Fullorðinsbjánar?

Er það góð auglýsing fyrir "Just4kids" að það komi í fréttum að þeir hafi miskunnað sig yfir leikfangaglaða Íslendinga sem voru komnir í biðröð fyrir utan búðina í óveðrinu (með börn sumir), þrátt fyrir ítrekuð tilmæli frá lögreglu og öðrum sem vinna við að halda í horfinu, núna í morgun fyrir opnun búðar?  Já, nokkuð sætt af þeim að opna aðeins fyrr, af því röðin fyrir utan var komin í "lárétta" stöðu eins og maðurinn sagði.  Líka nokkuð góður leikur hjá þeim að troða sér í blöðin af tilefninu, það geysar jú verðstríð, segja þeir.

En er það góð auglýsing fyrir Íslendinga að gefa skít í svona fyrirmæli og ana af stað með börnin sín til að geta flippað út í leikfangabúðinni? Held ekki.  Gæti reyndar sagt ýmislegt fleira um hvað mér finnst en ætla að sleppa því.

Róleg meðan ég öskra á mig hása.

Hin tveggja ára Jenný Una Eriksdóttir gæti kennt sumum foreldrum eitt og annað, því áðan sagði hún við mig í símann: Amma þú mátt ekki fara út í vonda verrinu.  Þa e mjög mjög hættulett.  Heyrið þið það ábyrgðarleysisfrömuðir.is

Það er ekki eins og það sé verið að fara í nauðsynlegar ferðir hérna.  Leikföng minn afturendi.

Fruuuuuuuuuuuuuuuuussssssssssss

Athugasemdir

[Jenný Anna Baldursdóttir, 14.12.2007 kl. 12:59]

Heyr, heyr, við skiljum hvor aðra Beta mín

[Jón Steinar Ragnarsson, 14.12.2007 kl. 13:00]

Jamm best að halda sig inni. Ég fylgist með bloggi Stebba Frið, hann er alltaf með heitustu fregnirnar. Fyrirsögn hans nú er "Óveður um allt land."  Veit ekki hvar maður væri án hans.

Fólk er náttla fífl að vera að dandalast með börnin úti í þessu.

[Gísli Baldvinsson (IP-tala skráð) 14.12.2007 kl. 13:00]

Er allt að fjúka til fjandans þarna fyrir sunnan? Menn mæta ísskápum og öðrum skápum. Ég ætlaði suður útbúinn með vísa og alles, enda ætlaði ekki að láta handtaka mig á Reykjavíkurvelli. En sem sagt sit hér heima, og engin leikfangaverslun til að húka fyrir utan. Missi ég af nokkru?

[Sunna Dóra Möller, 14.12.2007 kl. 13:09]

Ég og mín 5 ára sem er heima í dag fukum út í Bónus áðan, enda nauðsyn á þar sem ekkert var til á þessu heimili til að borða og baka með !

Þar var ekki röð sem betur fer fyrir utan og gekk þetta greiðlega fyrir sig, við fukum aftur heim og sú stutta þeirri stund fegnust. Ekki hefði ég nú lagt það á lítinn skrokk að standa í biðröð eftir dóti. Hefði nú bara tekið æðruleysið á það og hugsað: Þetta veður gengur jú yfir og enn eru 10 dagar í jól. Ég fer bara á morgun eða hinn, þegar veðrið er gengið niður ! Það getur ekki verið svo mikið stress að fólk þurfi að standa í röð með börnin fyrir utan dótabúð á óveðursdegi, það er ekki eins og það sé yfirvofandi vöruskortur í landinu !

[Edda Agnarsdóttir, 14.12.2007 kl. 13:53]

Aumingja einstæðu mæðurnar sem arka af stað með börnin og engin barnapössun eða neitt og sumar bara aleinar! ÉG hef allavega samúð með þeim. Mér finnst að þessir andsk... eigi að bjóða heimkeyrslu með leikföngin eins og matvörubúðirnar í gamladaga, svoleiðis búð er minnsta kosti hér á Skaga, það er hann Einar Ólafsson í Einarsbúð! Svo ef ykkur vantar jólaföt á börnin eða ykkur þá er hægt að fá lánuð föt heim og spegla sig bak og fyrir með allri familíunni og velja undir eðlilegum kringumstæðum.

[Guðríður Hrefna Haraldsdóttir, 14.12.2007 kl. 15:09]

Erfðaprinsinn minn hetjaðist út í Einarsbúð í óveðrinu, enda mjólkurlaust út í latte, efast þó ekki um að hann myndi ana út í slíkt veður ef útsala væri á dóti við hans hæfi, GPS-tæki eða fartölva ...

[Díta (IP-tala skráð) 14.12.2007 kl. 15:22]

Já, þvílík vitleysa, allt út af einhverju dóti!!!!!

Hefði þetta aftur á móti verið útsala í KronKron........ 

[Guðrún Arna Möller (IP-tala skráð) 14.12.2007 kl. 15:31]

Ég held að fólk hefði heldur átt að nýta daginn til að krúttast heima með börnunum en að vera að leggja þetta á sig og krílin sín.  Það er miklu huggulegra að nýta tímann með barninu/börnunum inni og spila eða bara spjalla.  Þarf ekki nein dýr (eða ódýr) leikföng til að eiga góðar stundir.

[Viðar Eggertsson, 14.12.2007 kl. 15:56]

Gísli: Já, nú fjúka sko skáparnir! Það er einmitt veður í dag til að láta skápana fjúka! Og það gera menni í dag hér fyrir sunnan, sko hver um annan þveran.... mikið stuð og gleði...

[Þröstur Unnar, 14.12.2007 kl. 16:03]

Sko, krakkarnir hafa bara gott af því að kynnast golunni, og takast á við ÍSL veðráttu. Bara gaman að krúttast úti í allskonar veðrum.

En svo er annað mál með dótaauglýsingarnar. Arg.....

[Ásthildur Cesil Þórðardóttir, 14.12.2007 kl. 16:15]

Jamm eins og hérna pabbi stubbsins kom í heimsókn og var umsvifalaust tekin í spilamennsku, Ólsen Ólsen heheeh, og stubburinn er að vinna, þó pabbinn hefði átt þrjár áttur í upphafi. 

[Margrét Össurardóttir (IP-tala skráð) 14.12.2007 kl. 16:51]

Þetta er bara pjúra ábyrgðarleysi í fólki að hanga úti með börnin í slagveðurs-rigningu og þaðan af verra. Ekki það, það hafa allir gott að viðrast aðeins, en að slagveðrast lárétt í biðröð fyrir framan dótabúð kl. 10 að morgni og búðin opnar ekki fyrr en kl. 11, já, gimmíabreik. Bull og vitleysa

[Jóna Á. Gísladóttir, 14.12.2007 kl. 16:57]

 lárétt röð fyrir utan helvítis dótabúðina. Jenný veistu... þú ert búin að bjarga frekar glötuðum degi

[Hildigunnur Rúnarsdóttir, 14.12.2007 kl. 20:03]

stelpurnar mínar fóru í morgun, labbandi, áður en við kveiktum á úbartinu. Sú yngri tókst á loft, enda ekki þung. Varð sem betur fer ekki meint af.

Svo var náttúrlega ekki skóli og pabbi þeirra sótti þær. Sá litli náði ekkert út.

Hér var krúttast með börnunum í dag. Snilldardagur.

[Jenný Anna Baldursdóttir, 14.12.2007 kl. 21:24]

Nauðsynlegir svona dagar börnin góð