

Allir í lesturinn.

Hey Hildigunnur, vissi ekki að kella skrifaði glæpa, best að tjékka á því þegar jólapakkinn er uppétinn.

[Hildigunnur Rúnarsdóttir, 17.12.2007 kl. 12:12]

:D